Apokalisi 7:17 - Dɔnɔn kə̂ Siki: Tar kə̂ aw arə təbbə

¹⁷ Mba ngonn batə kə̂ ee dɔ ngende-mbay tə̂ le a ngəmde tokə lə nɛ̂n-kuulje ngaâ nâ kaw kə de loje tə̂ kə̂ maannje kə̂ aw arə təbbə inje kə tə̂ bba aw teeje. Ngaâ Lubba a bɔru maann-nɔn kəmde tə̂ tɔyn.»

Maketuru le Lubba ke tar kabba

¹⁷ Mba ngonn bate ke ar dann ngende-mbay te le a ngemde toke le ne-kuulje, ngaa na kaw ke de loje te ke maannje ke aw are tebbe inje ke te bba aw teeje. Ngaa Lubba a bɔru maann-nɔ kemde te tɔyn.

Apokalisi 7:17 ပူးပေါင်းရင်းမြစ်များ

Matiye 2:6

‹Əi kə̂ Betelehɛm, kə̂ nangə Juda tə̂, ə-to tɛn baa horo ngann bbeje tə̂ kə̂ Juda ang. Mba marə mbay-bbe a kin məi tə̂ tee ta kɔru nɔn ngann Ijarayɛlje kə̂ toje to dəwje ləm.› »

Matiye 5:4

Maji arəse, see dəwje kə̂ aw nɔnje, mba Lubba a wul məse.

Tar kə̂ Maji kə̂ Jan dda makəturu tə̂ 10:11

«Əman, m-to nje-ngəm nɛ̂n-kuulje kə̂ maji. Nje-ngəm nɛ̂n-kuulje kə̂ maji ila rɔɛ̂ kɔrɔ̂ mba batəje laa.

Tar kə̂ Maji kə̂ Jan dda makəturu tə̂ 10:14

Əman, m-to nje-ngəm nɛ̂n-kuul kə̂ maji, m-gərə batəje ləm ngaâ batəje ləm gərəmje,

Tar kə̂ Maji kə̂ Jan dda makəturu tə̂ 4:10

Jeju ilɛ̂ tə̂ nan: «Bbo ə-gərə nɛ̂n kə̂ Lubba aw arə dəw ngaâ bbo ə-gərə dəw kə̂ aw duji maann-kay nəənn a, əi â, â duje maann-kay, ta nâ kari maann kə̂ aw arə təbbə.»

Tar kə̂ Maji kə̂ Jan dda makəturu tə̂ 4:11

Dɛnɛ̂n le pa arɛ̂ nan: «Əbbəmje, ee kə marə nɛ̂n kâra ta to nɛ̂n maann ang ddəm ngaâ buwa-maann le uru nya, a â kinga maann kə̂ aw arə təbbə le dda wa?

Tar kə̂ Maji kə̂ Jan dda makəturu tə̂ 4:14

A dəw kə̂ a kay maann kə̂ mâ karɛ̂, kunda a kɔɛ̂n ndɔ kâra ang ngaa. Maann kə̂ mâ karɛ̂ le a təl to kəy-maann kə̂ aw arə təbbə kə̂ to kə ndɔ kə ndɔ.»

Kulaje 20:28

Maji karə undaje kəmse dɔ rɔse tə̂ kə dɔ nɛ̂n-kuulje tə̂ kə̂ Ndil-mə-nda undase karə ə-ngəmjede. Ə-ngəmje Egilisi kə̂ Lubba ndoko kə məse njaa le.

1 Piyɛr 5:2

Ddəw kâra baa tokə njê-ngəmje nɛ̂n-kuulje, maji karə ə-ngəmje dəwje kə̂ banya kə̂ Lubba inyade mə jise tə̂ le kə majɛ̂. Lubba ndiki karə ə-ngəmjede kə mə-ndiki ləse njaa bbo tokə nɛ̂n kə̂ duwase kə singa bba karə ə-ddaje nɛ̂ɛnn le ang. Ə-ddaje nɛ̂ɛnn le mba kinga nɛ̂n narɛ ang. Maji karə ə-ddaje kə mə-kâra.

Apokalisi 14:4

Dede le dulaje rɔde nɛ̂n-yərəw tə̂ ddəw tə̂ lə dɛnɛ̂nje ang, mba n̂-gərəje dɛnɛ̂n ang. Daw dunnje go Ngonn batə le loje tə̂ tɔyn kə̂ naw naw tə̂. Lubba uka dɔde horo dəwje tə̂ karə n̂-ddeeje to dɔngɔr dəwje laa ddəm lə Ngonn batə le ddəm.

Apokalisi 21:22

A moo kəy-polo Lubba mə tɔkə bbe tə̂ le ang. Mba Əbbə-dəwje Lubba kə̂ Nje-singa-mɔngu njaa, de kə Ngonn batə â n̂-toje to kəy-polo Lubba kə̂ mə tɔkə bbe tə̂ le.

Apokalisi 21:23

Bbe le aw ndiki karə kar ɔsu wase karə nɛyn nda bba karə məɛ̂ ndoko ang. Mba ndoko lə Lubba â aw dda arə məɛ̂ aw ndoko ngaâ Ngonn batə le â to lambe kə̂ mə tɔkə bbe tə̂ le.

Apokalisi 21:4

Nâ bɔru maann-nɔn tɔyn kəmde tə̂. Yo a goto ngaa. Ndoo, əkii kə nɛ̂n kəm-to-ndoo a gotoje, mba nɛ̂nje kə̂ ləw ndayje mban.»

Apokalisi 21:6

Ngaâ n̂-pa narəm nan: «Bbayɛ̂ ngaa! M-to Alpa kə Omega, m-to kunn-kutu nɛ̂n ddəm dɔbɔyn nɛ̂n ddəm. Dəw kə̂ kunda ɔɛ̂n a, əman, mâ karɛ̂ maann kə̂ aw arə təbbə nay baa. To maann kə̂ aw in mə nangə tə̂ aw tee.

Apokalisi 22:1

Goe tə̂ a, anjə le tɔjum ba kə̂ maannɛ̂ aw arə təbbə dəw, kəmɛ̂ arɛ yərərə. Maann le ubba ngende-mbay tə̂ lə Lubba de kə Ngonn batə le aw tee

Apokalisi 4:11

«Əbbə-dəwje Lubba ləje, asə ta karə dəwje pitije, karə dəwje walije, asə ta kinga singa-mɔngu, mba əi njaa ə-dda nɛ̂nje tɔyn, əi njaa ə-ndiki bba nɛ̂nje le toje.»

Apokalisi 5:6

Maa lo ngaâ moo marə Ngonn batə ar dannâ mbɔr ngende-mbay tə̂ le, horo nɛ̂nje tə̂ sɔ kə̂ toje kəm baa le kə horo tɔkəje tə̂ le. Ngonn batə le ar tokə batə kə̂ n̂-tɔlɛ̂ mban to nɛ̂n-polo. Gajɛ̂ ee siri ngaâ kəmɛ̂ ee siri tɔ. Kəmɛ̂ kə̂ siri le toje to ndilje lə Lubba kə̂ siri kə̂ Lubba ulade dɔ nangə tə̂ tɔyn le.