Apokalisi 22:17 - Dɔnɔn kə̂ Siki: Tar kə̂ aw arə təbbə

¹⁷ Ndil de kə dɛnɛ̂n kə̂ nje-ngaw le n̂-paje nan: «Ə-ddee!» Maji karə dəw kə̂ oo tar nəənn pa tɔ nan: «Ə-ddee!» Maji karə dəw kə̂ kunda ɔɛ̂n ddee. Dəw kə̂ ndiki a, taa maann kə̂ aw arə təbbə dəw le baa njaa ay!

Maketuru le Lubba ke tar kabba

¹⁷ Ndil de ke dene ke nje-ngaw le, n̂-paje na: «E-ddee!» Maji kare dew ke oo tar neenn pa tɔ na: «E-ddee!» Maji kare dew ke kunda ɔen ddee. Dew ke ndiki a, taa maann ke aw are tebbe dew le baa njaa ay!

Apokalisi 22:17 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 1:37

Njê-njaje go Jan tə̂ kə̂ joo le ooje tar le ngaâ unnje go Jeju.

Tar kə̂ Maji kə̂ Jan dda makəturu tə̂ 4:10

Jeju ilɛ̂ tə̂ nan: «Bbo ə-gərə nɛ̂n kə̂ Lubba aw arə dəw ngaâ bbo ə-gərə dəw kə̂ aw duji maann-kay nəənn a, əi â, â duje maann-kay, ta nâ kari maann kə̂ aw arə təbbə.»

Tar kə̂ Maji kə̂ Jan dda makəturu tə̂ 4:11

Dɛnɛ̂n le pa arɛ̂ nan: «Əbbəmje, ee kə marə nɛ̂n kâra ta to nɛ̂n maann ang ddəm ngaâ buwa-maann le uru nya, a â kinga maann kə̂ aw arə təbbə le dda wa?

Tar kə̂ Maji kə̂ Jan dda makəturu tə̂ 4:14

A dəw kə̂ a kay maann kə̂ mâ karɛ̂, kunda a kɔɛ̂n ndɔ kâra ang ngaa. Maann kə̂ mâ karɛ̂ le a təl to kəy-maann kə̂ aw arə təbbə kə̂ to kə ndɔ kə ndɔ.»

Tar kə̂ Maji kə̂ Jan dda makəturu tə̂ 4:29

«Ə-ddeeje ooje dingaw kə̂ pa tar nɛ̂nje tɔyn kə̂ m-dda arəm nəənn. A du ang, ne â n̂-to Mesi le!»

Tar kə̂ Maji kə̂ Jan dda makəturu tə̂ 7:37

Ddutu ndɔ kusu tə̂ kə̂ to ndɔ kə̂ ngəng nya njaa, Jeju ar taar ngaâ pa nan: «Bbo kunda ɔn marə dəw a, maji karə n̂-ddee rɔm tə̂, nay maann.

Rɔmɛnje 3:24

Dəwje ukaje marə nɛ̂n ang ddəm a ddəw mə-maji tə̂ lə Lubba, n̂-dda narə n̂-ddeeje gatə gatə ddəw tə̂ lə Jeju-Kristə kə̂ ɔrude mə majang tə̂ kə ddang.

1 Kɔrɛntinyɛje 2:12

Jeje, ndil kə duninya tə̂ nəənn â jingaje ang, Ndil kə̂ in rɔ Lubba tə̂ â jingaje. Baann bba ja gərəje nɛ̂n kə̂ Lubba arəje ddəw mə-maji tə̂ laa.

Apokalisi 14:13

Moo marə ndu kə̂ in darâ pa arəm nan: «Uja tar nəənn makəturu tə̂: ‹Maji arəde, de dəwje kə̂ n̂-naynje ddəw tə̂ lə Əbbə-dəwje ndərəng doyje nɛ̂n bbasinɛn nəənn.› Ndil-mə-nda pa nan: ‹Tɔkɔrɔ njaa, maji karə duwaje rɔde go kula tə̂ kə̂ ngəng kə̂ n̂-ddaje, mba kulaje kə̂ n̂-ddaje a kunn gode.› »

Apokalisi 2:7

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. «Dəw kə̂ tətə ddɔ a, mâ karɛ̂ kandə kakə kə̂ aw arə dəw təbbə karə nusa. Kakə le to mə paradis tə̂ lə Lubba.»

Apokalisi 21:2

Ngaâ moo tɔkə bbe kə̂ maji tɔyn kə̂ to Jerujalɛm kə̂ siki kə̂ in rɔ Lubba tə̂ darâ aw ddisi. Tɔkə bbe le to tokə lə dɛnɛ̂n kə̂ dda mandə ngaâ ar dɔgɔlɛ̂ tə̂ aw nginan ngawɛ̂je.

Apokalisi 21:6

Ngaâ n̂-pa narəm nan: «Bbayɛ̂ ngaa! M-to Alpa kə Omega, m-to kunn-kutu nɛ̂n ddəm dɔbɔyn nɛ̂n ddəm. Dəw kə̂ kunda ɔɛ̂n a, əman, mâ karɛ̂ maann kə̂ aw arə təbbə nay baa. To maann kə̂ aw in mə nangə tə̂ aw tee.

Apokalisi 21:9

Goe tə̂ a, anjə kâra horo njê kə̂ siri tə̂ kə̂ uwaje əngo nɛ̂n kəm-to-ndooje kə̂ siri jide tə̂ le ddee pa arəm nan: «Ə-ddee arə m-tɔji nje-ngaw le, dɛnɛ̂n lə Ngonn batə le.»

Apokalisi 22:1

Goe tə̂ a, anjə le tɔjum ba kə̂ maannɛ̂ aw arə təbbə dəw, kəmɛ̂ arɛ yərərə. Maann le ubba ngende-mbay tə̂ lə Lubba de kə Ngonn batə le aw tee

Apokalisi 22:16

«Əman Jeju, mula anjə ləm karə pa tar-najije nəənn tɔyn arəse mə Egilisije tə̂. M-to dəw kə̂ gəl nuju tə̂ lə Dabbiti. M-to əndɛtɛrɛndɛn kə̂ ta lo-karɛ tə̂ kə̂ ndoko nya.»

Apokalisi 7:17

Mba ngonn batə kə̂ ee dɔ ngende-mbay tə̂ le a ngəmde tokə lə nɛ̂n-kuulje ngaâ nâ kaw kə de loje tə̂ kə̂ maannje kə̂ aw arə təbbə inje kə tə̂ bba aw teeje. Ngaâ Lubba a bɔru maann-nɔn kəmde tə̂ tɔyn.»