Apokalisi 4:5 - Dɔnɔn kə̂ Siki: Tar kə̂ aw arə təbbə

⁵ Təəl lə ndi, kɔru nɛ̂nje kə ndangə lə ndi inje ngende-mbay tə̂ kə̂ to dannâ le aw teeje. Puru-ngeelje siri kə̂ aw ɔnje kə singa toje nɔn ngende-mbay tə̂ le. Puru ngeeljeenn le toje to ndilje lə Lubba kə̂ siri le.

Maketuru le Lubba ke tar kabba

⁵ Teelje le ndi, kɔru neje, ke ndangeje le ndi inje ngende-mbay te ke to dana le aw teeje. Puru ngelje siri ke aw ɔnje ke singa toje nɔ ngende-mbay te le. Puru ngeljeenn le toje to ndilje le Lubba ke siri le ann.

Apokalisi 4:5 ပူးပေါင်းရင်းမြစ်များ

Matiye 25:1

«Yeenn a, Bbe-kɔn kə̂ darâ a to tokə tar lə marə ngann mandəje dɔku kə̂ otoje lambeje ləde ta kaw tila nɛ̂n kəm dingaw kə̂ nje-taa dɛnɛ̂n.

Matiye 3:11

Əman, m-ddase batɛm maann ta tɔju to ə-turuje məse mban. A dəw kə̂ aw ddee gom tə̂, ngəng utam. Nɛ̂n-gɔl laa kara munda rɔ dəw kə̂ asə ta kɔru gɔlɛ̂ tə̂ ang. Ne, nâ ddase batɛm Ndil-mə-nda kə batɛm puru.

Kulaje 2:3

Dooje marə nɛ̂n tokə lə ndɔn-puru. Ndɔn-puru le sanrɛ kâra kâra ngaâ isi dɔde tə̂ kâra kâra tɔyn.

Apokalisi 1:4

Əman Jan, mula kə makəturu nəənn marə dəwje kə̂ Egilisije tə̂ siri kə̂ nangə tə̂ kə̂ Aji. Maji karə Lubba kə̂ to bbokənɛn nəənn, kə̂ to ləw, kə̂ aw ddee dda kə se mə-maji ngaâ narə məse wul lɔm. Maji karə ndilje kə̂ siri kə̂ arje nɔn ngende-mbay tə̂ laa ddaje kə se tokə baann.

Apokalisi 10:3

Nuru əkii kə taar tokə lə ənam kə̂ aw nɔn. Goe tə̂ a, ndi ndangə tɛɛ̂ siri.

Apokalisi 11:19

Ta-kəy-polo Lubba kə̂ to mə dara tə̂ ɔru ngaâ sanduku dɔnɔn ubba mə kəy-polo tə̂ laa le. Ndi təəl, ndu dəwje bbar, ndi ndangə, nangə yəkə ngaâ kɔju gayn kə singa.

Apokalisi 3:1

«Ə-dda makəturu ula nɛ̂n arə anjə kə̂ Egilisi tə̂ kə̂ Sardə ə-pa nan: «Tar kə̂ dəw kə̂ ee kə ndilje lə Lubba kə̂ siri kə əndɛtɛrɛndɛnje siri pa â nəənn: M-gərə kulaje kə̂ aw dda, dəwje ooje to isi kəm baa, a oy mban.

Apokalisi 5:6

Maa lo ngaâ moo marə Ngonn batə ar dannâ mbɔr ngende-mbay tə̂ le, horo nɛ̂nje tə̂ sɔ kə̂ toje kəm baa le kə horo tɔkəje tə̂ le. Ngonn batə le ar tokə batə kə̂ n̂-tɔlɛ̂ mban to nɛ̂n-polo. Gajɛ̂ ee siri ngaâ kəmɛ̂ ee siri tɔ. Kəmɛ̂ kə̂ siri le toje to ndilje lə Lubba kə̂ siri kə̂ Lubba ulade dɔ nangə tə̂ tɔyn le.

Apokalisi 8:5

Anjə le unn ngonn jo ro dukann le ungu puru kə̂ dɔ bann tə̂ le məɛ tə̂ ddusu ngaâ bi ila dɔ nangə tə̂. Njangə baa a, ndi ndangə, kɔru ndu nɛ̂nje bbar, ndi təəl ngaâ nangə yəkə.