Apokalisi 4:1 - Dɔnɔn kə̂ Siki: Tar kə̂ aw arə təbbə

¹ Goe tə̂ a, moo ta-kəy kə̂ tokə kɔru mə dara tə̂. Ndu kə̂ pa səm tar kete ngaâ bbar tokə lə təbbə le, pa nan: «Aal kə nəənn, mâ tɔji nɛ̂n kə̂ a ddee goe tə̂.»

Maketuru le Lubba ke tar kabba

¹ Goe te a, moo ta key ke toke kɔru me dara te. Ndu ke pa sem tar kete, ngaa bbar toke le tebbejeenn le, pa na: «Aal ke neenn, ma tɔji ne ke a ddee goe te.»

Apokalisi 4:1 ပူးပေါင်းရင်းမြစ်များ

Matiye 3:16

Jeju inga batɛm ngaâ in maânn tee a, karɛ̂ tə̂ənn njaa ta dara təəyn. Noo Ndil lə Lubba kə̂ ddisi tokə lə dər ddee isi dɔɛ̂ tə̂.

Marke 1:10

A kar tə̂ kə̂ Jeju in mə maann tə̂ le aw tee kə ddaka a, oo ta dara kə̂ təəyn ngaâ Ndil aw ddisi kə dɔɛ̂ tə̂ tokə lə dər.

Luku 3:21

Kete bba karə duwa Jan le, Jan dda batɛm dəwje ngaâ n̂-dda Jeju batɛm tɔ. Kar kə̂ Jeju aw duju Lubba a, dara təəyn,

Tar kə̂ Maji kə̂ Jan dda makəturu tə̂ 16:13

Bbo Ndil tar kə̂ tɔkɔrɔ le ddee a, nâ tɔjuse nɛ̂n kə̂ tɔkɔrɔ tɔyn. Tar kə̂ məɛ̂ tə̂ njaa â nâ pa ang. Tarje tɔyn kə̂ noo â nâ pa ngaâ nâ pa nɛ̂nje kə̂ a ta ddeeje karəse.

Kulaje 10:11

Noo kəm dara təəyn ngaâ noo marə nɛ̂n in mə dara tə̂ le aw ddisi. Nɛ̂n le to tokə lə bəl-kubbu kə̂ tatə kə̂ duwa tɛɛ̂ kə̂ sɔ. Nɛ̂n le aw ddisi kə nangə̂.

Kulaje 7:56

N̂-pa nan: «Ooje, maw moo dara kə̂ təəyn kə Ngonn lə dəw kə̂ ar taar dɔ ji-kɔl Lubba tə̂.»

Apokalisi 1:10

Kə ndɔ lə Əbbə-dəwje, Ndil-mə-nda uwam a, moo marə ndu bbar kə singa gom tə̂ guku. Ndu le bbar tokə lə təbbə kə̂ dəw aw to.

Apokalisi 1:12

M-turu rɔm ta koo dəw kə̂ aw pa səm tar le a, moo nɛ̂n-kunda lambeje siri kə̂ n̂-dda kə andə-narɛ kə̂ lambeje to dɔɛ tə̂.

Apokalisi 1:19

Nɛ̂n kə̂ aw oo nəənn, nɛ̂n kə̂ aw to nəənn kə nɛ̂n kə̂ a ddee goe tə̂, maji karə ə-dda makəturu tə̂.

Apokalisi 11:12

Njê-kilaje mbər tar lə Lubba le ooje marə ndu kə̂ in dara ngaâ pa arəde kə singa nan: «Inje kə taar nəənn!» Dinje kə darâ mə mum tə̂ kəm njê-baanje tə̂ ləde le.

Apokalisi 11:19

Ta-kəy-polo Lubba kə̂ to mə dara tə̂ ɔru ngaâ sanduku dɔnɔn ubba mə kəy-polo tə̂ laa le. Ndi təəl, ndu dəwje bbar, ndi ndangə, nangə yəkə ngaâ kɔju gayn kə singa.

Apokalisi 16:17

Anjə kə̂ to siri laa mbəl wungu kə̂ mə əngo tə̂ laa mə ləl tə̂. Marə ndu bbar kə singa ngende-mbay tə̂ kə̂ kəy-polo Lubba tə̂ le nan: «Bbayɛ̂ ngaa!»

Apokalisi 19:11

Goe tə̂ a, moo dara təəyn, a moo sunda kə̂ nda. Dəw kə̂ aal sunda le ria nan: «Dəw kə̂ aw dda nɛ̂n kə dɔgɔlɛ̂, Dəw kə̂ tɔkɔrɔ.» Naw gangə sariya ngaâ naw dda ddɔ ddəw nɛ̂n tə̂ kə̂ gatə gatə.

Apokalisi 22:6

Goe tə̂ a, anjə le pa arəm nan: «Tarje nəənn to tarje kə̂ tɔkɔrɔ ngaâ asə karə dəw unda məɛ̂ dɔɛ tə̂. Əbbə-dəwje Lubba kə̂ arə Ndil laa ddee dɔ njê-kilaje mbər tar tə̂ laa ula anjə laa karə tɔju njê-kulaje laa nɛ̂n kə̂ nayn ngɔsi baa ta ddee.»