Apokalisi 3:8 - Dɔnɔn kə̂ Siki: Tar kə̂ aw arə təbbə

⁸ N̂-pa nan: M-gərə kula-ddai. M-gərə to singai to nya ang njaa. A ə-ngəm tar ləm bbo ə-mbətəm ang. Mba yeenn bba, oo, mɔru ta-kəy nɔin tə̂, a dəw kâra a kasə kutu ta-kəy le ang.

Maketuru le Lubba ke tar kabba

⁸ M-gere kula-ddai. M-gere to ee ke singa nya ang njaa. A e-ngem tar lem bbo e-mbetem ang. Mba yeenn a oo, mɔru ta key nɔi te, a dew kara a kase kutu ta key le ang.

Apokalisi 3:8 ပူးပေါင်းရင်းမြစ်များ

Luku 12:9

A dəw kə̂ mayn tar ləm kəm dəwje tə̂ nan: ‹M-gərə Jeju ang›, əman kara mâ mayn tar laa kəm anjəje tə̂ lə Lubba pa nan: ‹Dəw nəənn to dəw ləm ang› tɔ.

Tar kə̂ Maji kə̂ Jan dda makəturu tə̂ 15:20

Oleje məse dɔ tar tə̂ kə̂ m-pa marəse: Nje-kula uta əbbeeje ang. Dəwje a kulaje kəmse ndoo tə̂ ddəw kâra baa tokə dula kəmʼm ndoo tə̂. Dəwje a ddaje nɛ̂n kə turu ndum ang, dâ ddaje nɛ̂n kə turu nduse ang tɔ.

Tar kə̂ Maji kə̂ Jan dda makəturu tə̂ 17:6

M-dda marə dəwje kə̂ ə-mbərəde horo marɛ̂je tə̂ duninya tə̂ ungude mə jim tə̂ le gərije. N̂-toje to dəwje ləi â ungude mə jim tə̂ ngaâ n̂-ddaje nɛ̂n kə turu ndui.

Kulaje 14:27

Pɔl de kə Barnabas n̂-teeje Antiyos nangə tə̂ kə̂ Siri a, n̂-mbɔnje njê-mə-kunnje. Dɔruje gəl nɛ̂nje tɔyn kə̂ Lubba dda ddəw tə̂ ləde kə gusu kə̂ Lubba ɔru nɛ̂n ddəw arə dəwje kə̂ toje to Jiipije ang ooje məde tə̂ tɔ le.

1 Kɔrɛntinyɛje 16:9

Mba ddəw ɔru tokə bo arəm karə m-dda kula lo tə̂ənn, a njê-baanje ləm banyaje nya.

2 Kɔrɛntinyɛje 2:12

Kar tə̂ kə̂ m-tee tɔkə bbe tə̂ kə̂ Torowas ta kila mbər Tar kə̂ Maji lə Kristə le, Əbbə-dəwje ɔru ddəw arəm kə̂ majɛ̂ njaa.

Pilipinyɛje 4:13

Masə ta dda nɛ̂n tɔyn ddəw tə̂ lə Kristə kə̂ aw arəm singa.

Kolosinyɛje 4:3

Maji karə ə-dujuje Lubba mba tar ləje tɔ, karə nɔru ddəw narə n-pa tar laa. Baann bba karə mila mbər tar lə Kristə kə̂ to lo-kiyɛ̂ tə̂ le. Mba nɛ̂ɛnn le â dilam kəy-kula tə̂ mbɛɛ̂.

1 Timɔte 5:8

Bbo marə nje-mə-kunn aa lo kə dɔ nujuje tə̂ laa ang, uta tɔyn bbo naa lo kə dɔ dəwje tə̂ kə̂ mə kəy tə̂ laa ang a, ninya mə-kunn laa mban ngaâ n̂-maji ang nuta dəw kə̂ unn məɛ̂ ang.

2 Timɔte 4:7

M-dda ddɔ kə̂ maji, mayn ngɔru m-tee mban, m-ngəm mə-kunn ləm.

Judə 1:4

Mba, marə dəwje kə̂ maji ang andəje horose tə̂ kə go ngəyn. Daw turuje mə tar mə-maji lə Lubba ləje mba kɔnn nɛ̂n dɔ nɛ̂n-ddaje kə̂ maji ang ləde. N̂-mbətəje Mbay ləje kə̂ kâra baa kə̂ to Əbbəjeje Jeju-Kristə le. Ləw baa, Makəturu lə Lubba pa tar sariya kə̂ dâ gangə dɔde tə̂.

Apokalisi 2:13

M-gərə lo kə̂ ə-dda bbe tə̂ kə majɛ̂: Ngende-mbay lə Satan to tə̂ənn. A dɔ ndɔ tə̂ kə̂ n̂-tɔl nɛ̂n Antipas kə̂ to nje-tar-naji ləm kə̂ gatə gatə bbeê ləse kə̂ Satan dda bbe tə̂ le njaa kara ə-nayn gom tə̂ nyɔm bbo ə-tusu məi kə̂ unn arəm le inya ang.

Apokalisi 2:2

M-gərə kula-ddai, ndoo kə̂ aw oo kə wuri kə̂ aw tɔ. M-gərə to â kasə ta tɔ wuri dɔ njê-mə-majangje tə̂ ang. Dəwje kə̂ aw ddaje rɔde to njê-kaw-kulaje le, ə-nande oo, a n̂-toje to njê-kaw-kulaje ang ngaâ ə-tee kə gəl ngəm ləde kə ddaka.

Apokalisi 22:7

Jeju pa nan: «Oo, maw ddee ngɔsi baa ngaa. Rɔ-nəəl to lə dəwje kə̂ aw ngəmje tarje kə̂ dila mbəre makəturu tə̂ nəənn!»

Apokalisi 3:1

«Ə-dda makəturu ula nɛ̂n arə anjə kə̂ Egilisi tə̂ kə̂ Sardə ə-pa nan: «Tar kə̂ dəw kə̂ ee kə ndilje lə Lubba kə̂ siri kə əndɛtɛrɛndɛnje siri pa â nəənn: M-gərə kulaje kə̂ aw dda, dəwje ooje to isi kəm baa, a oy mban.

Apokalisi 3:10

Ə-ngəm ndəjə ləm kə̂ mari karə uwa arə ngəng le. Yeenn bba, əman njaa kara mâ ngəmi kar tə̂ kə̂ nɛ̂n-nanje a ddeeje mba nan mə dəwje tɔyn kə̂ dɔ nangə tə̂.

Apokalisi 3:15

M-gərə kula-ddai, m-gərə to ə-wul ang ddəm ə-tunga ang ddəm. Bbo ə-wul wase ə-tunga a, a maji.

Apokalisi 3:7

Ə-dda makəturu ula nɛ̂n arə anjə kə̂ Egilisi tə̂ kə̂ Piladɛlpi ə-pa nan: Tar lə Dəw kə̂ maji tɔyn, ne kə̂ n̂-to Tɔkɔrɔ, ne kə̂ ngaw kele lə Dabbiti to jia tə̂, ne kə̂ n̂-təəyn ta-ddəw a, dəw kâra asə ta kutu ang, ne kə̂ nutu ta-ddəw a, dəw kâra asə ta təəyn ang.