Apokalisi 21:8 - Dɔnɔn kə̂ Siki: Tar kə̂ aw arə təbbə

⁸ A njê-bbəəlje, njê kə̂ tusuje mə-kunn inyaje, njê-nɛ̂n-ddaje kə̂ maji ang, njê-tɔlje dəwje, njê-ddaje lo-to-majang, njê-maalje, njê-poloje kɔr kə njê-ngəmje tɔyn, lo ləde to mə ndakə puru kə supərə tə̂. Yeenn to yo kə̂ gɔl joo laa.»

Maketuru le Lubba ke tar kabba

⁸ A nje-bbeelje, nje ke tusuje me-kunn inyaje, nje-ne-ddaje ke maji ang, nje-tɔl dewje, nje-ddaje lo-to-majang, nje-kumaje, nje-poloje kɔr, ke nje-ngemje tɔyn, lo lede to me ndake puru ke supere to me te. Yeenn to yo ke gɔl joo laa.

Apokalisi 21:8 ပူးပေါင်းရင်းမြစ်များ

Matiye 10:28

Dəwje kə̂ da-rɔ dəw â a kasəje ta tɔl bbo kəwn lə dəw ang, ə-bbəəljede ang. Lubba â maji karə ə-bbəəleje. Ne â nasə ta dda karə kəwn lə dəw ddəm da-rɔ dəw ddəm gotoje kə ddang kəm puru tə̂ kə̂ aw ɔn kə ndɔ kə ndɔ.

Matiye 25:25

M-bbəəl arə maw miya kandə narɛ ləi le mə buwa tə̂. Ye â nəənn, ə-taa.›

Matiye 8:26

Jeju ilade tə̂ nan: «Mba ddi bba bbəəl uta dɔse wa? See njê kə̂ mə-kunn ləse ngaji baa.» Yeenn ngaâ nin taar, n̂-ndangə ləl le ddəm maann le ddəm ngaâ lo təl to ddekeke.

Marke 9:44

Lo tə̂ənn kore kə̂ aw ɔn dəw oy ang ddəm puru kə̂ aw ɔn oy ang ddəm.]

Tar kə̂ Maji kə̂ Jan dda makəturu tə̂ 8:44

Bɔsese to əsu le arə ə-ndikije ta dda nɛ̂n kə̂ bɔsese ndiki. N̂-to nje-tɔl dəwje kunn-kutu nɛ̂n tə̂ nu. Nar dɔ tar tə̂ kə̂ tɔkɔrɔ ndɔ kâra ang, mba tar kə̂ tɔkɔrɔ to məɛ̂ tə̂ ang. Bbo naw nərə ngəm a, to tarje kə̂ inje məɛ̂ tə̂ njaa â naw pa. Mba n̂-to nje-ngəm ddəm n̂-to bɔ ngəm ddəm.

2 Tesalonisinyɛje 2:9

Satan a karə singa-mɔngu nje-mə-majang le bba a ddee nɛ̂n. Nâ dda nɛ̂n-mɔrije dang dang tɔyn kə nɛ̂nje kə̂ dum dɔ koo ta kərə nɛ̂n dəwje.

1 Timɔte 4:2

Dəwjeenn le ndəəmje ddəw mba dəwje kə̂ toje to njê-ngəmje, dede kə̂ tar kə̂ tade tə̂ to dang kə kula-ddade le. Kəjə-tar ləde to kə dɔgɔlɛ̂ ang tokə nɛ̂n kə dula nɛ̂n poro darə kasɛ bba dɔru nɛ̂n kəjə ləde le.

Titə 1:16

N̂-paje nan n̂-gərəje Lubba, a kula-ddade tɔju to n̂-gərəje Lubba ang. N̂-majije ang, n̂-toje to njê-dɔ-ngəngje, dasəje ta dda kula kə̂ maji kâra ang.

Ebərəje 12:24

Ə-ddeeje ngɔsi mban kə Jeju kə̂ to nje-gɔl-tar dɔnɔn kə̂ siki ddəm ngɔsi kə məsə Jeju kə̂ kayn nangə̂ ngaâ aw pa tar maji nya uta məsə Abɛl ddəm.

Ebərəje 13:4

Maji karə dingawje kə dɛnɛ̂nje tɔyn bbəəlje go taa-naan ləde ngaâ dəwje kə̂ taaje naan ngəmje rɔde arə naan. Mba Lubba a gangə sariya dɔ njê-kayaje tə̂ kə njê-ddaje lo-to-majang ang tə̂.

1 Jan 2:22

Nân bba to nje-ngəm wa? Nje-ngəm to dəw kə̂ mayn nan Jeju to Kristə ang. Dəw kə̂ baann le to nje-baan lə Kristə. N̂-mbətə Bɔ ddəm Ngonn ddəm.

1 Jan 3:15

Dəw kə̂ mbətə ngokɔɛ̂n to nje-tɔl dəw, a ə-gərəje to nje-tɔl dəw ee kə təbbə kə̂ to kə ndɔ kə ndɔ ang.

1 Jan 5:10

Dəw kə̂ unn məɛ̂ arə Ngonn lə Lubba, tar-naji le to məɛ̂ tə̂. Dəw kə̂ unn məɛ̂ arə Lubba ang, dəw le dda arə Lubba ddee to nje-ngəm, mba nunda mə-kunn laa dɔ tar-naji tə̂ kə̂ Lubba pa dɔ Ngonnɛ̂ tə̂ le ang.

Apokalisi 14:10

ne kara nâ kay bɛn tɔkə wungu lə Lubba, bɛn kə̂ n̂-pole kə maann ang a dungu mə əngo wungu tə̂ laa. Ngaâ nâ koo ndoo kəm puru tə̂ kə kəm supərə tə̂, kəm anjəje tə̂ kə̂ majije tɔyn ddəm kəm Ngonn batə tə̂ ddəm.

Apokalisi 19:20

Duwa da le kə nje-kila mbər tar kə̂ tɔkɔrɔ ang le. Ne kə̂ dda nɛ̂n-mɔrije nɔɛ̂n tə̂ bba nərə nɛ̂n njê kə̂ əndaji da laa to əngo-nɔnde tə̂ ngaâ aw poloje ətaar laa le. Dungude joo kəm, kəm baa ndakə puru supərə tə̂ kə̂ aw ɔn.

Apokalisi 2:11

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. Dəw kə̂ tətə ddɔ a, a koy yo kə̂ gɔl joo laa ang ngaa.»

Apokalisi 2:2

M-gərə kula-ddai, ndoo kə̂ aw oo kə wuri kə̂ aw tɔ. M-gərə to â kasə ta tɔ wuri dɔ njê-mə-majangje tə̂ ang. Dəwje kə̂ aw ddaje rɔde to njê-kaw-kulaje le, ə-nande oo, a n̂-toje to njê-kaw-kulaje ang ngaâ ə-tee kə gəl ngəm ləde kə ddaka.

Apokalisi 21:27

Nɛ̂n-yərəw kâra a kandə mə bbe tə̂ le ang nyɔm. Dəw kə̂ nje-dda nɛ̂n kə̂ asə koo kə kəm ang wase nje-ngəm a kandə mə bbe tə̂ le ang tɔ. Njê kə̂ n̂-dda ride makəturu təbbə tə̂ lə Ngonn batə njaa kə karəde baa â a kandəje mə bbe tə̂ le.

Apokalisi 22:15

See dəwje kə̂ ə-toje tokə lə bisije, njê-maalje kə njê-ddaje lo-to-majang, njê-tɔlje dəwje, njê-poloje kɔr, njê kə̂ ndikije ngəm ddəm aw ərəje ngəm ddəm ə-naynje ddaka nunn.

Apokalisi 9:17

Mə nin tə̂ ləm le, moo sundaje kə njê kə̂ aw aalje sundaje le a, n̂-toje tokə be: Dulaje dɔ-kubbu-ddɔje kə̂ kasɛ tokə lə puru ddəm ndul tokə lə kəm dara ddəm tokə lə supərə ddəm nɔn-gude tə̂. Dɔ sundaje le tokə lə dɔ ənam. Puru kə sa kə supərə in tade tə̂ aw tee.

Apokalisi 9:21

Dinyaje ddəw tɔl dəw ang ddəm ddəw əmbilije ləde ang ddəm ddəw kaya ang ddəm ddəw bbokoje ləde ang ddəm.