Apokalisi 5:12 - Dɔnɔn kə̂ Siki: Tar kə̂ aw arə təbbə

¹² Dɔsuje pa kə singa nan: «Ngonn batə kə̂ n̂-tɔlɛ̂ le, asə ta kinga singa-mɔngu, nɛ̂n-kinga kə kəm-karɛ. Nasə ta kinga singa, piti, kɔsu gaji, nasə karə dəwje walɛ̂je!»

Maketuru le Lubba ke tar kabba

¹² Dɔsuje pa ke singa na: Ngonn bate ke n̂-tɔle le, ase ta kinga singa-mɔngu, ne-kinga, ke kem-kare, nase ta kinga singa, piti, kɔsu gaji, nase kare dewje waleje.

Apokalisi 5:12 ပူးပေါင်းရင်းမြစ်များ

Matiye 28:18

Jeju ddee ngɔsi kə de, pa arəde nan: «Lubba arəm singa tɔyn darâ ddəm nangə̂ ddəm.

Tar kə̂ Maji kə̂ Jan dda makəturu tə̂ 1:29

Lo-karɛ̂ kə̂ goe tə̂ a, Jan oo Jeju kə̂ aw ddee kə rɔɛ̂ tə̂ ngaâ pa nan: «Ngonn batə lə Lubba kə̂ to nje-kɔru majang lə dəwje kə̂ duninya tə̂ â nəənn.

Tar kə̂ Maji kə̂ Jan dda makəturu tə̂ 17:2

Mba arə Ngonni singa dɔ dəwje tə̂ tɔyn, karə dəwje kə̂ ungude mə jia tə̂ le, narəde təbbə kə̂ to kə ndɔ kə ndɔ.

2 Kɔrɛntinyɛje 8:9

Mba ə-gərəje mə-maji lə Əbbəjeje Jeju-Kristə kə̂ to nje-nɛ̂n-kinga, bba təl dda rɔɛ̂ to nje-ndoo mba tar ləse, bba karə ndoo laa dda arə ə-ddeeje to njê-nɛ̂n-kingaje.

1 Timɔte 1:17

Asə karə dəwje tɔyn ndɔyje ri tɔkə mbay kə̂ nje-kisi kə ndɔ kə ndɔ ngaâ piteje, ne kə̂ noy ang, ne kə̂ kəm dəw ooe ang, Lubba kə̂ kâra baa, Amɛnn.

Apokalisi 1:6

N̂-ddaje to dəwje kə̂ mə Bbe-kɔn tə̂ laa ddəm njê-poloje Bɔɛ̂je Lubba ddəm. Maji karə piti kə singa-mɔngu toje to laa, ndɔ kə ndɔ. Amɛnn.

Apokalisi 13:8

Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.

Apokalisi 15:3

Daw dɔsuje pa lə Mɔyijə kə̂ to nje-kula lə Lubba ddəm pa lə Ngonn batə ddəm nan: «Əbbə-dəwje Lubba kə̂ Nje-singa-mɔngu, nɛ̂nje kə̂ ə-dda bo nya ddəm kura ləde dum dɔ dəwje ddəm! Tɔkə mbay lə gəl-dəwje, nɛ̂n kə̂ aw dda to gatə gatə ddəm to nɛ̂n kə̂ tɔkɔrɔ ddəm.

Apokalisi 19:1

Goe tə̂ a, moo marə ndu bbar bo tokə ndu dəwje kə̂ banya mə dara tə̂ nan: «Aleluya! Kaji, piti kə singa-mɔngu toje to lə Lubba ləje.

Apokalisi 4:11

«Əbbə-dəwje Lubba ləje, asə ta karə dəwje pitije, karə dəwje walije, asə ta kinga singa-mɔngu, mba əi njaa ə-dda nɛ̂nje tɔyn, əi njaa ə-ndiki bba nɛ̂nje le toje.»

Apokalisi 5:13

Moo ndu nɛ̂nje tɔyn kə̂ Lubba ddade ngaâ toje mə dara tə̂, dɔ nangə tə̂, gəl nangə tə̂, dɔ ba-katə tə̂ kə mə ba-katə tə̂. Dɔsuje pa nan: «Maji karə piti, ndɔy-ri, kɔsu gaji kə singa-mɔngu, toje to lə ne kə̂ nisi ngende-mbay tə̂ le ddəm Ngonn batə le ddəm kə ndɔ kə ndɔ!»

Apokalisi 5:6

Maa lo ngaâ moo marə Ngonn batə ar dannâ mbɔr ngende-mbay tə̂ le, horo nɛ̂nje tə̂ sɔ kə̂ toje kəm baa le kə horo tɔkəje tə̂ le. Ngonn batə le ar tokə batə kə̂ n̂-tɔlɛ̂ mban to nɛ̂n-polo. Gajɛ̂ ee siri ngaâ kəmɛ̂ ee siri tɔ. Kəmɛ̂ kə̂ siri le toje to ndilje lə Lubba kə̂ siri kə̂ Lubba ulade dɔ nangə tə̂ tɔyn le.

Apokalisi 5:8

N̂-taa makəturu le a, nɛ̂nje sɔ kə̂ toje kəm baa le kə tɔkəje kə̂ dɔjoo gire sɔ le ɔsuje məkəjə-gɔlde nangə̂ nɔɛ̂n tə̂. Konde kə əngo-narɛje kə̂ yambo ddusu toje jide tə̂ kâra kâra tɔyn. Yambo le to duju lə dəwje lə Lubba.

Apokalisi 5:9

Daw dɔsuje pa kə̂ siki nan: «Asə ta taa makəturu le, ta kɔru nɛ̂n kə̂ n̂-lətə nɛ̂n tɛɛ̂. Mba n̂-tɔli to nɛ̂n-polo. Ə-ndoko dɔ dəwje tɔyn kə məsəi arə Lubba, dəwje kə̂ gəlde to dang dang tɔyn, njê kə̂ ndɔn-tarje ləde to dang dang tɔyn, kə njê kə̂ isije nangəje tə̂ ləde kâra kâra tɔyn.

Apokalisi 6:1

Goe tə̂ a, moo Ngonn batə le ɔru nɛ̂n kə̂ to dɔngɔrɛ̂ kə̂ n̂-lətə nɛ̂n ta makəturu loe siri le. A nɛ̂nje kə̂ toje kəm baa le, moo əkii lə marɛ̂ kâra bbar tokə ndi kə̂ ndangə nan: «Ə-ddee!»

Apokalisi 7:12

N̂-paje nan: «Amɛnn! Piti, kɔsu gaji, kəm-karɛ, wooyo, ndɔy-ri, singa-mɔngu kə singa toje to lə Lubba ləje kə ndɔ kə ndɔ. Amɛnn!»