Apokalisi 7:13 - Dɔnɔn kə̂ Siki: Tar kə̂ aw arə təbbə

¹³ Yeenn ngaâ marə tɔkə le kâra dujum nan: «Dəwje kə̂ ulaje kubbu kə̂ nda nəənn toje to nân wa? Dinje dda wa?»

Maketuru le Lubba ke tar kabba

¹³ Yeenn ngaa, mare kara le tɔkuje le dujum na: «Dewje ke ulaje kubbu ke nda neenn toje to na wa? Dinje dda wa?»

Apokalisi 7:13 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 7:28

Yeenn ngaâ Jeju aw tɔju nɛ̂n kəy-polo Lubba tə̂, a pa kə taar nan: «Ə-gərəmje njaa wa? Ə-gərəje lo kə̂ min tə̂ njaa wa? Əman njaa m-ddee kə dɔm baa ang. Ne kə̂ nulam le, n̂-to tɔkɔrɔ. Ne, ə-gəreje ang.

Kulaje 3:12

Piyɛr oo nɛ̂n le be a, pa arəde nan: «Dəwje kə̂ Ijarayɛl, mba ddi bba arəje bbəəl ddase mba nɛ̂n kə̂ tee nəənn wa? Mba ddi bba aw aajeje tokə nɛ̂n kə̂ ddəw singaje tə̂ njaa wase mba ngəm kə̂ jaw ngəm Ndu lə Lubba le bba n-ddɛɛ̂ jarə n̂-nja wa?

Apokalisi 3:4

A marə dəwje kə̂ eeje horose tə̂ Sardə le ngəmje rɔde arə nɛ̂n-yərəw ɔru kubbu ləde ang. Dâ kulaje kubbu kə̂ nda bba dâ njaje nɛ̂n səm, mba dasəje njaa.

Apokalisi 4:10

tɔkəje kə̂ dɔjoo gire sɔ le ɔsuje məkəjə-gɔlde nɔɛ̂n tə̂, ne kə̂ nisi ngende-mbay tə̂ le, n̂-walɛ̂je nɛ̂n, ne kə̂ nisi kə ndɔ kə ndɔ le. Dunguje əjɔkudɔje ləde nɔn ngende-mbay tə̂ le ngaâ n̂-paje nan:

Apokalisi 4:4

Marə ngende-mbayje dɔjoo gire sɔ gukuje dɔ ngende-mbay le ngaâ tɔkəje dɔjoo gire sɔ isije dɔɛ tə̂ kâra kâra tɔyn. Dulaje kubbu kə̂ nda ngaâ dundaje əjɔkudɔ kə̂ n̂-dda kə andə-narɛ dɔde tə̂.

Apokalisi 5:11

Maa lo bbay a, moo ndu anjəje tokə banya. Kɔrde asə doro doro, asə tura ang. N̂-gukuje dɔ ngende-mbay le ddəm nɛ̂nje kə̂ sɔ kə̂ toje kəm baa le ddəm tɔkəje le ddəm.

Apokalisi 5:5

A marə tɔkə le kâra pa arəm nan: «Ə-nɔn ang. Oo, ənam kə̂ gəl Juda tə̂, ne kə̂ n̂-to dəw kə̂ gəl Dabbiti tə̂ kə̂ n̂-tətə ddɔ, nasə ta kɔru ta makəturu kə̂ tokə lətə loe siri le ddəm ta təəyn makəturu le ddəm.»

Apokalisi 7:9

Goe tə̂, maa lo bbay a, moo dəwje tokə banya. Dəw asə turade ang. Dinje horo dəwje tə̂ kə̂ gəlde dang dang tɔyn, horo njê kə̂ bbeje tə̂ dang dang, horo njê kə̂ nangəje tə̂ dang dang kə horo njê kə̂ ndɔn-tarje ləde to dang dang. Darje nɔn ngende-mbay tə̂, nɔn Ngonn batə tə̂ le. Dulaje tɔkə kubbu kə̂ nda ngaâ duwaje kam mburu jide tə̂.