Apokalisi 3:7 - Dɔnɔn kə̂ Siki: Tar kə̂ aw arə təbbə

⁷ Ə-dda makəturu ula nɛ̂n arə anjə kə̂ Egilisi tə̂ kə̂ Piladɛlpi ə-pa nan: Tar lə Dəw kə̂ maji tɔyn, ne kə̂ n̂-to Tɔkɔrɔ, ne kə̂ ngaw kele lə Dabbiti to jia tə̂, ne kə̂ n̂-təəyn ta-ddəw a, dəw kâra asə ta kutu ang, ne kə̂ nutu ta-ddəw a, dəw kâra asə ta təəyn ang.

Maketuru le Lubba ke tar kabba

⁷ «E-dda maketuru ula ne are anji ke Egilisi te ke Piladelpi e-pa na: ‹Tar ke Dew ke maji tɔyn, ne ke n̂-pa tar ngem ang, ne ke nee ke ngaw kele le Dabbiti, ne ke n̂-teyn ta ne a, dew kara ase ta kutu ang, ne ke nutu ta ne a, dew kara ase ta teyn ang n̂-pa na:

Apokalisi 3:7 ပူးပေါင်းရင်းမြစ်များ

Matiye 16:19

Mâ kari kele ta Bbe-kɔn kə̂ darâ. Nɛ̂n tɔyn kə̂ ə-tɔ nangə̂ nəənn to nɛ̂n kə̂ n̂-tɔ darâ mban, nɛ̂n tɔyn kə̂ ə-tutu nangə̂ nəənn, n̂-tutu darâ mban tɔ.»

Matiye 24:35

«Dara kə nangə a ndayje, a tarje ləm a ndayje ang.»

Marke 1:24

«Jeju kə̂ Najarɛtə, ddi â ə-ndiki ta dda kə je wa? Ə-ddee ta tɔlje wa? M-gəri kə majɛ̂. Ə-to dəw kə̂ Lubba undai dang ngaâ ulai.»

Luku 1:32

Ngonn le a ddee bo ngaâ dâ bbarɛ̂ nan Ngonn lə Nje-kisi ddutu dara tə̂, Əbbə-dəwje Lubba a karɛ̂ ngende-mbay lə kɛɛ̂je Dabbiti.

Luku 4:34

«Ya! Ddi â ə-ndiki rɔje tə̂ wa? Jeju kə̂ Najarɛtə! Ə-ddee ta tɔlje wa? M-gəri kə majɛ̂. Ə-to dəw kə̂ Lubba undai dang ngaâ ulai.»

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Kulaje 3:14

Ə-mbətəje dəw kə̂ maji tɔyn, dəw kə̂ gatə gatə ngaâ ə-dujuje arə dɔru nje-tɔl dəwje kəy-kula tə̂ darəse.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.

Apokalisi 1:11

Ndu le pa nan: «Nɛ̂n kə̂ aw oo nəənn, ə-dda makəturu tə̂ ta ula nɛ̂n arə Egilisije kə̂ siri nəənn: Ula nɛ̂n arə Egilisi kə̂ Epɛjə, Ismirnə, Pɛrgam, Tiyatir, Sardə, Piladɛlpi kə Lawodise.»

Apokalisi 1:18

M-to nje-kisi kəm baa. Ləw moy, a bbasinɛn misi kəm baa kə ndɔ kə ndɔ. Mee kə singa dɔ yo tə̂ ddəm dɔ lo tə̂ lə dəwje kə̂ oyje ddəm.

Apokalisi 1:5

Maji karə Jeju-Kristə kə̂ to nje-tar-naji kə̂ gatə gatə, ne kə̂ n̂-to dɔngɔr dəw kə̂ ndol horo dəwje tə̂ kə̂ oyje ddəm n̂-to Mbay-dɔ-mbayje kə̂ nangə̂ nəənn ddəm n̂-dda kə se mə-maji ngaâ narə məse wul lɔm tɔ. Jeju-Kristə le ndikije ngaâ ɔruje mə majangje tə̂ ləje ddəw məse tə̂.

Apokalisi 15:3

Daw dɔsuje pa lə Mɔyijə kə̂ to nje-kula lə Lubba ddəm pa lə Ngonn batə ddəm nan: «Əbbə-dəwje Lubba kə̂ Nje-singa-mɔngu, nɛ̂nje kə̂ ə-dda bo nya ddəm kura ləde dum dɔ dəwje ddəm! Tɔkə mbay lə gəl-dəwje, nɛ̂n kə̂ aw dda to gatə gatə ddəm to nɛ̂n kə̂ tɔkɔrɔ ddəm.

Apokalisi 16:7

Goe tə̂ a, moo marə ndu kə̂ bbar bann tə̂ le nan: «Tɔkɔrɔ njaa, Əbbə-dəwje Lubba kə̂ nje-singa-mɔngu, sariyaje ləi to sariyaje kə̂ tɔkɔrɔ ddəm gatə gatə ddəm.»

Apokalisi 19:11

Goe tə̂ a, moo dara təəyn, a moo sunda kə̂ nda. Dəw kə̂ aal sunda le ria nan: «Dəw kə̂ aw dda nɛ̂n kə dɔgɔlɛ̂, Dəw kə̂ tɔkɔrɔ.» Naw gangə sariya ngaâ naw dda ddɔ ddəw nɛ̂n tə̂ kə̂ gatə gatə.

Apokalisi 19:2

Mba sariyaje laa kə̂ naw gangə toje kə̂ dɔgɔlɛ̂ ddəm toje gatə gatə ddəm. N̂-gangə sariya dɔ tɔkə dɛnɛ̂n nje-kaya tə̂ kə̂ tuju dɔ nangə kə kaya laa ngaâ nila barə məsə njê-kulaje laa kə̂ n̂-tɔlde le dɔɛ̂ tə̂.»

Apokalisi 2:1

«Ə-dda makəturu ula nɛ̂n arə anjə kə̂ Egilisi tə̂ kə̂ Epɛjə ə-pa nan: «Tar kə̂ dəw kə̂ uwa əndɛtɛrɛndɛnje siri jia tə̂ kə̂ kɔl ngaâ aw nja horo nɛ̂n-kunda lambeje tə̂ siri kə̂ n̂-dda kə andə-narɛ pa â nəənn:

Apokalisi 21:5

Ngaâ dəw kə̂ isi ngende-mbay tə̂ le pa nan: «Oo! M-dda nɛ̂nje tɔyn tokə siki ngaa.» N̂-pa nan: «Uja tarje nəənn makəturu tə̂. Mba tarje ləm to tarje kə̂ tɔkɔrɔ ngaâ asəje karə dəw unda məɛ̂ dɔɛ tə̂.»

Apokalisi 3:14

«Ə-dda makəturu ula nɛ̂n arə anjə kə̂ ee Egilisi tə̂ kə̂ Lawodise ə-pa nan: «Tar kə̂ Dəw kə̂ ria nan Amɛnn, ne kə̂ n̂-to nje-tar-naji kə̂ gatə gatə ddəm kə̂ tɔkɔrɔ ddəm ne kə̂ nee kunn-kutu nɛ̂nje tə̂ kə̂ Lubba dda n̂-pa â nəənn:

Apokalisi 4:8

Bakə nɛ̂nje kə̂ sɔ kə̂ toje kəm baa le eeje misan misan. Kəmde to dɔ bakədeje tə̂ le ddəm kɔ bakədeje tə̂ le ddəm. Daw dɔsuje pa til kə kar, n̂-paje nan: «Əbbə-dəwje Lubba kə̂ Nje-singa-mɔngu maji tɔyn, maji tɔyn, maji tɔyn. Ne kə̂ n̂-to ləw, n̂-to bbasinɛn nəənn, kə̂ naw ddee.»

Apokalisi 5:9

Daw dɔsuje pa kə̂ siki nan: «Asə ta taa makəturu le, ta kɔru nɛ̂n kə̂ n̂-lətə nɛ̂n tɛɛ̂. Mba n̂-tɔli to nɛ̂n-polo. Ə-ndoko dɔ dəwje tɔyn kə məsəi arə Lubba, dəwje kə̂ gəlde to dang dang tɔyn, njê kə̂ ndɔn-tarje ləde to dang dang tɔyn, kə njê kə̂ isije nangəje tə̂ ləde kâra kâra tɔyn.

Apokalisi 6:10

Daw duruje əkii kə taar nan: «Əbbə-dəwje, əi kə̂ ə-maji tɔyn ngaâ ə-to dəw kə̂ tɔkɔrɔ, â nginan ndərəng ndɔ kə̂ dda bba â gangə sariya dɔ dəwje tə̂ kə̂ dɔ nangə tə̂ nəənn, ta kila barə ləje mba tɔl kə̂ n̂-tɔlje le wa?»