Apokalisi 22:9 - Dɔnɔn kə̂ Siki: Tar kə̂ aw arə təbbə

⁹ A n̂-pa narəm nan: «Ə-dda nɛ̂ɛnn ang! M-to nje-kula mari kə nje-kula mar ngakɔinje kə̂ toje to njê-kilaje mbər tar lə Lubba kə nje-kula mar dəwje kə̂ ngəmje tarje kə̂ makəturu tə̂ nəənn. Lubba â maji karə ə-pole.»

Maketuru le Lubba ke tar kabba

⁹ A n̂-pa narem na: «E-dda neenn ang! M-to nje-kula mari, ke nje-kula mare ngakɔinje ke toje to nje-kilaje mber-tar le Lubba, ke nje-kula mare dewje ke ngemje tarje ke maketuru te neenn. Lubba a maji kare e-pole.»

Apokalisi 22:9 ပူးပေါင်းရင်းမြစ်များ

Matiye 4:9

ngaâ pa arɛ̂ nan: «Bbo ɔsu gɔli nɔnʼm tə̂ ngaâ ə-polom a, mâ kari nɛ̂nje nəənn tɔyn.»

Luku 4:7

Bbo ɔsu nɔin nangə̂ nɔnʼm tə̂ a, nɛ̂njeenn tɔyn a toje to ləi.»

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.

Apokalisi 1:1

Makəturu nəənn pa tar dɔ nɛ̂nje tə̂ kə̂ Lubba arə Jeju-Kristə tɔju Jan, karə n̂-tɔju njê-kulaje laa karə n̂-gərəje nɛ̂n kə̂ nayn ngɔsi baa ta ddee. Kristə ula anjə laa arə nje-kula laa Jan karə tɔjɛ̂ nɛ̂njeenn le karə n̂-gərə.

Apokalisi 1:11

Ndu le pa nan: «Nɛ̂n kə̂ aw oo nəənn, ə-dda makəturu tə̂ ta ula nɛ̂n arə Egilisije kə̂ siri nəənn: Ula nɛ̂n arə Egilisi kə̂ Epɛjə, Ismirnə, Pɛrgam, Tiyatir, Sardə, Piladɛlpi kə Lawodise.»

Apokalisi 14:7

Anjə le pa tar kə singa nan: «Ə-bbəəlje Lubba, ɔsuje gajɛ̂! Mba kar kə̂ nâ gangə nɛ̂n sariya dɔ dəwje tə̂ asə ngaa. Ə-poloje nje-dda dara kə nangə kə ba-katə kə ddutu dɔ maannje.»

Apokalisi 15:4

Əbbə-dəwje, nân bba a bbəəl rii ang ngaâ a kɔsu gaji rii ang wa? Mba əi kâra baa â ə-maji tɔyn. Gəl-dəwje tɔyn a ddee kɔsuje məkəjə-gɔlde nangə̂ nɔin tə̂, mba dede tɔyn dooje nɛ̂n-ddaje ləi kə̂ gatə gatə.»

Apokalisi 19:10

M-tee moso kɔ gɔlɛ̂ tə̂ ta pole, a n̂-pa narəm nan: «Ə-dda nɛ̂ɛnn ang! M-to nje-kula mari ddəm nje-kula mar ngakɔinje kə̂ aw ngəmje tar-najije lə Jeju ddəm. Lubba â maji karə ə-pole!» Tar-najije lə Jeju toje to tarje kə̂ ddeeje dɔ njê-kilaje mbər tarje tə̂ lə Lubba bba aw paje.

Apokalisi 22:10

Goe tə̂ a, n̂-pa narəm nan: «Ə-kusu tarje lə Lubba kə̂ dila mbəre makəturu tə̂ nəənn ang. Mba kar nayn ngɔsi baa ngaa.

Apokalisi 22:18

Əman Jan, m-pa marə dəwje tɔyn kə̂ oo tarje lə Lubba kə̂ dila mbəre makəturu tə̂ nəənn: Bbo dəw ila marə tar dɔɛ tə̂ a, Lubba a karə nɛ̂n kəm-to-ndooje kə̂ n̂-pa tarɛ̂ makəturu tə̂ nəənn oso dɔɛ̂ tə̂.

Apokalisi 22:7

Jeju pa nan: «Oo, maw ddee ngɔsi baa ngaa. Rɔ-nəəl to lə dəwje kə̂ aw ngəmje tarje kə̂ dila mbəre makəturu tə̂ nəənn!»

Apokalisi 4:10

tɔkəje kə̂ dɔjoo gire sɔ le ɔsuje məkəjə-gɔlde nɔɛ̂n tə̂, ne kə̂ nisi ngende-mbay tə̂ le, n̂-walɛ̂je nɛ̂n, ne kə̂ nisi kə ndɔ kə ndɔ le. Dunguje əjɔkudɔje ləde nɔn ngende-mbay tə̂ le ngaâ n̂-paje nan:

Apokalisi 9:20

A kəsə dəwje kə̂ nɛ̂n kəm-to-ndooje nəənn le tɔljede ang le inyaje ddəw polo kɔrje kə̂ n̂-ddaje kə jide njaa le ang. N̂-naynje daw poloje ndilje kə̂ maji ang, daw poloje kɔrje kə̂ n̂-ddaje kə andə kə narɛ kə tungu kə ər kə kakə. Kɔrje kə̂ aw ooje lo ang ddəm aw ooje tar ang ddəm aw njaje ang ddəm le.