Apokalisi 8:10 - Dɔnɔn kə̂ Siki: Tar kə̂ aw arə təbbə

¹⁰ Anjə kə̂ to mota laa to təbbə laa. A marə tɔkə əndɛtɛrɛndɛn kə̂ aw ɔn puru tokə puru-ngeel in darâ oso. Bbo n̂-kayn horo baje kə̂ dɔ nangə tə̂ loe mota a, əndɛtɛrɛndɛn le oso dɔ dəbbə ba tə̂ le kâra ddəm loje tə̂ kə̂ maannje aw inje tə̂ aw teeje ddəm.

Maketuru le Lubba ke tar kabba

¹⁰ Anji ke to mota laa to tebbe laa. A mare tɔku endeterenden ke aw ɔn puru toke puru ngel in darâ oso. Toke n̂-kayn horo baje ke dɔ nange te loe mota a, endenterenden le oso dɔ debbe ba te le kara, ke dɔ loje te ke maannje aw inje ke te aw teeje.

Apokalisi 8:10 ပူးပေါင်းရင်းမြစ်များ

Matiye 25:1

«Yeenn a, Bbe-kɔn kə̂ darâ a to tokə tar lə marə ngann mandəje dɔku kə̂ otoje lambeje ləde ta kaw tila nɛ̂n kəm dingaw kə̂ nje-taa dɛnɛ̂n.

Luku 10:18

Jeju ilade tə̂ nan: «Moo Satan kə̂ in darâ oso tokə lə ndi kə̂ aw təəl.

Judə 1:13

Daw teeje kə nɛ̂n-rɔ-kul ləde kə̂ n̂-ddaje kə ddaka tokə maann kə̂ aw ləngə kə singa ngaâ aw ubbu njum-tɛɛ̂. N̂-toje tokə əndɛtɛrɛndɛnje kə̂ arje lo kâra ang kə̂ Lubba ngəm marə lo kə̂ il biti biti kə̂ a to kə ndɔ kə ndɔ mbade.

Apokalisi 1:20

Nɛ̂n kə̂ iya rɔɛ̂ ɔju dɔ əndɛtɛrɛndɛnje siri kə̂ oo jim tə̂ kə̂ kɔl kə nɛ̂n-kunda lambeje siri kə̂ n̂-dda kə andə-narɛ le gəle tokə be: Əndɛtɛrɛndɛnje kə̂ siri le tɔju anjəje kə̂ Egilisije tə̂ kə̂ siri le, a nɛ̂n-kunda lambeje kə̂ siri le toje to Egilisije kə̂ siri le tɔ.»

Apokalisi 12:4

Bbo n̂-kayn horo əndɛtɛrɛndɛnje kə̂ darâ loe mota a, bbɔngu tɔkə da le saa dəbbə əndɛtɛrɛndɛnje loe kâra tilade nangə̂. Tɔkə da le ddee ar nɔn dɛnɛ̂n tə̂ kə̂ aw nduru ndo le aw nginan ta bbo nuju be njaa a, kunn ngonn kə̂ nuje le kusɛ̂ kure kə loe baa.

Apokalisi 14:7

Anjə le pa tar kə singa nan: «Ə-bbəəlje Lubba, ɔsuje gajɛ̂! Mba kar kə̂ nâ gangə nɛ̂n sariya dɔ dəwje tə̂ asə ngaa. Ə-poloje nje-dda dara kə nangə kə ba-katə kə ddutu dɔ maannje.»

Apokalisi 16:4

Anjə kə̂ to mota laa mbəl wungu kə̂ mə əngo tə̂ laa mə baje tə̂ kə ddutu dɔ maannje tə̂ arə mannje le turuje to məsə.

Apokalisi 6:13

Əndɛtɛrɛndɛnje inje darâ gaynje nangə̂ tokə kandə pigə kə̂ nayn sangəje ang bbay ngaâ tɔkə ləl aw yəkə kakɛ̂ arə aw gayn.

Apokalisi 8:7

Anjə kə̂ dɔngɔr to təbbə laa. A kɔju kə puru poleje naan kə məsə ngaâ gaynje dɔ nangə tə̂. Bbo n̂-kayn nangə kə kakəje kə̂ dɔ nangə tə̂ loe mota a, puru ɔn dəbbə nangə le kâra, ɔn dəbbə kakəje le kâra ngaâ ɔn kamje kə muje kə̂ təbbə tɔyn.

Apokalisi 9:1

Anjə kə̂ to min laa to təbbə, a moo marə əndɛtɛrɛndɛn in darâ oso nangə̂. Darɛ̂ ngaw kele ta tɔkə buwa kə̂ sunrɛ̂ goto.

Apokalisi 9:15

N̂-tutu anjəje kə̂ sɔ le. Bbo n̂-kayn horo dəwje kə̂ dɔ nangə tə̂ loe mota a, n̂-toje ngɔsi ta tɔl dəbbə dəwje kə̂ dəbbə nangə tə̂ le kâra karɛ̂ tə̂ənn, ndɔɛ̂ tə̂ənn, mə nɛyn tə̂ənn kə bbalɛ̂ tə̂ənn le.

Apokalisi 9:18

Nɛ̂n kəm-to-ndooje kə̂ mota nəənn le: Puru, sa kə supərə kə̂ aw teeje ta sundaje tə̂ le tɔlje dəbbə dəwje kâra horo dəbbə dəwje tə̂ kə̂ mota le.