Apokalisi 3:11 - Dɔnɔn kə̂ Siki: Tar kə̂ aw arə təbbə

¹¹ Maw ddee bbasinɛn baa. Maji karə uwa nɛ̂n kə̂ ee nɛ̂n le arə ngəng nan karə marə dəw in taa əjɔkudɔ ləi jii tə̂.

Maketuru le Lubba ke tar kabba

¹¹ Maw m-ddee bbasine baa. Uwa ne ke ee ne le are ngeng na kare mare dew taa ejɔku-dɔ lei jii te.

Apokalisi 3:11 ပူးပေါင်းရင်းမြစ်များ

1 Kɔrɛntinyɛje 9:25

Dəwje tɔyn kə̂ aw gɔlje rɔde mba kayn ngɔru aw sangəje rɔde marə nɛ̂nje tə̂ nya. Daw ddaje baann, mba kinga nɛ̂n kuka kə̂ a tuju marə ndɔ. A jeje jaw ddaje tokə baann, mba kinga nɛ̂n kuka kə̂ a tuju ang ndɔ kâra ang.

Pilipinyɛje 4:5

Maji karə dəwje tɔyn gərəje mə-maji ləse. Əbbə-dəwje a təl ngɔsi baa.

2 Timɔte 2:5

Ddəw kâra baa, dəwje kə̂ aw taje naan ddəw marə nɛ̂nje tə̂ tokə lə kayn ngɔru, dəw kə̂ ayn ngɔru le kə ddəwe bba a kinga kuka laa.

2 Timɔte 4:8

Bbasinɛn, Lubba ngəm nɛ̂n kə̂ maji mbam to kuka ləm, nɛ̂n kə̂ maji kə̂ to mba dəwje kə̂ gatə gatə. Əbbə-dəwje kə̂ to nje-gangə sariya kə̂ gatə gatə a karəm nɛ̂n kə̂ maji le ndɔ gangə sariya tə̂. Nâ karəm kə karəm baa ang, nâ karə dəwje tɔyn kə̂ aw ndikije tar ddee laa le tɔ.

Jakə 1:12

Maji arə dəw kə̂ ore wure mə nɛ̂n-nanje tə̂ dang dang, mba bbo n̂-nɛɛ̂n doo ngaâ nasə a, nâ kinga kuka. Kuka le kə̂ to təbbə kə̂ Əbbə-dəwje unn ndue ta karə dəwje kə̂ ndikeje.

Jakə 5:9

Ngakɔnʼmje, bbo ə-ndikije karə Lubba gangə sariya dɔse tə̂ ang a, əmje rɔse kə ri naan ang. Ooje, nje-gangə sariya ar ta-kəy tə̂ ngɔsi.

Apokalisi 1:3

Maji arə dəw kə̂ tura makəturu nəənn. Maji arəde, de dəwje kə̂ dooje tarje kə̂ Lubba tee nɛ̂n kə ddaka nəənn ngaâ n̂-ngəmje tarje kə̂ n̂-dda makəturu tə̂ le. Mba kar kə̂ nɛ̂njeenn le a teeje nɛ̂n le nayn ngɔsi.

Apokalisi 16:15

Əbbə-dəwje pa nan: «Oo, maw ddee tokə lə nje-bboko. Maji arə dəw kə̂ isi kəm baa bbo tibbi ang ngaâ ngəm kubbu rɔɛ̂ tə̂. Baann bba nâ nja rɔɛ̂ baa karə dəw ooe a to nɛ̂n-rɔ-kul ang.»

Apokalisi 2:10

 koo ndoo, a arə bbəəle ddai ang. Əsu a kila marə dəwje ləse kəy-kula tə̂ mba nan nɛ̂n se. Dâ dda singa kə se ndɔ dɔku. Maji karə uwa arə ngəng ndərəng oy nɛ̂n a, mâ kari təbbə kə̂ to kə ndɔ kə ndɔ to əjɔkudɔ.

Apokalisi 2:13

M-gərə lo kə̂ ə-dda bbe tə̂ kə majɛ̂: Ngende-mbay lə Satan to tə̂ənn. A dɔ ndɔ tə̂ kə̂ n̂-tɔl nɛ̂n Antipas kə̂ to nje-tar-naji ləm kə̂ gatə gatə bbeê ləse kə̂ Satan dda bbe tə̂ le njaa kara ə-nayn gom tə̂ nyɔm bbo ə-tusu məi kə̂ unn arəm le inya ang.

Apokalisi 2:25

A maji karə uwaje arə ngəng ndərəng ndɔ kə̂ mâ ddee nɛ̂n.

Apokalisi 22:12

Jeju pa nan: «Oo, maw ddee ngɔsi baa. Maw ddee kə kuka lə dəw kâra kâra asə kula-ddɛɛ̂.

Apokalisi 22:20

Dəw kə̂ pa tar-naji nɛ̂nje nəənn le, pa nan: «Tɔkɔrɔ, maw ddee ngɔsi baa.» Amɛnn! Ə-ddee, Əbbə-dəwje Jeju!

Apokalisi 22:7

Jeju pa nan: «Oo, maw ddee ngɔsi baa ngaa. Rɔ-nəəl to lə dəwje kə̂ aw ngəmje tarje kə̂ dila mbəre makəturu tə̂ nəənn!»

Apokalisi 3:3

Maji karə ole məi dɔ tar tə̂ kə̂ n̂-pa darəse kə gusu kə̂ ooje nɛ̂n tar le. Ə-ngəm tar le ta ə-turu məi. Bbo ə-ndol ang a, mâ ddee kuwai dɔ jii tə̂ tokə lə nje-bboko. Â gərə gɔl kar kə̂ mâ ddee kɔsi nɛ̂n busu ang.

Apokalisi 4:10

tɔkəje kə̂ dɔjoo gire sɔ le ɔsuje məkəjə-gɔlde nɔɛ̂n tə̂, ne kə̂ nisi ngende-mbay tə̂ le, n̂-walɛ̂je nɛ̂n, ne kə̂ nisi kə ndɔ kə ndɔ le. Dunguje əjɔkudɔje ləde nɔn ngende-mbay tə̂ le ngaâ n̂-paje nan:

Apokalisi 4:4

Marə ngende-mbayje dɔjoo gire sɔ gukuje dɔ ngende-mbay le ngaâ tɔkəje dɔjoo gire sɔ isije dɔɛ tə̂ kâra kâra tɔyn. Dulaje kubbu kə̂ nda ngaâ dundaje əjɔkudɔ kə̂ n̂-dda kə andə-narɛ dɔde tə̂.