Apokalisi 21:6 - Dɔnɔn kə̂ Siki: Tar kə̂ aw arə təbbə

⁶ Ngaâ n̂-pa narəm nan: «Bbayɛ̂ ngaa! M-to Alpa kə Omega, m-to kunn-kutu nɛ̂n ddəm dɔbɔyn nɛ̂n ddəm. Dəw kə̂ kunda ɔɛ̂n a, əman, mâ karɛ̂ maann kə̂ aw arə təbbə nay baa. To maann kə̂ aw in mə nangə tə̂ aw tee.

Maketuru le Lubba ke tar kabba

⁶ Ngaa n̂-pa narem na: «Bbaye ngaa! M-to Alpa, ke Omega, m-to kunn kutu ne ddem, dɔbɔyn ne ddem. Dew ke kunda ɔen a, ema, ma kare maann ke aw are tebbe nay baa. To maann ke aw in me nange te aw tee.

Apokalisi 21:6 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 4:10

Jeju ilɛ̂ tə̂ nan: «Bbo ə-gərə nɛ̂n kə̂ Lubba aw arə dəw ngaâ bbo ə-gərə dəw kə̂ aw duji maann-kay nəənn a, əi â, â duje maann-kay, ta nâ kari maann kə̂ aw arə təbbə.»

Tar kə̂ Maji kə̂ Jan dda makəturu tə̂ 4:11

Dɛnɛ̂n le pa arɛ̂ nan: «Əbbəmje, ee kə marə nɛ̂n kâra ta to nɛ̂n maann ang ddəm ngaâ buwa-maann le uru nya, a â kinga maann kə̂ aw arə təbbə le dda wa?

Tar kə̂ Maji kə̂ Jan dda makəturu tə̂ 4:14

A dəw kə̂ a kay maann kə̂ mâ karɛ̂, kunda a kɔɛ̂n ndɔ kâra ang ngaa. Maann kə̂ mâ karɛ̂ le a təl to kəy-maann kə̂ aw arə təbbə kə̂ to kə ndɔ kə ndɔ.»

Rɔmɛnje 3:24

Dəwje ukaje marə nɛ̂n ang ddəm a ddəw mə-maji tə̂ lə Lubba, n̂-dda narə n̂-ddeeje gatə gatə ddəw tə̂ lə Jeju-Kristə kə̂ ɔrude mə majang tə̂ kə ddang.

Rɔmɛnje 8:32

Lubba kə̂ ɔku Ngonnɛ̂ ang, a unnɛ̂ ulɛ̂ ji dəwje tə̂ arə tɔlɛ̂ mba tar ləje tɔyn le a karəje nɛ̂n tɔyn kâra baa kə ngonnɛ̂ le ang tokə baânn wa?

1 Kɔrɛntinyɛje 2:12

Jeje, ndil kə duninya tə̂ nəənn â jingaje ang, Ndil kə̂ in rɔ Lubba tə̂ â jingaje. Baann bba ja gərəje nɛ̂n kə̂ Lubba arəje ddəw mə-maji tə̂ laa.

1 Kɔrɛntinyɛje 3:12

Bbo marə dəw ɔsu kəy dɔ gɔl kəy tə̂ le kə andə wase narɛ wase ər wase kakə kə muje dang dang a,

1 Kɔrɛntinyɛje 3:21

Yeenn a, maji karə dəw unda gue mba marə dəw ang. Mba nɛ̂nje tɔyn to nɛ̂nje ləse.

1 Kɔrɛntinyɛje 3:5

Apolos to nân wa? Pɔl to nân wa? N̂-toje to njê-kulaje lə Lubba baa kə̂ ooje məse tə̂ ddəw tə̂ ləde. Nân nân kara dda kula ddəw gusu tə̂ kə̂ Əbbə-dəwje arɛ̂.

Apokalisi 1:11

Ndu le pa nan: «Nɛ̂n kə̂ aw oo nəənn, ə-dda makəturu tə̂ ta ula nɛ̂n arə Egilisije kə̂ siri nəənn: Ula nɛ̂n arə Egilisi kə̂ Epɛjə, Ismirnə, Pɛrgam, Tiyatir, Sardə, Piladɛlpi kə Lawodise.»

Apokalisi 1:17

Mooe a, m-tee moso kɔ gɔlɛ̂ tə̂ tokə dəw kə̂ oy. A nila jia kə̂ kɔl dɔm tə̂ ngaâ n̂-pa nan: «Ə-bbəəl ang, m-to dɔngɔr dəw ddəm dɔbɔyn dəw ddəm.

Apokalisi 1:8

Əbbə-dəwje Lubba pa nan: «M-to Alpa ddəm Omega ddəm. M-to ne kə̂ n̂-to bbokənɛn, ne kə̂ n̂-to ləw kə ne kə̂ naw ddee. M-to nje-singa-mɔngu.»

Apokalisi 10:6

ngaâ nunda yo kə ri Lubba kə̂ nje-kisi kə ndɔ kə ndɔ, ne kə̂ n̂-dda dara kə nɛ̂nje tɔyn kə̂ toje tə̂, nangə kə nɛ̂nje tɔyn kə̂ toje tə̂, ba-katə kə nɛ̂nje tɔyn kə̂ toje tə̂. Anjə le pa nan: «Kar asə ngaa.

Apokalisi 16:17

Anjə kə̂ to siri laa mbəl wungu kə̂ mə əngo tə̂ laa mə ləl tə̂. Marə ndu bbar kə singa ngende-mbay tə̂ kə̂ kəy-polo Lubba tə̂ le nan: «Bbayɛ̂ ngaa!»

Apokalisi 22:13

M-to Alpa kə Omega. M-to dɔngɔr dəw ddəm dɔbɔyn dəw ddəm. M-to kunn-kutu nɛ̂n ddəm kɔsu kɔyn nɛ̂n ddəm.»

Apokalisi 22:17

Ndil de kə dɛnɛ̂n kə̂ nje-ngaw le n̂-paje nan: «Ə-ddee!» Maji karə dəw kə̂ oo tar nəənn pa tɔ nan: «Ə-ddee!» Maji karə dəw kə̂ kunda ɔɛ̂n ddee. Dəw kə̂ ndiki a, taa maann kə̂ aw arə təbbə dəw le baa njaa ay!

Apokalisi 3:14

«Ə-dda makəturu ula nɛ̂n arə anjə kə̂ ee Egilisi tə̂ kə̂ Lawodise ə-pa nan: «Tar kə̂ Dəw kə̂ ria nan Amɛnn, ne kə̂ n̂-to nje-tar-naji kə̂ gatə gatə ddəm kə̂ tɔkɔrɔ ddəm ne kə̂ nee kunn-kutu nɛ̂nje tə̂ kə̂ Lubba dda n̂-pa â nəənn:

Apokalisi 7:17

Mba ngonn batə kə̂ ee dɔ ngende-mbay tə̂ le a ngəmde tokə lə nɛ̂n-kuulje ngaâ nâ kaw kə de loje tə̂ kə̂ maannje kə̂ aw arə təbbə inje kə tə̂ bba aw teeje. Ngaâ Lubba a bɔru maann-nɔn kəmde tə̂ tɔyn.»