Apokalisi 6:12 - Dɔnɔn kə̂ Siki: Tar kə̂ aw arə təbbə

¹² Maa lo ngaâ moo Ngonn batə le ddee ɔru nɛ̂n kə̂ n̂-lətə nɛ̂n ta makəturu le kə̂ to misan laa. A nangə yəkə kə singa. Kar tuka ndul tokə kubbu kuwa-ndoo, a nɛyn ddee tokə lə məsə.

Maketuru le Lubba ke tar kabba

¹² Maa lo, ngaa moo Ngonn bate le ddee ɔru misan le ne ke n̂-lete ne ta maketuru le. A nange yeke ke singa. Kare tuka ndul toke kubbu kuwa ndoo, a neyn ddee toke le mese.

Apokalisi 6:12 ပူးပေါင်းရင်းမြစ်များ

Matiye 11:21

N̂-pa nan: «To ndoo nya arəse, see dəwje kə̂ Korajɛn! To ndoo nya arəse, see dəwje kə̂ Betesayida! Nɛ̂n-mɔrije kə̂ m-dda horose tə̂ nəənn, bbo m-dda mə bbeje tə̂ kə̂ Tir kə Sidɔn â be a, ləw baa njaa dəwje kə̂ mə bbeje tə̂ənn a kulaje kubbu-ndoo ddəm dâ kisije dɔ bu-puru tə̂ ddəm ngaâ dâ turuje məde.

Matiye 24:29

«Njangə baa go ndɔ nɛ̂n kəm-to-ndooje tə̂ənn le a, kar a tuka ndul, ta nɛyn a nda ang ngaa. Əndɛtɛrɛndɛnje a kinje darâ gaynje nangə̂ ngaâ singa-mɔnguje kə̂ darâ a yəkəje.

Matiye 24:7

Marə gəl-dəwje a kin ta dda ddɔ kə marə gəl-dəwje. Marə Bbe-kɔn a kin ta dda ddɔ kə marə Bbe-kɔn. Nangə a yəkə loje tə̂ dang dang, tɔkə bbo a koso.

Matiye 27:45

Unn kute gɔl kar dɔku gire joo tə̂ ndərəng gɔl kar mota kə̂ lo-kul tə̂, lo ndul dɔ nangə tə̂ le tɔyn.

Matiye 27:54

Nje-kɔn dɔ mbambaje kə̂ Rɔm kə mbambaje kə̂ daw ngəmje Jeju le dooje nangə kə̂ aw yəkə kə nɛ̂nje kə̂ toje le a, bbəəl uta dɔde nya ngaâ n̂-paje nan: «Dəw nəənn to Ngonn lə Lubba njaa.»

Matiye 28:2

A ta koo a, nangə yəkə kə singa. Marə anjə lə Əbbə-dəwje in darâ ddee ndubbu ər le kə ddang ngaâ isi dɔɛ̂ tə̂.

Marke 15:33

Gɔl kar dɔku gire joo a, lo ndul dɔ nangə tə̂ le tɔyn ndərəng gɔl kar mota kə̂ lo-kul tə̂.

Apokalisi 11:13

Kar tə̂ənn njaa, nangə yəkə kə singa. Bbo n̂-kayn mə tɔkə bbe le dɔku a, dəbbə bbe le kâra njaa guru arə dəwje doro siri (7 000) oyje mba nangə kə̂ yəkə le. Bbəəl dda kəsə dəwje kə̂ naynje kəm baa ngaâ dɔsuje gaji Lubba kə̂ darâ.

Apokalisi 16:18

Ndi təəl nya nya, marə ndu bbar nya, ndi ndangə nya nya ngaâ nangə yəkə kə singa. Ləw baa kə̂ dəwje toje dɔ nangə tə̂, ndɔ kâra nangə nayn yəkə tokə baann ang bbay.

Apokalisi 16:8

Anjə kə̂ to sɔ laa mbəl wungu kə̂ əngo tə̂ laa dɔ kar tə̂. Darə ddəw kar le karə puru laa ɔn dəwje.

Apokalisi 8:12

Anjə kə̂ to sɔ laa le to təbbə laa. Bbo n̂-kayn mə kar, mə nɛyn kə mə əndɛtɛrɛndɛnje loe mota mota a, dunda dəbbə kar le kâra, dəbbə nɛyn kâra kə dəbbə əndɛtɛrɛndɛnje kâra karə n̂-ndokoje ang. Yeenn bba, karâ wase til tə̂ kara, lo a ndoko tɔyn ang.

Apokalisi 8:5

Anjə le unn ngonn jo ro dukann le ungu puru kə̂ dɔ bann tə̂ le məɛ tə̂ ddusu ngaâ bi ila dɔ nangə tə̂. Njangə baa a, ndi ndangə, kɔru ndu nɛ̂nje bbar, ndi təəl ngaâ nangə yəkə.