Apokalisi 7:4 - Dɔnɔn kə̂ Siki: Tar kə̂ aw arə təbbə

⁴ Moo kɔr dəwje kə̂ duja əndaji əngo-nɔnde tə̂ le. Deeje doro kɔr kâra kə dɔsɔ gire sɔ (144 000) To dəwje kə̂ inje horo gəl-dəwje tə̂ tɔyn kə̂ Ijarayɛl.

Maketuru le Lubba ke tar kabba

⁴ Moo kɔr dewje ke duja endaji engo-nɔde te le. Deeje doro kɔr kara, ke dɔsɔ gire sɔ (144 000). To dewje ke inje horo gel-dewje te tɔyn ke Ijarayel.

Apokalisi 7:4 ပူးပေါင်းရင်းမြစ်များ

Matiye 19:28

Jeju pa arəde nan: «M-pa tar kə̂ tɔkɔrɔ marəse, ndɔ kə̂ nɛ̂nje tɔyn a turuje tokə siki, kar tə̂ kə̂ Ngonn lə dəw a kisi ngende-mbay tə̂ kə̂ to nɛ̂n-piti, sese kə̂ unnje gom kara â kisije dɔ ngende-mbayje tə̂ dɔku gire joo, mba gangə sariya dɔ gəl-kuju ngann Ijarayɛlje tə̂ kə̂ dɔku gire joo tɔ.

Luku 14:22

Nje-kula le pa nan: ‹Dəw kə̂ tɔkə, m-dda nɛ̂n kə̂ ndui pa le mban, a kəsə lo nayn baa bbay.›

Luku 22:30

mba karə usaje nɛ̂n ddəm ayje nɛ̂n ddəm dɔ tabələ tə̂ ləm mə Bbe-kɔn tə̂ ləm ngaâ karə isije ngende-mbayje tə̂, mba gangə sariya dɔ gəl-kuju ngann Ijarayɛlje tə̂ kə̂ dɔku gire joo.»

Kulaje 26:7

Gəl-dəwje ləje kə̂ dɔku gire joo undaje məde to nɛ̂n kə̂ Lubba unn ndue ta dda a ddee to nɛ̂n kə̂ tɔkɔrɔ. Yeenn bba daw poloje Lubba til kə kar, a singade ɔru ang. Tɔkə mbay, əman kara munda məm dɔ nɛ̂n tə̂ənn le tɔ. Mba yeenn bba Jiipije undaje nɛ̂n tar dɔm tə̂.

Rɔmɛnje 9:27

Ejayi kara ila mbər dɔ ngann Ijarayɛlje tə̂ nan: «Le ngann Ijarayɛlje banyaje tokə ənangara ta-ba kara, dede kə̂ Lubba mbərəde â dâ kingaje kaji.

Jakə 1:1

Əman, Jakə kə̂ m-to bbərə-kula lə Lubba ddəm Əbbə-dəwje Jeju-Kristə ddəm m-dda lapiya dəwje kə̂ toje to Jiipije kə̂ gəl-kujude dɔku gire joo kə̂ sarɛnje naan mə bbeje tə̂ dang dang.

Apokalisi 14:1

Maa lo bbay a, moo Ngonn batə le ar dɔ ddingiri tə̂ kə̂ Sinyɔ. Dəwje doro kɔr kâra kə dɔsɔ gire sɔ (144 000) eeje mbɔrɛ̂ tə̂. Ri Ngonn batə le kə ri bɔɛ̂je toje əngo-nɔnde tə̂.

Apokalisi 14:3

Dəwje le aw ɔsuje pa kə̂ siki nɔn ngende-mbay tə̂ le, nɔn nɛ̂nje tə̂ kə̂ toje kəm baa kə̂ sɔ le kə nɔn tɔkəje tə̂ le. Dəw kâra kə̂ a kasə ndo pa le goto. Bbayɛ̂ njaa to dede kə̂ doro kɔr kâra kə dɔsɔ gire sɔ (144 000) kə̂ Ngonn batə uka dɔde dɔ nangə tə̂ le.

Apokalisi 7:5

Njê kə̂ gəl Juda tə̂ kə̂ əndaji to rɔde tə̂ doro dɔku gire joo (12 000), njê kə̂ gəl Rubɛnn tə̂ doro dɔku gire joo (12 000), njê kə̂ gəl Gadə tə̂ doro dɔku gire joo (12 000),

Apokalisi 9:16

Kɔr njê-ddɔje kə̂ toje to njê-sundaje kə̂ n̂-bbar darə moo to doro doro kɔr joo (200 000 000).