Apokalisi 9:20 - Dɔnɔn kə̂ Siki: Tar kə̂ aw arə təbbə

²⁰ A kəsə dəwje kə̂ nɛ̂n kəm-to-ndooje nəənn le tɔljede ang le inyaje ddəw polo kɔrje kə̂ n̂-ddaje kə jide njaa le ang. N̂-naynje daw poloje ndilje kə̂ maji ang, daw poloje kɔrje kə̂ n̂-ddaje kə andə kə narɛ kə tungu kə ər kə kakə. Kɔrje kə̂ aw ooje lo ang ddəm aw ooje tar ang ddəm aw njaje ang ddəm le.

Maketuru le Lubba ke tar kabba

²⁰ A kese dewje ke ne-kem-to-ndooje neenn le tɔljede ang le inyaje ddew polo kɔrje ke n̂-ddaje ke jide le ang. N̂-naynje daw n̂-poloje ndilje ke maji ang, daw n̂-poloje kɔrje ke n̂-ddaje ke ande, ke nare, ke tungu, ke er, ke kake. Kɔrje ke aw ooje lo ang ddem, aw ooje tar ang ddem, aw njaje ang ddem le.

Apokalisi 9:20 ပူးပေါင်းရင်းမြစ်များ

Matiye 21:32

Mba, ləw Jan ddee rɔse tə̂, tɔjuse ddəw dda nɛ̂n kə̂ gatə gatə, a ooje məse tə̂ kə tar laa ang. A njê-taaje narɛ lambo kə dɛnɛ̂n njê-kayaje â ooje məde tə̂ kə tar laa le. A sese, ooje nɛ̂njeenn kə majɛ̂, a kəjə ləse jɔkuse ang ddəm ooje məse tə̂ kə tar laa le ang ddəm.»

Kulaje 17:29

«Tɔkɔrɔ njaa n-toje to ngann lə Lubba. Yeenn a, ja kasəje ta kəjə to Lubba unn da-rɔ kɔr kə̂ n̂-dda kə andə wase narɛ wase ər kə̂ dəw tɔl to tɔl kə gusu laa wase əjə to kəjə bba dda, tokə baânn wa?

Kulaje 19:26

A sese njaa ooje kə kəmse ddəm ooje kə mbise ddəm nan Pɔl mbɔn dəwje pa arəde nan kɔrje kə̂ n-dda kə jije to lubbaje ang ngaâ dəwje nya nya ndikije tə̂ saa. Tarje nəənn taa dɔ nangə kə̂ Aji tɔyn bbo Epɛjə kâra baa ang.

Kulaje 7:41

Yeenn bba, n̂-ddaje ngonn mangə to kɔr ləde dɔ ndɔɛ̂je tə̂ənn ngaâ darɛ̂je nɛ̂n-polo ddəm dɔsuje gaji nɛ̂n kə̂ n̂-ddaje kə jide le kə rɔ-nəəl ddəm.

2 Kɔrɛntinyɛje 12:21

M-bbəəl mba kin karə maw ta koose kə̂ guku a, Lubba ləm ila rɔ-kul kəmʼm tə̂ nɔnse tə̂. Ngaâ, karə m-nɔn, mba dəwje nya horose tə̂ kə̂ naynje ddəw majang tə̂ tokə ye kə̂ ləw, ddəw nɛ̂n-yərəwje tə̂, ddəw kaya tə̂ kə ddəw lo-to-majang tə̂.

1 Timɔte 4:1

Ndil-mə-nda pa kə majɛ̂ nan, ddutu ndɔje a, marə dəwje a kinyaje ddəw mə-kunn mba nayn go ndilje tə̂ kə̂ njê-ngəmje ngaâ dâ kunnje go nɛ̂n-tɔju lə ndilje kə̂ maji ang le.

Apokalisi 15:1

Goe tə̂ a, moo marə nɛ̂n kə̂ bo kə̂ kura laa dum dɔ dəwje mə dara tə̂: Anjəje siri uwaje nɛ̂n kəm-to-ndooje siri jide tə̂. To dɔbɔyn nɛ̂n kəm-to-ndooje, mba ddəwe tə̂ â, wungu lə Lubba a ddee nɛ̂n dɔ dəwje tə̂.

Apokalisi 16:8

Anjə kə̂ to sɔ laa mbəl wungu kə̂ əngo tə̂ laa dɔ kar tə̂. Darə ddəw kar le karə puru laa ɔn dəwje.

Apokalisi 9:19

Mba singa sundaje le to mə kilde tə̂ ddəm bbɔngude tə̂ ddəm. Bbɔngude undaje rɔ li. Bbɔngude le dɔɛ̂ to dɔɛ̂ le â daw ddaje nɛ̂n dəwje maji ang.

Apokalisi 9:21

Dinyaje ddəw tɔl dəw ang ddəm ddəw əmbilije ləde ang ddəm ddəw kaya ang ddəm ddəw bbokoje ləde ang ddəm.