Apokalisi 3:4 - Dɔnɔn kə̂ Siki: Tar kə̂ aw arə təbbə

⁴ A marə dəwje kə̂ eeje horose tə̂ Sardə le ngəmje rɔde arə nɛ̂n-yərəw ɔru kubbu ləde ang. Dâ kulaje kubbu kə̂ nda bba dâ njaje nɛ̂n səm, mba dasəje njaa.

Maketuru le Lubba ke tar kabba

⁴ A mare dewje ke eeje horose te Sarde le ngemje rɔde are ne-yerew ɔru kubbu lede ang. Da kulaje kubbu ke nda bba da njaje ne sem, mba daseje njaa.

Apokalisi 3:4 ပူးပေါင်းရင်းမြစ်များ

Matiye 10:11

«Bbo ə-teeje marə tɔkə bbe tə̂ wase ngonn bbe tə̂ a, ə-sangəje dəw kə̂ asə karə ə-toje kə̂y laa ta ə-naynje rɔɛ̂ tə̂ ndərəng ɔtuje nɛ̂n.

Marke 16:5

Yeenn ngaâ dandəje buwa-yo tə̂ le. A dooje marə basan ula kubbu kə̂ ngal kə̂ nda kə̂ isi nangə̂ ər kɔl, a bbəəl uta dɔde.

Luku 20:35

A dəwje kə̂ oyje kə̂ Lubba a koode to dasəje ta ndol ta kisi kəm baa duninya tə̂ kə̂ aw ddee le, dede dâ taaje dɛnɛ̂n ang ddəm dâ taaje ngaw ang ddəm.

Luku 21:36

Maji karə ə-tibbije ang, ə-dujuje Lubba kə kar tɔyn, yeenn bba â kingaje singa ta tee nɛ̂n ta nɛ̂n tə̂ kə̂ a ta ddee le ddəm ta kar nɛ̂n taar nɔn Ngonn lə dəw tə̂ ddəm.»

Kulaje 1:15

Dɔ ndɔɛ̂je tə̂ənn, Piyɛr in taar horo njê-mə-kunnje tə̂ kə̂ kɔrde asə kɔr kâra kə dɔjoo ngaâ pa nan:

2 Tesalonisinyɛje 1:5

Nɛ̂njeenn aw tɔjuje to sariya lə Lubba to gatə gatə ngaâ toje to nɛ̂nje kə̂ a ddaje karə ə-ddeeje to dəwje kə̂ asəje ta kandə mə Bbe-kɔn tə̂ lə Lubba kə̂ aw ooje ndoo mbɛɛ̂ le.

Judə 1:23

Ajije marɛ̂je, ə-teeje kə de kəm puru tə̂. A marɛ̂je, ooje kəm-to-ndoo ləde, a aaje rɔse, arəje kubbuje kə̂ rɔde tə̂ kara ɔruse ang, mba nɛ̂n-ddaje ləde kə̂ maji ang tuju kubbu ləde mban.

Apokalisi 1:11

Ndu le pa nan: «Nɛ̂n kə̂ aw oo nəənn, ə-dda makəturu tə̂ ta ula nɛ̂n arə Egilisije kə̂ siri nəənn: Ula nɛ̂n arə Egilisi kə̂ Epɛjə, Ismirnə, Pɛrgam, Tiyatir, Sardə, Piladɛlpi kə Lawodise.»

Apokalisi 11:13

Kar tə̂ənn njaa, nangə yəkə kə singa. Bbo n̂-kayn mə tɔkə bbe le dɔku a, dəbbə bbe le kâra njaa guru arə dəwje doro siri (7 000) oyje mba nangə kə̂ yəkə le. Bbəəl dda kəsə dəwje kə̂ naynje kəm baa ngaâ dɔsuje gaji Lubba kə̂ darâ.

Apokalisi 14:4

Dede le dulaje rɔde nɛ̂n-yərəw tə̂ ddəw tə̂ lə dɛnɛ̂nje ang, mba n̂-gərəje dɛnɛ̂n ang. Daw dunnje go Ngonn batə le loje tə̂ tɔyn kə̂ naw naw tə̂. Lubba uka dɔde horo dəwje tə̂ karə n̂-ddeeje to dɔngɔr dəwje laa ddəm lə Ngonn batə le ddəm.

Apokalisi 19:14

Njê-ddɔje kə̂ darâ isije dɔ sundaje tə̂ kə̂ nda ngaâ aw ɔruje goe. Dulaje kubbu lɛɛn kə̂ kura, kə̂ nda kə̂ nɛ̂n-yərəw ɔru ang.

Apokalisi 19:8

Darə nula kubbu lɛɛn kə̂ ndɔnrɛn kə̂ nɛ̂n-yərəw ɔru ang.» Mba kubbu lɛɛn le to kula-ddaje kə̂ gatə gatə kə̂ dəwje lə Lubba ddaje.

Apokalisi 3:18

Mba yeenn bba, m-pa mari karə ə-ndoko andə kə̂ n̂-ləkə purô darə yərəw goto tə̂ jim tə̂, karə ə-ddee to nje-nɛ̂n-kinga kə̂ tɔkɔrɔ. Ə-ndoko kubbuje kə̂ nda ula, mba bbo rɔi to baa a, rɔ-kul a ddai. Ə-ndoko kuman kə̂ to maannɛ̂ ila kəmi tə̂ ta ə-təl oo lo.

Apokalisi 3:5

Yeenn a, dəwje kə̂ tətəje ddɔ a, dâ kulaje kubbuje kə̂ nda, mâ tuju ride makəturu təbbə tə̂ ndɔ kâra ang. Mâ pa nɔn bɔmje tə̂ kə nɔn anjəje tə̂ laa nan n̂-toje to dəwje ləm.

Apokalisi 4:4

Marə ngende-mbayje dɔjoo gire sɔ gukuje dɔ ngende-mbay le ngaâ tɔkəje dɔjoo gire sɔ isije dɔɛ tə̂ kâra kâra tɔyn. Dulaje kubbu kə̂ nda ngaâ dundaje əjɔkudɔ kə̂ n̂-dda kə andə-narɛ dɔde tə̂.

Apokalisi 6:11

Yeenn ngaâ darəde tɔkə kubbu kə̂ nda, kə̂ ngal kâra kâra tɔyn. Ngaâ, n̂-pa darəde karə n̂-nginanje ngaji, karə kɔr nje-kula marədeje kə kɔr ngakɔndeje utu naan bba. Mba dede kara dâ tɔlde tokə ləde tɔ.

Apokalisi 7:9

Goe tə̂, maa lo bbay a, moo dəwje tokə banya. Dəw asə turade ang. Dinje horo dəwje tə̂ kə̂ gəlde dang dang tɔyn, horo njê kə̂ bbeje tə̂ dang dang, horo njê kə̂ nangəje tə̂ dang dang kə horo njê kə̂ ndɔn-tarje ləde to dang dang. Darje nɔn ngende-mbay tə̂, nɔn Ngonn batə tə̂ le. Dulaje tɔkə kubbu kə̂ nda ngaâ duwaje kam mburu jide tə̂.