Apokalisi 5:9 - Dɔnɔn kə̂ Siki: Tar kə̂ aw arə təbbə

⁹ Daw dɔsuje pa kə̂ siki nan: «Asə ta taa makəturu le, ta kɔru nɛ̂n kə̂ n̂-lətə nɛ̂n tɛɛ̂. Mba n̂-tɔli to nɛ̂n-polo. Ə-ndoko dɔ dəwje tɔyn kə məsəi arə Lubba, dəwje kə̂ gəlde to dang dang tɔyn, njê kə̂ ndɔn-tarje ləde to dang dang tɔyn, kə njê kə̂ isije nangəje tə̂ ləde kâra kâra tɔyn.

Maketuru le Lubba ke tar kabba

⁹ Daw dɔsuje pa ke siki na: Ase ta taa maketuru le, ta kɔru ne ke n̂-lete ne tae. Mba n̂-toli to ne-polo. Are e-ndoko dɔ dewje tɔyn ke mesi are Lubba, dewje ke gelde to dang dang tɔyn, nje ke ndɔn-tarje lede to dang dang tɔyn, ke nje ke isije nangeje te lede kara kara tɔyn.

Apokalisi 5:9 ပူးပေါင်းရင်းမြစ်များ

Matiye 20:28

Ddəw kâra baa, Ngonn lə dəw ddee karə dəwje ddaje kula arɛ̂ ang. N̂-ddee ta dda kula karə dəwje, ta kunn rɔɛ̂ to nɛ̂n-kuka dɔ dəwje tokə banya.»

Matiye 26:28

yeenn to məsəm. Məsə kə̂ Lubba ɔsu nɛ̂n dɔnɔn kə dəwje kə̂ banya, məsə kə̂ kayn mba kɔru tar majangje kə ddang.

Kulaje 20:28

Maji karə undaje kəmse dɔ rɔse tə̂ kə dɔ nɛ̂n-kuulje tə̂ kə̂ Ndil-mə-nda undase karə ə-ngəmjede. Ə-ngəmje Egilisi kə̂ Lubba ndoko kə məse njaa le.

1 Kɔrɛntinyɛje 6:20

Lubba uka dɔse kə gatə kə̂ ngəng nya. Yeenn a, unnje da-rɔse le ɔsuje nɛ̂n gaji Lubba.

1 Kɔrɛntinyɛje 7:23

Lubba uka dɔse kə gatə kə̂ ngəng nya. Maji karə ə-ddeeje to bbərəje lə dəwje ang.

Epɛjinyɛje 1:7

Ddəw məsə tə̂ lə Kristə, Lubba tee kə je mə nɛ̂n-dda tə̂ kə̂ maji ang kə ddang ngaâ nɔru tar majang ləje dɔje tə̂, ddəw mə-maji tə̂ laa kə̂ bo nya.

Epɛjinyɛje 5:19

Maji karə ɔsuje pa wal Lubba, pa piti Lubba kə paje kə̂ Ndil tɔjuse. Ɔsuje pa ə-ndɔije nɛ̂n ri Əbbə-dəwje kə məse tɔyn.

Kolosinyɛje 1:14

Ddəw tə̂ lə Ngonnɛ̂ le, Lubba ɔruje mə majang tə̂ kə ddang ngaâ tar majangje ləje ɔru dɔje tə̂.

Kolosinyɛje 1:23

A maji karə ə-naynje ddəw mə-kunn tə̂ le ta arje dɔɛ tə̂ arə ngəng tokə kəy kə̂ gɔlɛ̂ uwa nangə kə majɛ̂. Nɛ̂n kə̂ Tar kə̂ Maji dda arə aw undaje məse dɔɛ tə̂ le, inyaje ddəwe ang. Tar kə̂ Maji le dila mbəre darə dəwje tɔyn kə̂ dɔ nangə tə̂. Ngaâ əman Pɔl, m-ddee to nje-kula Tar kə̂ Maji le.

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.

Ebərəje 11:14

Dəwje kə̂ paje tar tokə baann tɔjuje kə ddaka to daw sangəje bbe ləde njaa.

2 Piyɛr 2:1

Ləw, marə njê-kilaje mbər tar lə Lubba kə̂ tɔkɔrɔ ang toje horo dəwje tə̂ kə̂ Ijarayɛl. Ddəw kâra baa, njê-nɛ̂n-tɔjuje kə̂ tɔkɔrɔ ang a teeje horose tə̂ tɔ. Ddəw gusu tə̂, dâ ddeeje kə nɛ̂n-tɔjuje kə̂ tɔkɔrɔ ang ddəm aw tuju dəwje ddəm. Dâ mbətəje Əbbə-dəwje kə̂ ajide le ngaâ dâ bbarje yo kə dɔde tə̂ kə ngɔru baa.

1 Jan 1:7

A, bbo n-njaje lo-karɛ tə̂, tokə ne njaa kə̂ nee lo-karɛ tə̂ le a, mə-kâra to horoje tə̂ kə ngamarjeje ngaâ məsə Ngonnɛ̂ Jeju toko majang ləje tɔyn.

1 Jan 2:2

Nunn rɔɛ̂ to nɛ̂n-polo mba toko nɛ̂n majang ləje. N̂-to nɛ̂n-polo mbaje kə karəje baa ang. N̂-to nɛ̂n-polo mba dəwje tɔyn kə̂ dɔ nangə tə̂ nəənn.

Apokalisi 10:11

Ngaa n̂-pa darəm nan: «Maji karə ə-təl ila mbər tar kə̂ Lubba pa dɔ dəwje tə̂ kə̂ banya bbay: Dəwje kə̂ bbeje tə̂, dəwje kə̂ gəlde dang dang, njê kə̂ ndɔn-tarje ləde to dang dang kə tɔkə mbayje.»

Apokalisi 11:9

Dəwje kə̂ bbeje tə̂ dang dang, dəwje kə̂ gəl-kujude dang dang, njê kə̂ ndɔn-tarje ləde to dang dang, dəwje kə̂ gəlde dang dang a ddeeje ta koo niinnde mba ndɔ mota kə gɛɛ̂n. Dâ kinya ddəw karə n̂-dubbu niinnde le ang.

Apokalisi 13:7

Darɛ̂ ddəw karə n̂-dda ddɔ kə dəwje lə Lubba ngaâ ta tətəde kə ddɔ. Darɛ̂ singa dɔ dəwje tə̂ kə̂ gəl-kujude dang dang tɔyn, dɔ dəwje tə̂ kə̂ bbeje tə̂ tɔyn kə dɔ dəwje tə̂ kə̂ ndɔn-tarje ləde toje dang dang tɔyn kə dɔ dəwje tə̂ kə̂ gəlde dang dang tɔyn.

Apokalisi 13:8

Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.

Apokalisi 14:6

Goe ta a, moo marə anjə dang aw ila mə dara tə̂ taar nu. Tar kə̂ Maji kə̂ to kə ndɔ kə ndɔ to ta karə n̂-pa narə dəwje kə̂ dɔ nangə tə̂: Dəwje kə̂ gəlde dang dang tɔyn, dəwje kə̂ gəl-kujude dang dang, dəwje kə̂ ndɔn-tarje ləde dang dang kə dəwje kə̂ bbeje tə̂ dang dang tɔyn.

Apokalisi 15:3

Daw dɔsuje pa lə Mɔyijə kə̂ to nje-kula lə Lubba ddəm pa lə Ngonn batə ddəm nan: «Əbbə-dəwje Lubba kə̂ Nje-singa-mɔngu, nɛ̂nje kə̂ ə-dda bo nya ddəm kura ləde dum dɔ dəwje ddəm! Tɔkə mbay lə gəl-dəwje, nɛ̂n kə̂ aw dda to gatə gatə ddəm to nɛ̂n kə̂ tɔkɔrɔ ddəm.

Apokalisi 17:15

Goe tə̂ a, anjə le pa arəm bbay nan: «Maannje kə̂ dɛnɛ̂n nje-kaya le isi mbɔrɛ̂ tə̂ kə̂ oo le to dəwje dang dang. To dəwje kə̂ banya, njê kə̂ gəlde dang dang kə dəwje kə̂ ndɔn-tarje ləde to dang dang.

Apokalisi 4:11

«Əbbə-dəwje Lubba ləje, asə ta karə dəwje pitije, karə dəwje walije, asə ta kinga singa-mɔngu, mba əi njaa ə-dda nɛ̂nje tɔyn, əi njaa ə-ndiki bba nɛ̂nje le toje.»

Apokalisi 5:12

Dɔsuje pa kə singa nan: «Ngonn batə kə̂ n̂-tɔlɛ̂ le, asə ta kinga singa-mɔngu, nɛ̂n-kinga kə kəm-karɛ. Nasə ta kinga singa, piti, kɔsu gaji, nasə karə dəwje walɛ̂je!»

Apokalisi 5:6

Maa lo ngaâ moo marə Ngonn batə ar dannâ mbɔr ngende-mbay tə̂ le, horo nɛ̂nje tə̂ sɔ kə̂ toje kəm baa le kə horo tɔkəje tə̂ le. Ngonn batə le ar tokə batə kə̂ n̂-tɔlɛ̂ mban to nɛ̂n-polo. Gajɛ̂ ee siri ngaâ kəmɛ̂ ee siri tɔ. Kəmɛ̂ kə̂ siri le toje to ndilje lə Lubba kə̂ siri kə̂ Lubba ulade dɔ nangə tə̂ tɔyn le.