Apokalisi 4:4 - Dɔnɔn kə̂ Siki: Tar kə̂ aw arə təbbə

⁴ Marə ngende-mbayje dɔjoo gire sɔ gukuje dɔ ngende-mbay le ngaâ tɔkəje dɔjoo gire sɔ isije dɔɛ tə̂ kâra kâra tɔyn. Dulaje kubbu kə̂ nda ngaâ dundaje əjɔkudɔ kə̂ n̂-dda kə andə-narɛ dɔde tə̂.

Maketuru le Lubba ke tar kabba

⁴ Mare ngende-mbayje dɔjoo gire sɔ gukuje dɔ ngende-mbay le, ngaa tɔkuje dɔjoo gire sɔ isije dɔe te kara kara tɔyn. Dulaje kubbu ke nda, ngaa dundaje ejɔkudɔ ke n̂-dda ke ande dɔde te.

Apokalisi 4:4 ပူးပေါင်းရင်းမြစ်များ

Matiye 19:28

Jeju pa arəde nan: «M-pa tar kə̂ tɔkɔrɔ marəse, ndɔ kə̂ nɛ̂nje tɔyn a turuje tokə siki, kar tə̂ kə̂ Ngonn lə dəw a kisi ngende-mbay tə̂ kə̂ to nɛ̂n-piti, sese kə̂ unnje gom kara â kisije dɔ ngende-mbayje tə̂ dɔku gire joo, mba gangə sariya dɔ gəl-kuju ngann Ijarayɛlje tə̂ kə̂ dɔku gire joo tɔ.

Luku 22:30

mba karə usaje nɛ̂n ddəm ayje nɛ̂n ddəm dɔ tabələ tə̂ ləm mə Bbe-kɔn tə̂ ləm ngaâ karə isije ngende-mbayje tə̂, mba gangə sariya dɔ gəl-kuju ngann Ijarayɛlje tə̂ kə̂ dɔku gire joo.»

2 Timɔte 4:8

Bbasinɛn, Lubba ngəm nɛ̂n kə̂ maji mbam to kuka ləm, nɛ̂n kə̂ maji kə̂ to mba dəwje kə̂ gatə gatə. Əbbə-dəwje kə̂ to nje-gangə sariya kə̂ gatə gatə a karəm nɛ̂n kə̂ maji le ndɔ gangə sariya tə̂. Nâ karəm kə karəm baa ang, nâ karə dəwje tɔyn kə̂ aw ndikije tar ddee laa le tɔ.

Apokalisi 11:16

Tɔkəje dɔjoo gire sɔ kə̂ isije ngende-mbay tə̂ ləde nɔn Lubba tə̂ le teeje osoje nangə̂, dəbbəje kəmde nangə̂ nɔn Lubba tə̂ ngaâ walje Lubba,

Apokalisi 14:3

Dəwje le aw ɔsuje pa kə̂ siki nɔn ngende-mbay tə̂ le, nɔn nɛ̂nje tə̂ kə̂ toje kəm baa kə̂ sɔ le kə nɔn tɔkəje tə̂ le. Dəw kâra kə̂ a kasə ndo pa le goto. Bbayɛ̂ njaa to dede kə̂ doro kɔr kâra kə dɔsɔ gire sɔ (144 000) kə̂ Ngonn batə uka dɔde dɔ nangə tə̂ le.

Apokalisi 19:14

Njê-ddɔje kə̂ darâ isije dɔ sundaje tə̂ kə̂ nda ngaâ aw ɔruje goe. Dulaje kubbu lɛɛn kə̂ kura, kə̂ nda kə̂ nɛ̂n-yərəw ɔru ang.

Apokalisi 19:4

Tɔkəje kə̂ dɔjoo gire sɔ le kə nɛ̂nje kə̂ toje kəm baa kə̂ sɔ le ɔsuje məkəjə-gɔlde nangə̂ ngaâ poloje Lubba kə̂ isi ngende-mbay tə̂ laa. N̂-paje nan: «Amɛnn! Aleluya!»

Apokalisi 2:10

 koo ndoo, a arə bbəəle ddai ang. Əsu a kila marə dəwje ləse kəy-kula tə̂ mba nan nɛ̂n se. Dâ dda singa kə se ndɔ dɔku. Maji karə uwa arə ngəng ndərəng oy nɛ̂n a, mâ kari təbbə kə̂ to kə ndɔ kə ndɔ to əjɔkudɔ.

Apokalisi 20:4

Goe tə̂ a, moo ngende-mbayje. Darə singa dəwje kə̂ isije dɔɛ̂ tə̂ karə n̂-gangəje sariya. Moo ndil dəwje kə̂ n̂-tɔlde mba tar-naji lə Jeju kə̂ n̂-paje ddəm mba tar lə Lubba ddəm. Moo ndil dede kə̂ n̂-mbətəje ta kɔsu məkəjə-gɔlde nɔn da tə̂ le ddəm nɔn ətaar tə̂ kə̂ ndaji da tə̂ le ddəm dɔsu əndaji əngo-nɔnde tə̂ ang ddəm mə jide tə̂ ang ddəm le tɔ. N̂-ndolje ngaâ dɔnje mbay kə Kristə asə bbal doro kâra (1 000).

Apokalisi 3:18

Mba yeenn bba, m-pa mari karə ə-ndoko andə kə̂ n̂-ləkə purô darə yərəw goto tə̂ jim tə̂, karə ə-ddee to nje-nɛ̂n-kinga kə̂ tɔkɔrɔ. Ə-ndoko kubbuje kə̂ nda ula, mba bbo rɔi to baa a, rɔ-kul a ddai. Ə-ndoko kuman kə̂ to maannɛ̂ ila kəmi tə̂ ta ə-təl oo lo.

Apokalisi 4:10

tɔkəje kə̂ dɔjoo gire sɔ le ɔsuje məkəjə-gɔlde nɔɛ̂n tə̂, ne kə̂ nisi ngende-mbay tə̂ le, n̂-walɛ̂je nɛ̂n, ne kə̂ nisi kə ndɔ kə ndɔ le. Dunguje əjɔkudɔje ləde nɔn ngende-mbay tə̂ le ngaâ n̂-paje nan:

Apokalisi 4:6

Marə nɛ̂n tokə lə ba-ər kə̂ kəmɛ̂ arɛ yərərə to nɔn ngende-mbay tə̂ le. Marə nɛ̂nje kə̂ toje kəm baa sɔ gukuje ngende-mbay kə̂ to dannâ le, kəmde to rɔde tə̂ tɔyn kete ddəm guku ddəm.

Apokalisi 5:11

Maa lo bbay a, moo ndu anjəje tokə banya. Kɔrde asə doro doro, asə tura ang. N̂-gukuje dɔ ngende-mbay le ddəm nɛ̂nje kə̂ sɔ kə̂ toje kəm baa le ddəm tɔkəje le ddəm.

Apokalisi 5:14

Nɛ̂nje kə̂ sɔ kə̂ toje kəm baa le paje nan: «Amɛnn!» A tɔkəje le ɔsuje məkəjə-gɔlde nangə̂ ngaâ poloje ne kə̂ nisi ngende-mbay tə̂ le ddəm Ngonn batə le ddəm.

Apokalisi 5:6

Maa lo ngaâ moo marə Ngonn batə ar dannâ mbɔr ngende-mbay tə̂ le, horo nɛ̂nje tə̂ sɔ kə̂ toje kəm baa le kə horo tɔkəje tə̂ le. Ngonn batə le ar tokə batə kə̂ n̂-tɔlɛ̂ mban to nɛ̂n-polo. Gajɛ̂ ee siri ngaâ kəmɛ̂ ee siri tɔ. Kəmɛ̂ kə̂ siri le toje to ndilje lə Lubba kə̂ siri kə̂ Lubba ulade dɔ nangə tə̂ tɔyn le.

Apokalisi 5:8

N̂-taa makəturu le a, nɛ̂nje sɔ kə̂ toje kəm baa le kə tɔkəje kə̂ dɔjoo gire sɔ le ɔsuje məkəjə-gɔlde nangə̂ nɔɛ̂n tə̂. Konde kə əngo-narɛje kə̂ yambo ddusu toje jide tə̂ kâra kâra tɔyn. Yambo le to duju lə dəwje lə Lubba.

Apokalisi 6:11

Yeenn ngaâ darəde tɔkə kubbu kə̂ nda, kə̂ ngal kâra kâra tɔyn. Ngaâ, n̂-pa darəde karə n̂-nginanje ngaji, karə kɔr nje-kula marədeje kə kɔr ngakɔndeje utu naan bba. Mba dede kara dâ tɔlde tokə ləde tɔ.

Apokalisi 7:11

Yeenn ngaâ anjəje tɔyn kə̂ gukuje dɔ ngende-mbay le ddəm dɔ tɔkəje le ddəm dɔ nɛ̂nje kə̂ toje kəm baa kə̂ sɔ le ddəm dosoje nangə̂ nɔn ngende-mbay tə̂ le, n̂-dəbbəje kəmde nangə̂ ngaâ n̂-poloje Lubba.

Apokalisi 7:9

Goe tə̂, maa lo bbay a, moo dəwje tokə banya. Dəw asə turade ang. Dinje horo dəwje tə̂ kə̂ gəlde dang dang tɔyn, horo njê kə̂ bbeje tə̂ dang dang, horo njê kə̂ nangəje tə̂ dang dang kə horo njê kə̂ ndɔn-tarje ləde to dang dang. Darje nɔn ngende-mbay tə̂, nɔn Ngonn batə tə̂ le. Dulaje tɔkə kubbu kə̂ nda ngaâ duwaje kam mburu jide tə̂.

Apokalisi 9:7

Əbeteje le undaje rɔ sundaje kə̂ n̂-gɔlde ta dda nɛ̂n ddɔ. Marə nɛ̂n to dɔde tə̂ tokə lə əjɔkudɔ kə̂ n̂-dda kə andə ngaâ kəmde unda kəm dəw.