Apokalisi 7:9 - Dɔnɔn kə̂ Siki: Tar kə̂ aw arə təbbə

⁹ Goe tə̂, maa lo bbay a, moo dəwje tokə banya. Dəw asə turade ang. Dinje horo dəwje tə̂ kə̂ gəlde dang dang tɔyn, horo njê kə̂ bbeje tə̂ dang dang, horo njê kə̂ nangəje tə̂ dang dang kə horo njê kə̂ ndɔn-tarje ləde to dang dang. Darje nɔn ngende-mbay tə̂, nɔn Ngonn batə tə̂ le. Dulaje tɔkə kubbu kə̂ nda ngaâ duwaje kam mburu jide tə̂.

Maketuru le Lubba ke tar kabba

⁹ Goe te maa lo bbaya a, moo dewje banya banya. Dew ase turade ang. Dinje horo dewje te ke gelde dang dang tɔyn, horo nje ke bbeje te dang dang, horo nje ke nangeje te dang dang, ke horo nje te ke ndɔn-tarje lede to dang dang. Darje nɔ ngende-mbay te, nɔ Ngonn bate te le. Dulaje tɔku kubbu ke nda, ngaa duwaje kam mburu jide te.

Apokalisi 7:9 ပူးပေါင်းရင်းမြစ်များ

Luku 12:1

Kar tə̂ənn njaa, dəwje mbɔnje naan tokə banya ngaâ daw dubbaje gɔl naan. Jeju pa arə njê-njaje goe tə̂ dɔngɔr nan: «Aaje rɔse wum tə̂ lə Parijinyɛje kə̂ to ngəm.

Luku 21:36

Maji karə ə-tibbije ang, ə-dujuje Lubba kə kar tɔyn, yeenn bba â kingaje singa ta tee nɛ̂n ta nɛ̂n tə̂ kə̂ a ta ddee le ddəm ta kar nɛ̂n taar nɔn Ngonn lə dəw tə̂ ddəm.»

Tar kə̂ Maji kə̂ Jan dda makəturu tə̂ 12:13

Dede tɔyn njaa n̂-tije kam mburuje duwaje jide tə̂ ngaâ dinje mə bbe tə̂ le n̂-tilaje kəmɛ̂. Duruje əkii nan: «Jɔsuje gaji Lubba! Maji karə Lubba bbar tar kə̂ maji dɔ dəw tə̂ kə̂ ddee kə ri Əbbə-dəwje! N̂-to tɔkə mbay kə̂ Ijarayɛl!»

Rɔmɛnje 11:25

Ngakɔnʼmje, m-ndiki karə ə-gərəje marə nɛ̂n dɔ nɛ̂n tə̂ kə̂ Lubba əjə ta dda ngaâ nayn lo-kiyɛ̂ tə̂ bbay nəənn nan kin karə ooje rɔse to njê-kəm-karɛje. Marə dəbbə dəwje kə̂ Ijarayɛl məde aw kətərə ndərəng karə kɔr dəwje kə̂ toje to Jiipije ang le tɔyn ingaje kaji bba.

Epɛjinyɛje 6:13

Mba yeenn bba, maji karə otoje nɛ̂n-ddɔje lə Lubba tɔyn. Baann bba, bbo ndɔ kə̂ maji ang tee a, â kasəje ta maan gɔlse nangə̂ nɔn nje-baan tə̂ le karə ngəng ngaâ bbo ə-ddaje ddɔ le ndərəng ə-teeje nɛ̂n a, â naynje dɔ gɔlse tə̂.

Ebərəje 11:12

Mba yeenn bba, ddəw tə̂ lə dəw kə̂ kâra baa, kə̂ nayn ngɔsi baa ta koy le duju dəwje kə̂ banya banya tokə lə əndɛtɛrɛndɛnje kə̂ darâ ddəm ənangara ba-katə ddəm arə dəw asə ta turade ang.

Ebərəje 12:22

A sese, ə-ddeeje ngɔsi kə ddingiri kə̂ Sinyɔ, kə̂ to bbe lə Lubba kə̂ nje-kisi kəm baa, Jerujalɛm kə̂ darâ, kə̂ anjəje toje tə̂ doro doro.

Apokalisi 11:15

Goe tə̂ a, anjə kə̂ to siri laa to təbbə. Ndu bbar kə singa darâ nan: «Bbasinɛn, kɔn-mbay dɔ nangə tə̂ nəənn təl mə ji Əbbəjeje tə̂ kə mə ji Mesi tə̂ laa. Nâ kɔn-mbay kə ndɔ kə ndɔ.»

Apokalisi 22:3

Marə nɛ̂n kə̂ ndu-ndɔɔl lə Lubba a to dɔɛ̂ tə̂ a to ang ngaa. Ngende-mbay lə Lubba kə lə Ngonn batə a toje mə bbe tə̂ le. Njê-kulaje lə Lubba a poleje.

Apokalisi 3:18

Mba yeenn bba, m-pa mari karə ə-ndoko andə kə̂ n̂-ləkə purô darə yərəw goto tə̂ jim tə̂, karə ə-ddee to nje-nɛ̂n-kinga kə̂ tɔkɔrɔ. Ə-ndoko kubbuje kə̂ nda ula, mba bbo rɔi to baa a, rɔ-kul a ddai. Ə-ndoko kuman kə̂ to maannɛ̂ ila kəmi tə̂ ta ə-təl oo lo.

Apokalisi 4:4

Marə ngende-mbayje dɔjoo gire sɔ gukuje dɔ ngende-mbay le ngaâ tɔkəje dɔjoo gire sɔ isije dɔɛ tə̂ kâra kâra tɔyn. Dulaje kubbu kə̂ nda ngaâ dundaje əjɔkudɔ kə̂ n̂-dda kə andə-narɛ dɔde tə̂.

Apokalisi 5:11

Maa lo bbay a, moo ndu anjəje tokə banya. Kɔrde asə doro doro, asə tura ang. N̂-gukuje dɔ ngende-mbay le ddəm nɛ̂nje kə̂ sɔ kə̂ toje kəm baa le ddəm tɔkəje le ddəm.

Apokalisi 5:9

Daw dɔsuje pa kə̂ siki nan: «Asə ta taa makəturu le, ta kɔru nɛ̂n kə̂ n̂-lətə nɛ̂n tɛɛ̂. Mba n̂-tɔli to nɛ̂n-polo. Ə-ndoko dɔ dəwje tɔyn kə məsəi arə Lubba, dəwje kə̂ gəlde to dang dang tɔyn, njê kə̂ ndɔn-tarje ləde to dang dang tɔyn, kə njê kə̂ isije nangəje tə̂ ləde kâra kâra tɔyn.

Apokalisi 6:11

Yeenn ngaâ darəde tɔkə kubbu kə̂ nda, kə̂ ngal kâra kâra tɔyn. Ngaâ, n̂-pa darəde karə n̂-nginanje ngaji, karə kɔr nje-kula marədeje kə kɔr ngakɔndeje utu naan bba. Mba dede kara dâ tɔlde tokə ləde tɔ.

Apokalisi 7:8

njê kə̂ gəl Jabulɔn tə̂ doro dɔku gire joo (12 000), njê kə̂ gəl Jojɛpə tə̂ doro dɔku gire joo (12 000), njê kə̂ gəl Bɛnjamɛn tə̂ doro dɔku gire joo (12 000). Dede tɔyn kə̂ dɔsu əndaji nɔnde tə̂.