Apokalisi 8:5 - Dɔnɔn kə̂ Siki: Tar kə̂ aw arə təbbə

⁵ Anjə le unn ngonn jo ro dukann le ungu puru kə̂ dɔ bann tə̂ le məɛ tə̂ ddusu ngaâ bi ila dɔ nangə tə̂. Njangə baa a, ndi ndangə, kɔru ndu nɛ̂nje bbar, ndi təəl ngaâ nangə yəkə.

Maketuru le Lubba ke tar kabba

⁵ Anji le unn ngonn jo ro yambo le ungu puru ke dɔ bann te le me te ddusu, ngaa bi ila dɔ nange te. Njange baa a, ndi ndange, kɔru ndu neje bbar, ndi teel, ngaa nange yeke.

Apokalisi 8:5 ပူးပေါင်းရင်းမြစ်များ

Matiye 24:7

Marə gəl-dəwje a kin ta dda ddɔ kə marə gəl-dəwje. Marə Bbe-kɔn a kin ta dda ddɔ kə marə Bbe-kɔn. Nangə a yəkə loje tə̂ dang dang, tɔkə bbo a koso.

Luku 12:49

«M-ddee ta kila puru dɔ nangə tə̂. A m-ndiki ta karə puru le ɔn njaa ngaa.

Kulaje 16:26

A ta koo a, nangə yəkə kə singa arə gɔl kəy-kula kə̂ dungu nangə̂ le yəkə. Kar tə̂ənn njaa ta-kəyje tɔyn təəyn ngaâ kula njamjije kə̂ n̂-tɔ nɛ̂n dəwje tɔyn kə̂ duwade le gayn nangə̂.

Kulaje 4:31

N̂-dujuje Lubba n̂-tungaje a, nangə yəkə lo tə̂ kə̂ n̂-mbɔnje naan tə̂ le. Ndil-mə-nda ddusude ngaâ dunnje kutu pa tar lə Lubba kə bbəəl ang.

Apokalisi 11:13

Kar tə̂ənn njaa, nangə yəkə kə singa. Bbo n̂-kayn mə tɔkə bbe le dɔku a, dəbbə bbe le kâra njaa guru arə dəwje doro siri (7 000) oyje mba nangə kə̂ yəkə le. Bbəəl dda kəsə dəwje kə̂ naynje kəm baa ngaâ dɔsuje gaji Lubba kə̂ darâ.

Apokalisi 11:19

Ta-kəy-polo Lubba kə̂ to mə dara tə̂ ɔru ngaâ sanduku dɔnɔn ubba mə kəy-polo tə̂ laa le. Ndi təəl, ndu dəwje bbar, ndi ndangə, nangə yəkə ngaâ kɔju gayn kə singa.

Apokalisi 4:5

Təəl lə ndi, kɔru nɛ̂nje kə ndangə lə ndi inje ngende-mbay tə̂ kə̂ to dannâ le aw teeje. Puru-ngeelje siri kə̂ aw ɔnje kə singa toje nɔn ngende-mbay tə̂ le. Puru ngeeljeenn le toje to ndilje lə Lubba kə̂ siri le.

Apokalisi 6:12

Maa lo ngaâ moo Ngonn batə le ddee ɔru nɛ̂n kə̂ n̂-lətə nɛ̂n ta makəturu le kə̂ to misan laa. A nangə yəkə kə singa. Kar tuka ndul tokə kubbu kuwa-ndoo, a nɛyn ddee tokə lə məsə.

Apokalisi 8:3

Marə anjə dang bbay ddee ar mbɔr bann tə̂ le. Nuwa marə ngonn jo ro dukann kə̂ n̂-dda kə andə jia tə̂. Darɛ̂ dukann tokə banya karə n̂-ro dɔ bann tə̂ kə̂ n̂-dda kə andə kə̂ to nɔn ngende-mbay tə̂ le ddəm karə n̂-ddee kə dujuje lə dəwje lə Lubba tɔyn nɔn Lubba tə̂ le ddəm.