Apokalisi 3:5 - Dɔnɔn kə̂ Siki: Tar kə̂ aw arə təbbə

⁵ Yeenn a, dəwje kə̂ tətəje ddɔ a, dâ kulaje kubbuje kə̂ nda, mâ tuju ride makəturu təbbə tə̂ ndɔ kâra ang. Mâ pa nɔn bɔmje tə̂ kə nɔn anjəje tə̂ laa nan n̂-toje to dəwje ləm.

Maketuru le Lubba ke tar kabba

⁵ Yeenn a, dewje ke teteje ddɔ a, da kula kubbuje ke nda, ma tuju ride maketuru-tebbe te ndɔ kara ang. Ma pa nɔ bɔmje te, ke nɔ anjije te laa to n̂-toje to dewje lem.

Apokalisi 3:5 ပူးပေါင်းရင်းမြစ်များ

Matiye 10:32

«Yeenn a, dəw kə̂ pa kəm dəwje tə̂ nan n̂-to dəw ləm a, əman kara mâ pa nɔn Bɔy tə̂ kə̂ isi darâ nan n̂-to dəw ləm tɔ.

Luku 10:20

Yeenn a, maji karə ndilje kə̂ maji ang kə̂ ulaje dɔde nangə̂ arəse le â ə-ddaje rɔ-nəəle ang. A ə-ddaje rɔ-nəəl mba rise kə̂ Lubba dda mə Makəturu tə̂ darâ.»

Luku 12:8

«M-pa marəse, dəwje kə̂ paje kəm dəwje tə̂ nan n̂-toje to dəwje ləm a, Ngonn lə dəw a pa kəm anjəje tə̂ lə Lubba nan n̂-toje to lə ne tɔ.

Pilipinyɛje 4:3

A əi, kə̂ ə-to nje-buwa-kula marəm kə̂ tɔkɔrɔ, m-duji karə uman dɛnɛ̂nje nəənn le. Mba dumanʼmje darə n-dda ddɔ n-tɔju nɛ̂n Tar kə̂ Maji jarə dəwje, dede kə Kleman kə marə njê-kula marəmje kə ride to makəturu təbbə tə̂.

Judə 1:24

Maji karə piti, tɔkə-mbangə, singa-mɔngu kə kɔn-mbay to lə Lubba kə̂ kâra baa kə ndɔ kə ndɔ. Ne kə̂ narə Əbbəjeje Jeju-Kristə ajije, Ne kə̂ nasə ta ngəmje karə joso mə majang tə̂ ang, nâ dda karə jar nɔɛ̂n tə̂ kə nɛ̂n-yərəw kâra ang, a jar nɔɛ̂n tə̂ kə rɔ-nəəl ndɔ pitii tə̂ laa. Amɛnn!

Apokalisi 13:8

Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.

Apokalisi 17:8

Da kə̂ ooe le to ləw, a n̂-to ang ngaa. Nâ kin tɔkə buwa tə̂ kə̂ sunrɛ̂ goto le tee ta kaw nayn kə kɔrɔ̂ nyɔm. Bbo dəwje kə̂ kunn-kutu duninya tə̂ nu duja ride makəturu təbbə tə̂ ang ooje da le a, məde a kunda dɔ binya. Mba n̂-to ləw, a n̂-to ang ngaa, a nâ təl kunda lo tee bbay.

Apokalisi 19:8

Darə nula kubbu lɛɛn kə̂ ndɔnrɛn kə̂ nɛ̂n-yərəw ɔru ang.» Mba kubbu lɛɛn le to kula-ddaje kə̂ gatə gatə kə̂ dəwje lə Lubba ddaje.

Apokalisi 2:11

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. Dəw kə̂ tətə ddɔ a, a koy yo kə̂ gɔl joo laa ang ngaa.»

Apokalisi 2:7

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. «Dəw kə̂ tətə ddɔ a, mâ karɛ̂ kandə kakə kə̂ aw arə dəw təbbə karə nusa. Kakə le to mə paradis tə̂ lə Lubba.»

Apokalisi 20:12

Ngaâ moo dəwje kə̂ oyje, njê kə̂ ngaji kə njê kə̂ bo, darje taar nɔn ngende-mbay tə̂ le. N̂-təəyn makəturuje, a n̂-təl n̂-təəyn marə makəturu bbay, to makəturu təbbə. Ngaâ n̂-gangə sariya dɔ dəwje tə̂ kə̂ oyje asə kəm kula-ddade, tokə ye kə̂ n̂-dda makəturuje tə̂ le.

Apokalisi 20:15

Dəw kə̂ dinga ria makəturu təbbə tə̂ le ang a, dilɛ̂ ndakə puru tə̂ le.

Apokalisi 21:27

Nɛ̂n-yərəw kâra a kandə mə bbe tə̂ le ang nyɔm. Dəw kə̂ nje-dda nɛ̂n kə̂ asə koo kə kəm ang wase nje-ngəm a kandə mə bbe tə̂ le ang tɔ. Njê kə̂ n̂-dda ride makəturu təbbə tə̂ lə Ngonn batə njaa kə karəde baa â a kandəje mə bbe tə̂ le.

Apokalisi 22:19

 bbo dəw ɔru marə tarje kə̂ dila nɛ̂n mbər makəturu tə̂ nəənn kə ddang a, kandə kakə kə̂ aw arə dəw təbbə kə tɔkə bbe kə̂ maji tɔyn kə̂ n̂-gɔl mbɛɛ̂ kə̂ n̂-dda tarɛ̂ makəturu tə̂ nəənn, Lubba a kɔru jia tə̂ kə ddang.

Apokalisi 3:12

Dəw kə̂ tətə ddɔ a, mâ ddɛɛ̂ to kakə gaji mə kəy-polo Lubba tə̂ ləm ngaâ nâ tee ddaka ndɔ kâra ang ngaa. Mâ dda ri Lubba ləm kə ri bbe lə Lubba ləm dɔɛ̂ tə̂. Ri bbe lə Lubba ləm le nan «Jerujalɛm kə̂ siki» kə̂ in rɔ Lubba tə̂ ləm darâ ddisi kə nangə̂. Mâ kunda rim kə̂ siki dɔɛ̂ tə̂ tɔ.

Apokalisi 3:4

A marə dəwje kə̂ eeje horose tə̂ Sardə le ngəmje rɔde arə nɛ̂n-yərəw ɔru kubbu ləde ang. Dâ kulaje kubbu kə̂ nda bba dâ njaje nɛ̂n səm, mba dasəje njaa.

Apokalisi 6:11

Yeenn ngaâ darəde tɔkə kubbu kə̂ nda, kə̂ ngal kâra kâra tɔyn. Ngaâ, n̂-pa darəde karə n̂-nginanje ngaji, karə kɔr nje-kula marədeje kə kɔr ngakɔndeje utu naan bba. Mba dede kara dâ tɔlde tokə ləde tɔ.