Apokalisi 5:13 - Dɔnɔn kə̂ Siki: Tar kə̂ aw arə təbbə

¹³ Moo ndu nɛ̂nje tɔyn kə̂ Lubba ddade ngaâ toje mə dara tə̂, dɔ nangə tə̂, gəl nangə tə̂, dɔ ba-katə tə̂ kə mə ba-katə tə̂. Dɔsuje pa nan: «Maji karə piti, ndɔy-ri, kɔsu gaji kə singa-mɔngu, toje to lə ne kə̂ nisi ngende-mbay tə̂ le ddəm Ngonn batə le ddəm kə ndɔ kə ndɔ!»

Maketuru le Lubba ke tar kabba

¹³ Moo ndu neje tɔyn ke Lubba ddade ngaa toje me dara te, dɔ nange te, gel nange te, dɔ ba-kate te, ke me ba-kate te. Dɔsuje pa na: «Maji kare piti, wal, kɔsu-gaji, ke singa-mɔngu, toje to le ne ke nisi ngende-mbay te le ddem, le Ngonn bate le ddem, ke ndɔ ke ndɔ.»

Apokalisi 5:13 ပူးပေါင်းရင်းမြစ်များ

Matiye 6:13

Inya arə marə nɛ̂n nanje ang. A ɔruje ji Nje-mə-majang tə̂. [Mba əi njaa kɔn-mbay, singa-mɔngu kə piti toje to ləi kə ndɔ kə ndɔ! Amɛnn.]

Luku 2:14

«Piti to lə Lubba darâ nu. Ngaâ mə-wul-lɔm to dɔ nangə tə̂, horo dəwje tə̂ kə̂ n̂-ndikide!»

Tar kə̂ Maji kə̂ Jan dda makəturu tə̂ 1:29

Lo-karɛ̂ kə̂ goe tə̂ a, Jan oo Jeju kə̂ aw ddee kə rɔɛ̂ tə̂ ngaâ pa nan: «Ngonn batə lə Lubba kə̂ to nje-kɔru majang lə dəwje kə̂ duninya tə̂ â nəənn.

Rɔmɛnje 11:36

Tɔkɔrɔ, nɛ̂nje tɔyn inje rɔɛ̂ tə̂, nɛ̂nje tɔyn toje to laa ngaâ nɛ̂nje tɔyn toje ddəw tə̂ laa. Maji karə piti to laa kə ndɔ kə ndɔ Amɛnn!

Rɔmɛnje 16:27

Lubba kâra baa â to nje-kəm-karɛ, piti to laa ddəw tə̂ lə Jeju-Kristə kə ndɔ kə ndɔ! Amɛnn!

Rɔmɛnje 9:5

Lubba dda arə ddəw kuju tə̂, Mesi kə̂ to Lubba kə̂ ee dɔ nɛ̂nje tə̂ tɔyn, in gəl kadedeje tə̂ kə̂ to Abaraham, Ijakə kə Jakobbo. Maji karə dəwje ɔsuje gajɛ̂ kə ndɔ kə ndɔ! Amɛnn!

Epɛjinyɛje 3:21

Maji karə Egilisi pite, ddəw tə̂ lə Jeju-Kristə kə kar tɔyn kə ndɔ kə ndɔ. Amɛnn.

Pilipinyɛje 2:10

Baann bba dəwje kə̂ isije mə dara tə̂ wase dede kə̂ disije dɔ nangə tə̂ kə kɔ nangə tə̂ dâ kɔsuje məkəjə-gɔlde nangə̂ nɔn Jeju tə̂ le ta kɔsu nɛ̂n gaji ria,

Kolosinyɛje 1:23

A maji karə ə-naynje ddəw mə-kunn tə̂ le ta arje dɔɛ tə̂ arə ngəng tokə kəy kə̂ gɔlɛ̂ uwa nangə kə majɛ̂. Nɛ̂n kə̂ Tar kə̂ Maji dda arə aw undaje məse dɔɛ tə̂ le, inyaje ddəwe ang. Tar kə̂ Maji le dila mbəre darə dəwje tɔyn kə̂ dɔ nangə tə̂. Ngaâ əman Pɔl, m-ddee to nje-kula Tar kə̂ Maji le.

1 Timɔte 4:16

Ə-ngəm rɔi kə majɛ̂, unda kəmi dɔ nɛ̂n-tɔju tə̂ ləi. Ə-nayn ddəwe tə̂ kə ndɔ tɔyn, mba bbo ə-dda tokə baann a, əi njaa â kaji rɔi ddəm â kaji dəwje kə̂ aw ooje tar ləi ddəm.

1 Piyɛr 4:11

Dəw kə̂ gusu pa tar to rɔɛ̂ tə̂ a, maji karə tar lə Lubba â n̂-pa. Dəw kə̂ gusu dda kula karə dəwje to rɔɛ̂ tə̂ a, maji karə n̂-dda kula le kə singa kə̂ Lubba arɛ̂. Yeenn bba karə Lubba inga piti mə nɛ̂nje tə̂ tɔyn ddəw tə̂ lə Jeju-Kristə. Lubba kə̂ piti kə singa-mɔngu to laa kə ndɔ kə ndɔ. Amɛnn!

1 Piyɛr 5:11

Maji karə singa-mɔngu to laa kə ndɔ kə ndɔ Amɛnn!

Apokalisi 1:6

N̂-ddaje to dəwje kə̂ mə Bbe-kɔn tə̂ laa ddəm njê-poloje Bɔɛ̂je Lubba ddəm. Maji karə piti kə singa-mɔngu toje to laa, ndɔ kə ndɔ. Amɛnn.

Apokalisi 13:8

Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.

Apokalisi 5:1

Goe tə̂ a, dəw kə̂ isi ngende-mbay tə̂ le, moo makəturu kə̂ n̂-kə to jia tə̂ kə̂ kɔl. Duja makəturu mə tə̂ ddəm gire tə̂ ddəm. N̂-lətə tɛɛ̂, loe siri.

Apokalisi 5:12

Dɔsuje pa kə singa nan: «Ngonn batə kə̂ n̂-tɔlɛ̂ le, asə ta kinga singa-mɔngu, nɛ̂n-kinga kə kəm-karɛ. Nasə ta kinga singa, piti, kɔsu gaji, nasə karə dəwje walɛ̂je!»

Apokalisi 5:3

A mə dara tə̂ wase dɔ nangə tə̂ wase gəl nangə tə̂, dəw kâra kə̂ asə təəyn makəturu le ta kaa məɛ̂ koo goto.

Apokalisi 5:6

Maa lo ngaâ moo marə Ngonn batə ar dannâ mbɔr ngende-mbay tə̂ le, horo nɛ̂nje tə̂ sɔ kə̂ toje kəm baa le kə horo tɔkəje tə̂ le. Ngonn batə le ar tokə batə kə̂ n̂-tɔlɛ̂ mban to nɛ̂n-polo. Gajɛ̂ ee siri ngaâ kəmɛ̂ ee siri tɔ. Kəmɛ̂ kə̂ siri le toje to ndilje lə Lubba kə̂ siri kə̂ Lubba ulade dɔ nangə tə̂ tɔyn le.

Apokalisi 5:9

Daw dɔsuje pa kə̂ siki nan: «Asə ta taa makəturu le, ta kɔru nɛ̂n kə̂ n̂-lətə nɛ̂n tɛɛ̂. Mba n̂-tɔli to nɛ̂n-polo. Ə-ndoko dɔ dəwje tɔyn kə məsəi arə Lubba, dəwje kə̂ gəlde to dang dang tɔyn, njê kə̂ ndɔn-tarje ləde to dang dang tɔyn, kə njê kə̂ isije nangəje tə̂ ləde kâra kâra tɔyn.

Apokalisi 6:16

N̂-paje darə ddingirije kə ərje le nan: «Osoje dɔje tə̂, ɔnnje dɔje arəje ne kə̂ nisi dɔ ngende-mbay tə̂ nooje ang karə n-tee ta wungu tə̂ lə Ngonn batə le.