Apokalisi 22:11 - Dɔnɔn kə̂ Siki: Tar kə̂ aw arə təbbə

¹¹ Maji karə dəw kə̂ to gatə gatə ang, to gatə gatə ang kə kete kete bbay. Ngaâ nje-nɛ̂n-yərəw ddee to nje-nɛ̂n-yərəw kə kete kete bbay. A maji karə dəw kə̂ to gatə gatə dda nɛ̂n kə̂ gatə gatə kə kete kete bbay. Ngaâ maji karə dəw kə̂ sangə rɔɛ̂ mba Lubba, sangə rɔɛ̂ kə kete kete bbay.»

Maketuru le Lubba ke tar kabba

¹¹ Maji kare dew ke to gate gate ang, to gate gate ang ke kete kete bbay. Ngaa, nje-ne-yerew ddee to nje-ne-yerew ke kete kete bbay. A maji kare dew ke to gate gate, dda ne ke gate gate ke kete kete bbay. Ngaa maji kare dew ke sange rɔe mba Lubba a, sange rɔe ke kete kete bbay.»

Apokalisi 22:11 ပူးပေါင်းရင်းမြစ်များ

Matiye 15:14

Inyajede. N̂-toje to njê-kəm-tɔje kə̂ aw ilaje kakə ji njê-kəm-tɔje marədəje tə̂. Bbo nje-kəm-tɔ ila kakə ji nje-kəm-tɔ marɛ̂ tə̂ a, dede joo kəm dâ kosoje mə buwa tə̂.»

Matiye 21:19

Noo marə kakə pigə kə̂ ar mbɔr ddəw tə̂ ngɔsi ngaâ naw ngɔsi kə kakə le a, kamɛ̂ dɔrɔ â noo. Yeenn bba, n̂-pa narə kakə le nan: «A kandə ndɔ kâra ang ngaa.» A karɛ̂ tə̂ənn njaa kakə le oy njan.

Matiye 25:10

Kar tə̂ kə̂ dawje ta ndoko a, nje-taa dɛnɛ̂n le tee. Njê kə̂ gɔlje rɔde kete le andəje saa kəy kusu taa-naan tə̂ ngaâ dutu ta-kəy le.

Matiye 5:45

Yeenn bba â toje to ngann lə Bɔsese kə̂ isi darâ. Mba narə kar laa aw ɔsu dɔ dəwje tə̂ kə̂ majije ang ddəm dɔ dəwje tə̂ kə̂ majije ddəm. Naw narə ndi aw ərə dɔ dəwje tə̂ kə̂ toje gatə gatə ddəm dɔ dəwje tə̂ kə̂ toje gatə gatə ang ddəm.

Matiye 5:6

Maji arəse, see dəwje kə̂ bbo nɛ̂n-dda kə̂ gatə gatə ddase nya, mba Lubba a karəse nɛ̂n kə̂ məse ndiki.

Tar kə̂ Maji kə̂ Jan dda makəturu tə̂ 8:21

Jeju pa arəde bbay nan: «Mâ kaw ngaâ â sangəmje, a â koyje mə majang tə̂ ləse. Asəje ta kaw lo tə̂ kə̂ maw maw kə tə̂ le ang.»

Epɛjinyɛje 5:27

N̂-ndiki karə Egilisi le tee ar nɔɛ̂n tə̂ kura, nɛ̂n-yərəw ɔru ang ddəm kəmɛ̂ ayn mbara ang ddəm marə nɛ̂n tuju tə̂ ang ddəm. N̂-ndiki karə Egilisi laa le to nɛ̂n kə̂ maji tɔyn ngaâ marə tar to dɔɛ tə̂ ang.

Kolosinyɛje 1:22

A bbasinɛn, Lubba unguse naan tə̂ saa ddəw koy tə̂ lə Ngonnɛ̂ kə̂ unn da-rɔ dəw ngaâ oo ndoo. N̂-dda baann bba karə ə-ddeeje maji kəmɛ̂ tə̂, karə nɛ̂n kâra tuju rɔse tə̂ ang, karə tar kâra to dɔse tə̂ ang.

2 Timɔte 3:13

A dəwje kə̂ məde maji ang kə njê-kərə dəwje, dâ ddaje majang kə kete kete, dâ kərəje dəwje ngaâ dede njaa kara dəwje a kərəjede tɔ.

Judə 1:24

Maji karə piti, tɔkə-mbangə, singa-mɔngu kə kɔn-mbay to lə Lubba kə̂ kâra baa kə ndɔ kə ndɔ. Ne kə̂ narə Əbbəjeje Jeju-Kristə ajije, Ne kə̂ nasə ta ngəmje karə joso mə majang tə̂ ang, nâ dda karə jar nɔɛ̂n tə̂ kə nɛ̂n-yərəw kâra ang, a jar nɔɛ̂n tə̂ kə rɔ-nəəl ndɔ pitii tə̂ laa. Amɛnn!

Apokalisi 16:21

Kɔjuje kə̂ ngɔnguje nya ngaâ ɔɔyje asə nɛ̂n kə̂ kilo dɔsɔ inje darâ gaynje dɔ dəwje tə̂ ngaâ dəwje le tajije ri Lubba mba nɛ̂n ndoo kə̂ kɔju le dda kə̂ de le, mba to nɛ̂n kəm-to-ndoo kə̂ to bbəəl nya.

Apokalisi 22:3

Marə nɛ̂n kə̂ ndu-ndɔɔl lə Lubba a to dɔɛ̂ tə̂ a to ang ngaa. Ngende-mbay lə Lubba kə lə Ngonn batə a toje mə bbe tə̂ le. Njê-kulaje lə Lubba a poleje.