Apokalisi 6:1 - Dɔnɔn kə̂ Siki: Tar kə̂ aw arə təbbə

¹ Goe tə̂ a, moo Ngonn batə le ɔru nɛ̂n kə̂ to dɔngɔrɛ̂ kə̂ n̂-lətə nɛ̂n ta makəturu loe siri le. A nɛ̂nje kə̂ toje kəm baa le, moo əkii lə marɛ̂ kâra bbar tokə ndi kə̂ ndangə nan: «Ə-ddee!»

Maketuru le Lubba ke tar kabba

¹ Goe te a, moo Ngonn bate le ɔru dɔngɔr ne ke n̂-lete ne ta maketuru loe siri le. A neje ke toje kem baa le, moo ekii le mare kara bbar toke ndange le ndi na: «E-ddee!»

Apokalisi 6:1 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 1:29

Lo-karɛ̂ kə̂ goe tə̂ a, Jan oo Jeju kə̂ aw ddee kə rɔɛ̂ tə̂ ngaâ pa nan: «Ngonn batə lə Lubba kə̂ to nje-kɔru majang lə dəwje kə̂ duninya tə̂ â nəənn.

Kulaje 4:20

Ddəw kə̂ jeje nəənn ja kutu nɛ̂n taje dɔ nɛ̂n tə̂ kə̂ joo kə kəmje ddəm kə mbije ddəm goto.»

Apokalisi 11:19

Ta-kəy-polo Lubba kə̂ to mə dara tə̂ ɔru ngaâ sanduku dɔnɔn ubba mə kəy-polo tə̂ laa le. Ndi təəl, ndu dəwje bbar, ndi ndangə, nangə yəkə ngaâ kɔju gayn kə singa.

Apokalisi 13:8

Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.

Apokalisi 14:2

Moo marə ndu bbar mə dara tə̂ tokə kɔru tɔkə ba kə̂ aw ula ddəm tokə ndi kə̂ aw ndangə kə singa ddəm. Ndu kə̂ moo le bbar tokə kɔru konde kə̂ dəwje aw əmje.

Apokalisi 19:6

Moo marə ndu tokə ndu dəwje kə̂ banya ddəm tokə kɔru tɔkə maann ddəm tokə kɔru ndi kə̂ ndangə kə singa ddəm. Ndu le pa nan: «Aleluya! Mba Əbbə-dəwje Lubba, Nje-singa-mɔngu aw ɔn bbe ngaa.

Apokalisi 4:8

Bakə nɛ̂nje kə̂ sɔ kə̂ toje kəm baa le eeje misan misan. Kəmde to dɔ bakədeje tə̂ le ddəm kɔ bakədeje tə̂ le ddəm. Daw dɔsuje pa til kə kar, n̂-paje nan: «Əbbə-dəwje Lubba kə̂ Nje-singa-mɔngu maji tɔyn, maji tɔyn, maji tɔyn. Ne kə̂ n̂-to ləw, n̂-to bbasinɛn nəənn, kə̂ naw ddee.»

Apokalisi 5:1

Goe tə̂ a, dəw kə̂ isi ngende-mbay tə̂ le, moo makəturu kə̂ n̂-kə to jia tə̂ kə̂ kɔl. Duja makəturu mə tə̂ ddəm gire tə̂ ddəm. N̂-lətə tɛɛ̂, loe siri.

Apokalisi 5:12

Dɔsuje pa kə singa nan: «Ngonn batə kə̂ n̂-tɔlɛ̂ le, asə ta kinga singa-mɔngu, nɛ̂n-kinga kə kəm-karɛ. Nasə ta kinga singa, piti, kɔsu gaji, nasə karə dəwje walɛ̂je!»

Apokalisi 5:8

N̂-taa makəturu le a, nɛ̂nje sɔ kə̂ toje kəm baa le kə tɔkəje kə̂ dɔjoo gire sɔ le ɔsuje məkəjə-gɔlde nangə̂ nɔɛ̂n tə̂. Konde kə əngo-narɛje kə̂ yambo ddusu toje jide tə̂ kâra kâra tɔyn. Yambo le to duju lə dəwje lə Lubba.

Apokalisi 6:3

Ngonn batə le ɔru nɛ̂n kə̂ n̂-lətə nɛ̂n ta makəturu le kə̂ to joo laa a, nɛ̂nje kə̂ toje kəm baa le, moo əkii le joo ləde nan: «Ə-ddee!»

Apokalisi 6:5

Ngonn batə le ɔru nɛ̂n kə̂ n̂-lətə nɛ̂n ta makəturu le kə̂ to mota laa a, nɛ̂nje kə̂ toje kəm baa le, moo əkii lə mota ləde nan: «Ə-ddee!» A moo marə sunda kə̂ ndul. Dəw kə̂ aal sunda le uwa kilo jia tə̂.

Apokalisi 6:7

Ngonn batə le ɔru nɛ̂n kə̂ n̂-lətə nɛ̂n ta makəturu le kə̂ to sɔ laa a, nɛ̂nje kə̂ toje kəm baa le, moo əkii lə sɔ ləde nan: «Ə-ddee!»

Apokalisi 8:1

Kar kə̂ Ngonn batə le ɔru nɛ̂nje kə̂ n̂-lətə nɛ̂n ta makəturu kə̂ to siri laa le a, lo to nyɛnɛnɛ mə dara tə̂, ngɔsi kə gɔju gɔl kar kâra.