Apokalisi 5:6 - Dɔnɔn kə̂ Siki: Tar kə̂ aw arə təbbə

⁶ Maa lo ngaâ moo marə Ngonn batə ar dannâ mbɔr ngende-mbay tə̂ le, horo nɛ̂nje tə̂ sɔ kə̂ toje kəm baa le kə horo tɔkəje tə̂ le. Ngonn batə le ar tokə batə kə̂ n̂-tɔlɛ̂ mban to nɛ̂n-polo. Gajɛ̂ ee siri ngaâ kəmɛ̂ ee siri tɔ. Kəmɛ̂ kə̂ siri le toje to ndilje lə Lubba kə̂ siri kə̂ Lubba ulade dɔ nangə tə̂ tɔyn le.

Maketuru le Lubba ke tar kabba

⁶ Maa lo, ngaa moo mare Ngonn bate ar danna mbɔr ngende-mbay te le, horo neje te sɔ ke toje kem baa le, ke horo tɔkuje te le. Ngonn bate le ar toke bate ke n̂-tɔle to ne-polo. Gaje ee siri, ngaa keme ee siri tɔ. Keme ke siri le toje to ndilje le Lubba ke siri ke Lubba ulade dɔ nange te tɔyn le.

Apokalisi 5:6 ပူးပေါင်းရင်းမြစ်များ

Luku 1:69

Ngaâ narəje Nje-kaji-dəwje kə̂ to nje-singa-mɔngu, kə̂ in gəl bbərə tə̂ laa Dabbiti,

Tar kə̂ Maji kə̂ Jan dda makəturu tə̂ 1:29

Lo-karɛ̂ kə̂ goe tə̂ a, Jan oo Jeju kə̂ aw ddee kə rɔɛ̂ tə̂ ngaâ pa nan: «Ngonn batə lə Lubba kə̂ to nje-kɔru majang lə dəwje kə̂ duninya tə̂ â nəənn.

Tar kə̂ Maji kə̂ Jan dda makəturu tə̂ 1:36

Jan aa Jeju kə̂ aw nday ngaâ pa nan: «Ooje, Ngonn batə lə Lubba â nəənn.»

Kulaje 8:32

Tar kə̂ makəturu tə̂ kə̂ naw tura le tokə be: «N̂-to ddəw kâra baa kə batə kə̂ daw saa kə lo tɔl daje tə̂, n̂-to tokə ngonn batə kə̂ daw duja biiɛ̂n, a nɔn ang. Nɔru tɛɛ̂ n̂-pa nɛ̂n tar ang.

Apokalisi 1:4

Əman Jan, mula kə makəturu nəənn marə dəwje kə̂ Egilisije tə̂ siri kə̂ nangə tə̂ kə̂ Aji. Maji karə Lubba kə̂ to bbokənɛn nəənn, kə̂ to ləw, kə̂ aw ddee dda kə se mə-maji ngaâ narə məse wul lɔm. Maji karə ndilje kə̂ siri kə̂ arje nɔn ngende-mbay tə̂ laa ddaje kə se tokə baann.

Apokalisi 12:11

A ngakɔnje le təteje kə ddɔ ddəw məsə Ngonn Batə tə̂ kə ddəw tar tə̂ lə Lubba kə̂ n̂-paje tar-najɛ̂. Kisi ləde kəm baa nəəlde ang ngaa arə yo â n̂-ndingaje.

Apokalisi 13:8

Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.

Apokalisi 14:1

Maa lo bbay a, moo Ngonn batə le ar dɔ ddingiri tə̂ kə̂ Sinyɔ. Dəwje doro kɔr kâra kə dɔsɔ gire sɔ (144 000) eeje mbɔrɛ̂ tə̂. Ri Ngonn batə le kə ri bɔɛ̂je toje əngo-nɔnde tə̂.

Apokalisi 17:14

Dâ dda ddɔ kə Ngonn batə le, a Ngonn batə le a tətəde kə ddɔ, mba n̂-to Əbbə-əbbə-dəwjeje ddəm n̂-to Mbay-dɔ-mbayje ddəm. Njê kə̂ Lubba bbarde kə njê kə̂ n̂-mbərəde kə dəwje laa kə̂ eeje saa a tətəjede kə ddɔ tɔ.»

Apokalisi 21:22

A moo kəy-polo Lubba mə tɔkə bbe tə̂ le ang. Mba Əbbə-dəwje Lubba kə̂ Nje-singa-mɔngu njaa, de kə Ngonn batə â n̂-toje to kəy-polo Lubba kə̂ mə tɔkə bbe tə̂ le.

Apokalisi 21:23

Bbe le aw ndiki karə kar ɔsu wase karə nɛyn nda bba karə məɛ̂ ndoko ang. Mba ndoko lə Lubba â aw dda arə məɛ̂ aw ndoko ngaâ Ngonn batə le â to lambe kə̂ mə tɔkə bbe tə̂ le.

Apokalisi 22:1

Goe tə̂ a, anjə le tɔjum ba kə̂ maannɛ̂ aw arə təbbə dəw, kəmɛ̂ arɛ yərərə. Maann le ubba ngende-mbay tə̂ lə Lubba de kə Ngonn batə le aw tee

Apokalisi 22:3

Marə nɛ̂n kə̂ ndu-ndɔɔl lə Lubba a to dɔɛ̂ tə̂ a to ang ngaa. Ngende-mbay lə Lubba kə lə Ngonn batə a toje mə bbe tə̂ le. Njê-kulaje lə Lubba a poleje.

Apokalisi 4:8

Bakə nɛ̂nje kə̂ sɔ kə̂ toje kəm baa le eeje misan misan. Kəmde to dɔ bakədeje tə̂ le ddəm kɔ bakədeje tə̂ le ddəm. Daw dɔsuje pa til kə kar, n̂-paje nan: «Əbbə-dəwje Lubba kə̂ Nje-singa-mɔngu maji tɔyn, maji tɔyn, maji tɔyn. Ne kə̂ n̂-to ləw, n̂-to bbasinɛn nəənn, kə̂ naw ddee.»

Apokalisi 5:11

Maa lo bbay a, moo ndu anjəje tokə banya. Kɔrde asə doro doro, asə tura ang. N̂-gukuje dɔ ngende-mbay le ddəm nɛ̂nje kə̂ sɔ kə̂ toje kəm baa le ddəm tɔkəje le ddəm.

Apokalisi 5:12

Dɔsuje pa kə singa nan: «Ngonn batə kə̂ n̂-tɔlɛ̂ le, asə ta kinga singa-mɔngu, nɛ̂n-kinga kə kəm-karɛ. Nasə ta kinga singa, piti, kɔsu gaji, nasə karə dəwje walɛ̂je!»

Apokalisi 5:13

Moo ndu nɛ̂nje tɔyn kə̂ Lubba ddade ngaâ toje mə dara tə̂, dɔ nangə tə̂, gəl nangə tə̂, dɔ ba-katə tə̂ kə mə ba-katə tə̂. Dɔsuje pa nan: «Maji karə piti, ndɔy-ri, kɔsu gaji kə singa-mɔngu, toje to lə ne kə̂ nisi ngende-mbay tə̂ le ddəm Ngonn batə le ddəm kə ndɔ kə ndɔ!»

Apokalisi 5:14

Nɛ̂nje kə̂ sɔ kə̂ toje kəm baa le paje nan: «Amɛnn!» A tɔkəje le ɔsuje məkəjə-gɔlde nangə̂ ngaâ poloje ne kə̂ nisi ngende-mbay tə̂ le ddəm Ngonn batə le ddəm.

Apokalisi 6:16

N̂-paje darə ddingirije kə ərje le nan: «Osoje dɔje tə̂, ɔnnje dɔje arəje ne kə̂ nisi dɔ ngende-mbay tə̂ nooje ang karə n-tee ta wungu tə̂ lə Ngonn batə le.