Apokalisi 6:16 - Dɔnɔn kə̂ Siki: Tar kə̂ aw arə təbbə

¹⁶ N̂-paje darə ddingirije kə ərje le nan: «Osoje dɔje tə̂, ɔnnje dɔje arəje ne kə̂ nisi dɔ ngende-mbay tə̂ nooje ang karə n-tee ta wungu tə̂ lə Ngonn batə le.

Maketuru le Lubba ke tar kabba

¹⁶ N̂-paje dare ddingirije, ke erje na: «Osoje dɔje te, ɔnnje dɔje areje ne ke nisi dɔ ngende-mbay te nooje ang, are n-tee ne ta wungu te le Ngonn bate le.»

Apokalisi 6:16 ပူးပေါင်းရင်းမြစ်များ

Matiye 26:64

Jeju ilɛ̂ tə̂ nan: «Əi njaa ə-pa mban. A m-pa marəse, bbasinɛn nəənn njaa â kooje Ngonn lə dəw kə̂ isi dɔ ji-kɔl Lubba tə̂ kə̂ nje-singa-mɔngu. A kooeje kar tə̂ kə̂ nâ kin darâ ta ddee mə mum tə̂ tɔ.»

Marke 3:5

Jeju aade tɔyn kə wungu. Rɔɛ̂ nəəle ang mba dəwje ddaje arə məde kətərə. Yeenn ngaâ n̂-pa narə dəw le nan: «Ə-ndɔju jii.» Dəw le ndɔju jia ngaâ jia le təl ddee maji.

Luku 23:30

Mə ndɔje tə̂ənn le, dəwje a paje karə ddingirije nan: ‹Osoje dɔje tə̂!› Dâ paje karə dɔkubbaje nan: ‹Ə-dəbbəje dɔje tə̂!›

Apokalisi 10:6

ngaâ nunda yo kə ri Lubba kə̂ nje-kisi kə ndɔ kə ndɔ, ne kə̂ n̂-dda dara kə nɛ̂nje tɔyn kə̂ toje tə̂, nangə kə nɛ̂nje tɔyn kə̂ toje tə̂, ba-katə kə nɛ̂nje tɔyn kə̂ toje tə̂. Anjə le pa nan: «Kar asə ngaa.

Apokalisi 19:15

Marə tɔkə kiya kə̂ atə in ta dəw tə̂ kə̂ aal sunda le tee ta tuka nɛ̂n gəl-dəwje. Nâ kɔn dɔde karə ngəng nya. Nâ tɔju wungu lə Lubba kə̂ to nje-singa-mɔngu, wungu laa kə̂ aw ɔn puru, ddəw mbɔyn tə̂ kə̂ nâ mbɔynde kə gɔlɛ̂ tokə lə kandə binyə mə nɛ̂n-kore-maann binyə tə̂.

Apokalisi 20:11

Goe tə̂ a, moo tɔkə ngende-mbay kə̂ nda kə dəw kə̂ isi dɔɛ tə̂. Nangə kə dara ɔtuje aynje nɔɛ̂n tə̂ kə ddang arə dəw təl oode ang ngaa.

Apokalisi 4:2

Njangə baa njaa a, Ndil-mə-nda uwam a, moo marə ngende-mbay mə dara tə̂. Marə dəw isi dɔɛ tə̂.

Apokalisi 4:5

Təəl lə ndi, kɔru nɛ̂nje kə ndangə lə ndi inje ngende-mbay tə̂ kə̂ to dannâ le aw teeje. Puru-ngeelje siri kə̂ aw ɔnje kə singa toje nɔn ngende-mbay tə̂ le. Puru ngeeljeenn le toje to ndilje lə Lubba kə̂ siri le.

Apokalisi 4:9

Kə kar tɔyn, bbo nɛ̂nje kə̂ sɔ le aw ɔsuje pa ta wal nɛ̂n, ta piti nɛ̂n, ta karə nɛ̂n wooyo ne kə̂ nisi dɔ ngende-mbay tə̂ ngaâ nisi kəm baa kə ndɔ kə ndɔ le a,

Apokalisi 5:1

Goe tə̂ a, dəw kə̂ isi ngende-mbay tə̂ le, moo makəturu kə̂ n̂-kə to jia tə̂ kə̂ kɔl. Duja makəturu mə tə̂ ddəm gire tə̂ ddəm. N̂-lətə tɛɛ̂, loe siri.

Apokalisi 6:10

Daw duruje əkii kə taar nan: «Əbbə-dəwje, əi kə̂ ə-maji tɔyn ngaâ ə-to dəw kə̂ tɔkɔrɔ, â nginan ndərəng ndɔ kə̂ dda bba â gangə sariya dɔ dəwje tə̂ kə̂ dɔ nangə tə̂ nəənn, ta kila barə ləje mba tɔl kə̂ n̂-tɔlje le wa?»

Apokalisi 9:6

Kar tə̂ənn, dəwje a sangəje yo, a dâ kingɛ̂ ang nyɔm. Dâ ndikije ta koy, a yo a kaynde kaw ddəw əw.