Apokalisi 7:2 - Dɔnɔn kə̂ Siki: Tar kə̂ aw arə təbbə

² Moo marə anjə dang in ər kəm kar tə̂ ngaâ uwa nɛ̂n-kuja əndaji lə Lubba kə̂ nje-kisi kəm baa jia tə̂. Nila ko narə anjəje sɔ kə̂ darəde ddəw karə n̂-tujuje nangə ddəm ba-katə ddəm le. N̂-pa nan:

Maketuru le Lubba ke tar kabba

² Moo mare anji dang in er lo tee te le kare, ngaa uwa ne-kuja endaji le Lubba ke nje-kisi kem baa jia te. Nila ko nare anjije sɔ ke darede ddew kare n̂-tujuje nange ddem, ba-kate ddem. N̂-pa na:

Apokalisi 7:2 ပူးပေါင်းရင်းမြစ်များ

Matiye 16:16

Simɔn Piyɛr ilɛ̂ tə̂ nan: «Ə-to Mesi, Ngonn lə Lubba kə̂ nje-kisi kəm baa.»

Matiye 26:63

A Jeju pa tar ang. Yeenn ngaâ tɔkə nje-polo Lubba pa arɛ̂ nan: «M-duji kə ri Lubba kə̂ nje-kisi kəm baa karə ila tar tə̂ nəənn: Ə-to Kristə, Ngonn lə Lubba wa?»

Tar kə̂ Maji kə̂ Jan dda makəturu tə̂ 6:27

Maji karə nɛ̂n-kusa kə̂ aw tuju â ə-ddaje kula mbɛɛ̂ ang. Maji karə ə-ddaje kula mba nɛ̂n-kusa kə̂ aw to kə ndɔ kə ndɔ ngaâ aw arə təbbə kə̂ to kə ndɔ kə ndɔ. Nɛ̂n-kusa kə̂ to kə ndɔ kə ndɔ le Ngonn lə dəw â, a karəse. Mba, ne â Lubba kə̂ Bɔ arɛ̂ singa.»

2 Kɔrɛntinyɛje 1:22

Nula Ndil-mə-nda məje tə̂ to əndaji laa, ta nginan nɛ̂n kəsə nɛ̂nje kə̂ n̂-gɔl mba tar ləje.

Epɛjinyɛje 1:13

Ddəw tə̂ lə Kristə le tɔ a, sese kara ooje nɛ̂n tar kə̂ tɔkɔrɔ, Tar kə̂ Maji kə̂ ajise, ooje məse tə̂ kə Kristə ngaâ Lubba uja əndaji rɔse tə̂. Əndaji le to Ndil-mə-nda kə̂ nunn ndue ta karə le.

Epɛjinyɛje 4:30

Maji karə ulaje wungu mə Ndil-mə-nda tə̂ kə̂ Lubba arəse le ang. Ndil-mə-nda to tokə əndaji kə̂ Lubba unda rɔse tə̂ ta tɔju to marə ndɔ a, nâ kɔruse mə majang tə̂ tɔyn njaa kə ddang.

1 Tesalonisinyɛje 1:9

Dəwje tɔyn aw paje tar tee kə̂ n-tee rɔse tə̂, ndɔ tə̂ kə̂ jaw nɛ̂n bbeê ləse kə gusu kə̂ inyaje nɛ̂n kɔrje kə̂ aw poloje, a ə-turuje rɔse kə rɔ Lubba tə̂ ta dda saa, ne Lubba kə̂ nisi kəm baa ddəm n̂-to Lubba kə̂ tɔkɔrɔ ddəm le

2 Timɔte 2:19

A gɔl kəy kə̂ mɔngu kə̂ Lubba unda nangə̂ le nayn kə singɛ̂. Tar kə̂ n̂-dda gɔl kəy tə̂ le nan: «Əbbə-dəwje gərə njê kə̂ toje to dəwje laa» ngaâ «Maji karə dəw kə̂ bbar ri Əbbə-dəwje mban, mbətə majang.»

Ebərəje 12:22

A sese, ə-ddeeje ngɔsi kə ddingiri kə̂ Sinyɔ, kə̂ to bbe lə Lubba kə̂ nje-kisi kəm baa, Jerujalɛm kə̂ darâ, kə̂ anjəje toje tə̂ doro doro.

Apokalisi 1:3

Maji arə dəw kə̂ tura makəturu nəənn. Maji arəde, de dəwje kə̂ dooje tarje kə̂ Lubba tee nɛ̂n kə ddaka nəənn ngaâ n̂-ngəmje tarje kə̂ n̂-dda makəturu tə̂ le. Mba kar kə̂ nɛ̂njeenn le a teeje nɛ̂n le nayn ngɔsi.

Apokalisi 10:1

Goe tə̂ a, m-təl moo marə anjə kə̂ nje-singa-mɔngu in darâ aw ddisi. Mum taa rɔɛ̂ tɔyn tokə lə kubbu ngaâ ngaburandi guku dangara dɔɛ̂. Kəmɛ̂ ndoko tokə lə kar ngaâ gɔlɛ̂ kasɛ tokə lə ndɔn-puru.

Apokalisi 10:4

Kar tə̂ kə̂ ndi le ndangə tɛɛ̂ siri le a, m-ndiki ta kuja tar kə̂ ndije le paje le makəturu tə̂, a moo marə ndu kə̂ in darâ nan: «Ə-ngəm məi tə̂ bbo uja makəturu tə̂ ang.»

Apokalisi 16:12

Anjə kə̂ to misan laa mbəl wungu kə̂ mə əngo tə̂ laa mə tɔkə ba tə̂ kə̂ ria nan Əparatə. Maann le ii mba kinya ddəw karə tɔkə mbayje kə̂ inje ər kəm kar tə̂ aw ddeeje.

Apokalisi 5:2

Moo marə anjə kə̂ nje-singa-mɔngu aw ila mbər kə singa nan: «Nân bba asə ta kɔru nɛ̂n kə̂ n̂-lətə nɛ̂n ta makəturu nəənn ngaâ ta təəyn wa?»

Apokalisi 8:3

Marə anjə dang bbay ddee ar mbɔr bann tə̂ le. Nuwa marə ngonn jo ro dukann kə̂ n̂-dda kə andə jia tə̂. Darɛ̂ dukann tokə banya karə n̂-ro dɔ bann tə̂ kə̂ n̂-dda kə andə kə̂ to nɔn ngende-mbay tə̂ le ddəm karə n̂-ddee kə dujuje lə dəwje lə Lubba tɔyn nɔn Lubba tə̂ le ddəm.

Apokalisi 9:14

Ndu le pa arə anjə kə̂ to misan ləde kə̂ uwa təbbə jia tə̂ le nan: «Ə-tutu anjəje kə̂ sɔ kə̂ n̂-tɔde mbɔr tɔkə ba tə̂ kə̂ ria nan Əparatə le.»

Apokalisi 9:4

Darəde ndu karə n̂-tujuje muje kə kamje kə kakəje ang. A dəwje kə̂ əndaji lə Lubba goto əngo-nɔnde tə̂ â ta n̂-ddajede maji ang.