Apokalisi 4:8 - Dɔnɔn kə̂ Siki: Tar kə̂ aw arə təbbə

⁸ Bakə nɛ̂nje kə̂ sɔ kə̂ toje kəm baa le eeje misan misan. Kəmde to dɔ bakədeje tə̂ le ddəm kɔ bakədeje tə̂ le ddəm. Daw dɔsuje pa til kə kar, n̂-paje nan: «Əbbə-dəwje Lubba kə̂ Nje-singa-mɔngu maji tɔyn, maji tɔyn, maji tɔyn. Ne kə̂ n̂-to ləw, n̂-to bbasinɛn nəənn, kə̂ naw ddee.»

Maketuru le Lubba ke tar kabba

⁸ Bake neje ke sɔ ke toje kem baa le ee misan misan. Kemdeje to dɔ bakedeje te le ddem, kɔy bakedeje te le ddem. Daw dɔsuje pa til ke kare, n̂-paje na: «Ebbe-dewje Lubba ke Nje-singa-mɔngu maji tɔyn, maji tɔyn, maji tɔyn Ne ke n̂-to lew, n̂-to bbasine neenn ngaa naw n̂-ddee.»

Apokalisi 4:8 ပူးပေါင်းရင်းမြစ်များ

Kulaje 20:31

Maji karə undaje kəmse dɔ rɔse tə̂, oleje məse to bbal mota njaa, til tə̂ ddəm karâ ddəm m-ndəjəse kâra kâra tɔyn kə maann-nɔn kəmʼm tə̂.

2 Kɔrɛntinyɛje 6:18

Əbbə-dəwje kə̂ Nje-singa-mɔngu pa bbay nan: «Mâ to Bɔsese, a sese, â toje to ngannəm kə̂ dingaw kə ngannəm kə̂ dɛnɛ̂n.»

1 Tesalonisinyɛje 2:9

Ngakɔnje, oleje məse dɔ kulaje tə̂ ləje kə dɔ ndoo tə̂ kə̂ joo. Til kə kar, n-dda kula bba ta ddee to nɛ̂n-koto dɔ dəw tə̂ kâra horose tə̂ ang. Baann â jila nɛ̂n mbər Tar kə̂ Maji lə Lubba jarəse.

1 Timɔte 4:16

Ə-ngəm rɔi kə majɛ̂, unda kəmi dɔ nɛ̂n-tɔju tə̂ ləi. Ə-nayn ddəwe tə̂ kə ndɔ tɔyn, mba bbo ə-dda tokə baann a, əi njaa â kaji rɔi ddəm â kaji dəwje kə̂ aw ooje tar ləi ddəm.

2 Timɔte 4:2

karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.

Ebərəje 13:8

Jeju-Kristə nayn kə lo-to laa njaa takənɛn, bbokənɛn kə ndɔ kə ndɔ.

Apokalisi 1:4

Əman Jan, mula kə makəturu nəənn marə dəwje kə̂ Egilisije tə̂ siri kə̂ nangə tə̂ kə̂ Aji. Maji karə Lubba kə̂ to bbokənɛn nəənn, kə̂ to ləw, kə̂ aw ddee dda kə se mə-maji ngaâ narə məse wul lɔm. Maji karə ndilje kə̂ siri kə̂ arje nɔn ngende-mbay tə̂ laa ddaje kə se tokə baann.

Apokalisi 1:8

Əbbə-dəwje Lubba pa nan: «M-to Alpa ddəm Omega ddəm. M-to ne kə̂ n̂-to bbokənɛn, ne kə̂ n̂-to ləw kə ne kə̂ naw ddee. M-to nje-singa-mɔngu.»

Apokalisi 11:17

n̂-paje nan: «Əbbəjeje Lubba kə̂ nje-singa-mɔngu, əi kə̂ ə-to bbokənɛn ddəm ə-to ləw ddəm, jari wooyo, mba ddəw tɔkə singa-mɔngu tə̂ ləi, ə-dda arə kɔn-mbay to ləi ngaa.

Apokalisi 14:11

Puru kə̂ aw ula kəmde ndoo le sɛɛ̂ a kubba bbal kə bbal. Ngaâ dəwje kə̂ aw poloje da le kə ətaar kə̂ ndaji da kə̂ unn da-rɔ da le kə dede kə̂ dɔsu əndaji ri da le rɔde tə̂, til kə kar, dâ kuwaje rɔde ang.»

Apokalisi 14:3

Dəwje le aw ɔsuje pa kə̂ siki nɔn ngende-mbay tə̂ le, nɔn nɛ̂nje tə̂ kə̂ toje kəm baa kə̂ sɔ le kə nɔn tɔkəje tə̂ le. Dəw kâra kə̂ a kasə ndo pa le goto. Bbayɛ̂ njaa to dede kə̂ doro kɔr kâra kə dɔsɔ gire sɔ (144 000) kə̂ Ngonn batə uka dɔde dɔ nangə tə̂ le.

Apokalisi 15:3

Daw dɔsuje pa lə Mɔyijə kə̂ to nje-kula lə Lubba ddəm pa lə Ngonn batə ddəm nan: «Əbbə-dəwje Lubba kə̂ Nje-singa-mɔngu, nɛ̂nje kə̂ ə-dda bo nya ddəm kura ləde dum dɔ dəwje ddəm! Tɔkə mbay lə gəl-dəwje, nɛ̂n kə̂ aw dda to gatə gatə ddəm to nɛ̂n kə̂ tɔkɔrɔ ddəm.

Apokalisi 15:7

Nɛ̂nje kə̂ toje kəm baa kə̂ sɔ le, marɛ̂ kâra arə əngoje kə̂ n̂-dda kə andə-narɛ anjəje kə̂ siri le kâra kâra. Wungu lə Lubba kə̂ Nje-kisi kə ndɔ kə ndɔ ddusu əngoje le.

Apokalisi 16:14

To ndilje kə̂ maji ang kə̂ aw ddaje nɛ̂n-mɔrije. Dawje ta kinga tɔkə mbayje kə̂ dɔ nangə tə̂ tɔyn ta mbɔnde nginan nɛ̂n ddɔ kə̂ tɔkə ndɔ tə̂ lə Lubba kə̂ nje-singa-mɔngu.

Apokalisi 16:7

Goe tə̂ a, moo marə ndu kə̂ bbar bann tə̂ le nan: «Tɔkɔrɔ njaa, Əbbə-dəwje Lubba kə̂ nje-singa-mɔngu, sariyaje ləi to sariyaje kə̂ tɔkɔrɔ ddəm gatə gatə ddəm.»

Apokalisi 19:15

Marə tɔkə kiya kə̂ atə in ta dəw tə̂ kə̂ aal sunda le tee ta tuka nɛ̂n gəl-dəwje. Nâ kɔn dɔde karə ngəng nya. Nâ tɔju wungu lə Lubba kə̂ to nje-singa-mɔngu, wungu laa kə̂ aw ɔn puru, ddəw mbɔyn tə̂ kə̂ nâ mbɔynde kə gɔlɛ̂ tokə lə kandə binyə mə nɛ̂n-kore-maann binyə tə̂.

Apokalisi 19:4

Tɔkəje kə̂ dɔjoo gire sɔ le kə nɛ̂nje kə̂ toje kəm baa kə̂ sɔ le ɔsuje məkəjə-gɔlde nangə̂ ngaâ poloje Lubba kə̂ isi ngende-mbay tə̂ laa. N̂-paje nan: «Amɛnn! Aleluya!»

Apokalisi 21:22

A moo kəy-polo Lubba mə tɔkə bbe tə̂ le ang. Mba Əbbə-dəwje Lubba kə̂ Nje-singa-mɔngu njaa, de kə Ngonn batə â n̂-toje to kəy-polo Lubba kə̂ mə tɔkə bbe tə̂ le.

Apokalisi 3:7

Ə-dda makəturu ula nɛ̂n arə anjə kə̂ Egilisi tə̂ kə̂ Piladɛlpi ə-pa nan: Tar lə Dəw kə̂ maji tɔyn, ne kə̂ n̂-to Tɔkɔrɔ, ne kə̂ ngaw kele lə Dabbiti to jia tə̂, ne kə̂ n̂-təəyn ta-ddəw a, dəw kâra asə ta kutu ang, ne kə̂ nutu ta-ddəw a, dəw kâra asə ta təəyn ang.

Apokalisi 4:4

Marə ngende-mbayje dɔjoo gire sɔ gukuje dɔ ngende-mbay le ngaâ tɔkəje dɔjoo gire sɔ isije dɔɛ tə̂ kâra kâra tɔyn. Dulaje kubbu kə̂ nda ngaâ dundaje əjɔkudɔ kə̂ n̂-dda kə andə-narɛ dɔde tə̂.

Apokalisi 4:6

Marə nɛ̂n tokə lə ba-ər kə̂ kəmɛ̂ arɛ yərərə to nɔn ngende-mbay tə̂ le. Marə nɛ̂nje kə̂ toje kəm baa sɔ gukuje ngende-mbay kə̂ to dannâ le, kəmde to rɔde tə̂ tɔyn kete ddəm guku ddəm.

Apokalisi 4:9

Kə kar tɔyn, bbo nɛ̂nje kə̂ sɔ le aw ɔsuje pa ta wal nɛ̂n, ta piti nɛ̂n, ta karə nɛ̂n wooyo ne kə̂ nisi dɔ ngende-mbay tə̂ ngaâ nisi kəm baa kə ndɔ kə ndɔ le a,

Apokalisi 5:6

Maa lo ngaâ moo marə Ngonn batə ar dannâ mbɔr ngende-mbay tə̂ le, horo nɛ̂nje tə̂ sɔ kə̂ toje kəm baa le kə horo tɔkəje tə̂ le. Ngonn batə le ar tokə batə kə̂ n̂-tɔlɛ̂ mban to nɛ̂n-polo. Gajɛ̂ ee siri ngaâ kəmɛ̂ ee siri tɔ. Kəmɛ̂ kə̂ siri le toje to ndilje lə Lubba kə̂ siri kə̂ Lubba ulade dɔ nangə tə̂ tɔyn le.

Apokalisi 6:1

Goe tə̂ a, moo Ngonn batə le ɔru nɛ̂n kə̂ to dɔngɔrɛ̂ kə̂ n̂-lətə nɛ̂n ta makəturu loe siri le. A nɛ̂nje kə̂ toje kəm baa le, moo əkii lə marɛ̂ kâra bbar tokə ndi kə̂ ndangə nan: «Ə-ddee!»

Apokalisi 6:6

Moo kɔru nɛ̂n tokə ndu dəw horo nɛ̂nje tə̂ kə̂ sɔ kə̂ toje kəm baa le nan: «Narɛ kula lə dəw kə̂ ndɔ kâra asə ndoko kilo ble kâra baa, a asə ndoko kilo ɔrjə mota. A inya ubbu kə bɛn arə to kə lo-toe.»

Apokalisi 7:11

Yeenn ngaâ anjəje tɔyn kə̂ gukuje dɔ ngende-mbay le ddəm dɔ tɔkəje le ddəm dɔ nɛ̂nje kə̂ toje kəm baa kə̂ sɔ le ddəm dosoje nangə̂ nɔn ngende-mbay tə̂ le, n̂-dəbbəje kəmde nangə̂ ngaâ n̂-poloje Lubba.

Apokalisi 7:15

Mba yeenn bba, darje nɔn ngende-mbay tə̂ lə Lubba daw poleje til kə kar mə kəy tə̂ kə̂ daw pole tə̂. Ne kə̂ nisi ngende-mbay tə̂ le, nâ ngəmde.