Apokalisi 22:1 - Dɔnɔn kə̂ Siki: Tar kə̂ aw arə təbbə

¹ Goe tə̂ a, anjə le tɔjum ba kə̂ maannɛ̂ aw arə təbbə dəw, kəmɛ̂ arɛ yərərə. Maann le ubba ngende-mbay tə̂ lə Lubba de kə Ngonn batə le aw tee

Maketuru le Lubba ke tar kabba

¹ Goe te a, anji le tɔjum ba ke maanne aw are tebbe dew, keme are yerere. Maann le ubba ngende-mbay te le Lubba de ke Ngonn bate le aw tee,

Apokalisi 22:1 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 13:32

[Lubba inga piti ddəw tə̂ lə Ngonn] Yeenn a, Ngonn a kinga piti lə Lubba tɔ. Mbɔr ang baa a, nâ kinga piti le.

Tar kə̂ Maji kə̂ Jan dda makəturu tə̂ 15:26

«Lubba a karə mula kə Nje-kumanse marəse. N̂-to Ndil tar kə̂ tɔkɔrɔ kə̂ in rɔ Bɔ tə̂ bba ddee. Nâ kɔru naji ləm.

Tar kə̂ Maji kə̂ Jan dda makəturu tə̂ 4:14

A dəw kə̂ a kay maann kə̂ mâ karɛ̂, kunda a kɔɛ̂n ndɔ kâra ang ngaa. Maann kə̂ mâ karɛ̂ le a təl to kəy-maann kə̂ aw arə təbbə kə̂ to kə ndɔ kə ndɔ.»

Kulaje 2:33

Lubba unnɛ̂ undɛ̂ dɔ ji-kɔlɛ̂ tə̂ darâ. Ninga Ndil-mə-nda kə̂ Bɔ unn ndue ta karə le ngaâ n̂-sanrɛ Ndil le dɔje tə̂ ddəw kâra baa tokə aw ooje kə kəmse ddəm kə mbise ddəm nəənn.

Apokalisi 1:1

Makəturu nəənn pa tar dɔ nɛ̂nje tə̂ kə̂ Lubba arə Jeju-Kristə tɔju Jan, karə n̂-tɔju njê-kulaje laa karə n̂-gərəje nɛ̂n kə̂ nayn ngɔsi baa ta ddee. Kristə ula anjə laa arə nje-kula laa Jan karə tɔjɛ̂ nɛ̂njeenn le karə n̂-gərə.

Apokalisi 21:11

Ndoko lə Lubba dda arə Jerujalɛm le ndɔnrɛn. Ndɔnrɛn laa le tokə ndɔnrɛn lə kɔr ər kə̂ gatɛ̂ ngəng kə lə kɔr ər kə̂ ria nan jaspə kə̂ arɛ yərərə.

Apokalisi 21:6

Ngaâ n̂-pa narəm nan: «Bbayɛ̂ ngaa! M-to Alpa kə Omega, m-to kunn-kutu nɛ̂n ddəm dɔbɔyn nɛ̂n ddəm. Dəw kə̂ kunda ɔɛ̂n a, əman, mâ karɛ̂ maann kə̂ aw arə təbbə nay baa. To maann kə̂ aw in mə nangə tə̂ aw tee.

Apokalisi 21:9

Goe tə̂ a, anjə kâra horo njê kə̂ siri tə̂ kə̂ uwaje əngo nɛ̂n kəm-to-ndooje kə̂ siri jide tə̂ le ddee pa arəm nan: «Ə-ddee arə m-tɔji nje-ngaw le, dɛnɛ̂n lə Ngonn batə le.»

Apokalisi 22:17

Ndil de kə dɛnɛ̂n kə̂ nje-ngaw le n̂-paje nan: «Ə-ddee!» Maji karə dəw kə̂ oo tar nəənn pa tɔ nan: «Ə-ddee!» Maji karə dəw kə̂ kunda ɔɛ̂n ddee. Dəw kə̂ ndiki a, taa maann kə̂ aw arə təbbə dəw le baa njaa ay!

Apokalisi 22:6

Goe tə̂ a, anjə le pa arəm nan: «Tarje nəənn to tarje kə̂ tɔkɔrɔ ngaâ asə karə dəw unda məɛ̂ dɔɛ tə̂. Əbbə-dəwje Lubba kə̂ arə Ndil laa ddee dɔ njê-kilaje mbər tar tə̂ laa ula anjə laa karə tɔju njê-kulaje laa nɛ̂n kə̂ nayn ngɔsi baa ta ddee.»

Apokalisi 3:21

Dəw kə̂ tətə ddɔ a, mâ karɛ ddəw karə nisi səm dɔ ngende-mbay tə̂ ləm tokə m-tətə ddɔ ngaâ maw misi kə Bɔmje dɔ ngende-mbay tə̂ laa le.

Apokalisi 5:13

Moo ndu nɛ̂nje tɔyn kə̂ Lubba ddade ngaâ toje mə dara tə̂, dɔ nangə tə̂, gəl nangə tə̂, dɔ ba-katə tə̂ kə mə ba-katə tə̂. Dɔsuje pa nan: «Maji karə piti, ndɔy-ri, kɔsu gaji kə singa-mɔngu, toje to lə ne kə̂ nisi ngende-mbay tə̂ le ddəm Ngonn batə le ddəm kə ndɔ kə ndɔ!»

Apokalisi 5:6

Maa lo ngaâ moo marə Ngonn batə ar dannâ mbɔr ngende-mbay tə̂ le, horo nɛ̂nje tə̂ sɔ kə̂ toje kəm baa le kə horo tɔkəje tə̂ le. Ngonn batə le ar tokə batə kə̂ n̂-tɔlɛ̂ mban to nɛ̂n-polo. Gajɛ̂ ee siri ngaâ kəmɛ̂ ee siri tɔ. Kəmɛ̂ kə̂ siri le toje to ndilje lə Lubba kə̂ siri kə̂ Lubba ulade dɔ nangə tə̂ tɔyn le.

Apokalisi 7:17

Mba ngonn batə kə̂ ee dɔ ngende-mbay tə̂ le a ngəmde tokə lə nɛ̂n-kuulje ngaâ nâ kaw kə de loje tə̂ kə̂ maannje kə̂ aw arə təbbə inje kə tə̂ bba aw teeje. Ngaâ Lubba a bɔru maann-nɔn kəmde tə̂ tɔyn.»