Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Apokalisi 3:3 - Dɔnɔn kə̂ Siki: Tar kə̂ aw arə təbbə

3 Maji karə ole məi dɔ tar tə̂ kə̂ n̂-pa darəse kə gusu kə̂ ooje nɛ̂n tar le. Ə-ngəm tar le ta ə-turu məi. Bbo ə-ndol ang a, mâ ddee kuwai dɔ jii tə̂ tokə lə nje-bboko. Â gərə gɔl kar kə̂ mâ ddee kɔsi nɛ̂n busu ang.

အခန်းကိုကြည့်ပါ။ ကော်ပီ

Maketuru le Lubba ke tar kabba

3 Ole mei dɔ tar te ke n̂-pa darese, ke gusu ke ooje ne tar le. E-ngem tar le, ngaa e-turu ddew lei. Bbo e-ndol ang a, ma ddee kuwai dɔ jii te toke le nje-bboko. A gere gɔl kare ke ma ddee kɔsi ne busu ang.

အခန်းကိုကြည့်ပါ။ ကော်ပီ




Apokalisi 3:3
24 ပူးပေါင်းရင်းမြစ်များ  

Go gusu-tar tə̂ nəənn le a, Jeju pa nan: «Yeenn a, arje dɔ gɔlse tə̂, mba ə-gərəje ndɔɛ̂ ang ddəm karɛ̂ ang ddəm.»


Arəje kəmse kətərə, arje dɔ gɔlse tə̂. Mba ə-gərəje ndɔ kə̂ nɛ̂njeenn le a toje nɛ̂n ang.


Maji karə n̂-təl n̂-ddee ningase busu dɔ bbi tə̂ ang.


Mba sese njaa kara ə-gərəje kə majɛ̂: Ndɔ lə Əbbə-dəwje a ddee tokə ndɔ ddee lə nje-bboko til tə̂.


Timɔte, maji karə ə-ngəm nɛ̂n kə̂ Lubba inya mə jii tə̂ le kə majɛ̂. Ə-mbətə bulaje kə̂ baa baa kə̂ aw tila kəm tar lə Lubba. Nɛ̂njeenn le inje ddəw nɛ̂n-gərə tə̂ kə̂ dəwje ooje to nɛ̂n-gərə kə̂ tɔkɔrɔ.


Maji karə tar kə̂ tɔkɔrɔ kə̂ m-pa mari le unn to nɛ̂n-ndaji. Ə-dda nɛ̂ɛnn le ddəw mə-kunn tə̂ kə ndiki ddəw mə-kâra tə̂ kə̂ n-dda kə Jeju-Kristə.


Mba yeenn bba, maji karə juwaje tarje kə̂ joo le jarə ngəng. Baann ang a, ja ndəəmje ddəw.


Moo a, to kə dɔgɔlɛ̂ njaa karə bbo m-nayn kəm baa bbay a, mole məse mba ndol nɛ̂n dɔse.


Ngakɔnʼmje kə̂ m-ndikise nya, ooje, makəturu kə̂ to joo laa ngaa â mula nɛ̂n marəse nəənn. Mə makəturuje tə̂ le joo kəm, m-ndiki ta kole məse dɔ marə nɛ̂nje tə̂, mba ndol nɛ̂n dɔse karə kəjə ləse to kə majɛ̂.


Ndɔ lə Əbbə-dəwje a ddee tokə ddee lə nje-bboko. Ndɔɛ̂ tə̂ənn le, dara a kɔtu. Kar kɔtu laa a, kɔrɛ̂ a bbar kə singa nya. Puru a kɔn nɛ̂nje kə̂ mə dara tə̂ ngaâ nangə kə nɛ̂nje kə̂ dɔ nangə tə̂ a gotoje.


Əbbə-dəwje pa nan: «Oo, maw ddee tokə lə nje-bboko. Maji arə dəw kə̂ isi kəm baa bbo tibbi ang ngaâ ngəm kubbu rɔɛ̂ tə̂. Baann bba nâ nja rɔɛ̂ baa karə dəw ooe a to nɛ̂n-rɔ-kul ang.»


A maji karə uwaje arə ngəng ndərəng ndɔ kə̂ mâ ddee nɛ̂n.


Maji karə ole məi dɔ pa-nja tə̂ ləi kə̂ dɔngɔr. Ə-turu məi bbo ə-təl kula-ddai tə̂ kə̂ dɔngɔr le. Bbo baann ang a, mâ ddee rɔi tə̂, ta mâ kɔru nɛ̂n-kunda lambe ləi lo-toe tə̂ kə ddang.


Jeju pa nan: «Oo, maw ddee ngɔsi baa ngaa. Rɔ-nəəl to lə dəwje kə̂ aw ngəmje tarje kə̂ dila mbəre makəturu tə̂ nəənn!»


Maw ddee bbasinɛn baa. Maji karə uwa nɛ̂n kə̂ ee nɛ̂n le arə ngəng nan karə marə dəw in taa əjɔkudɔ ləi jii tə̂.


Dəwje tɔyn kə̂ m-ndikide, maw təl kə de ddəw tə̂ kə̂ maji ddəm maw tundade ddəm. Yeenn bba, maji karə ə-dda kula le kə mə-kâra ta ə-turu məi.


Arə kəmi ngəng, ə-dda arə kəsə bbo kulaje kə̂ nayn rɔi tə̂ le nayn kə singa, mba a ta koy to koy. Moo a, nɛ̂n-ddaje ləi maji tɔyn kəm Lubba tə̂ ləm ang.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ