Apokalisi 21:27 - Dɔnɔn kə̂ Siki: Tar kə̂ aw arə təbbə

²⁷ Nɛ̂n-yərəw kâra a kandə mə bbe tə̂ le ang nyɔm. Dəw kə̂ nje-dda nɛ̂n kə̂ asə koo kə kəm ang wase nje-ngəm a kandə mə bbe tə̂ le ang tɔ. Njê kə̂ n̂-dda ride makəturu təbbə tə̂ lə Ngonn batə njaa kə karəde baa â a kandəje mə bbe tə̂ le.

Maketuru le Lubba ke tar kabba

²⁷ Ne-yerew kara a kande me bbe te le ang nyɔm. Dew ke nje-dda ne ke ase koo ke kem ang, wase nje-ngem a kande me bbe te le ang tɔ. Nje ke n̂-dda ride maketutu tebbe te le Ngonn bate njaa ke karede baa a, a kandeje me bbe te le.

Apokalisi 21:27 ပူးပေါင်းရင်းမြစ်များ

Matiye 13:41

Ngonn lə dəw a kula anjəje laa karə n̂-tɔruje dəwje kə̂ aw ddaje arə mə-kunn lə njê-marədeje aw oso kə dəwje kə̂ aw ddaje nɛ̂nje kə̂ maji ang mə Bbe-kɔn tə̂ laa,

Marke 7:2

Daaje a, marə njê-njaje goe tə̂ usaje nɛ̂n kə jide yərəw baa. N̂-tokoje jide ang.

Luku 10:20

Yeenn a, maji karə ndilje kə̂ maji ang kə̂ ulaje dɔde nangə̂ arəse le â ə-ddaje rɔ-nəəle ang. A ə-ddaje rɔ-nəəl mba rise kə̂ Lubba dda mə Makəturu tə̂ darâ.»

Epɛjinyɛje 5:5

Mba maji karə ə-gərəje kə majɛ̂: Dəw kə̂ aw dda kaya, dəw kə̂ aw dda nɛ̂n-yərəw, dəw kə̂ aw unda kəm-nda, mba kunda kəm-nda to polo kɔr. Bbe-kɔn lə Kristə de kə Lubba a to lə dəwje kə̂ baann ang.

Pilipinyɛje 4:3

A əi, kə̂ ə-to nje-buwa-kula marəm kə̂ tɔkɔrɔ, m-duji karə uman dɛnɛ̂nje nəənn le. Mba dumanʼmje darə n-dda ddɔ n-tɔju nɛ̂n Tar kə̂ Maji jarə dəwje, dede kə Kleman kə marə njê-kula marəmje kə ride to makəturu təbbə tə̂.

1 Timɔte 1:10

njê-ddaje lo-to-majang kə dingawje kə̂ aw toje kə dingaw marədeje kə njê-labbəje dəwje to bbərəje kə njê-ngəmje, njê kə̂ aw undaje-yo baa wase dəwje kə̂ ddaje nɛ̂n tɔyn kə̂ to dang kə nɛ̂n-tɔju kə̂ tɔkɔrɔ.

Ebərəje 12:14

Maji karə ə-sangəje ddəw kisi kə mə-wul-lɔm kə dəwje tɔyn. Ngaâ arəje nɛ̂n-yərəw ɔruse ang. Baann ang a, dəw kâra horose tə̂ a koo Əbbə-dəwje ang.

2 Piyɛr 3:13

A jeje, jaw nginanje dara kə̂ siki kə nangə kə̂ siki kə̂ Lubba unn ndue ta dda le. Nɛ̂n-dda kə̂ gatə gatə a to tə̂.

Apokalisi 13:8

Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.

Apokalisi 20:12

Ngaâ moo dəwje kə̂ oyje, njê kə̂ ngaji kə njê kə̂ bo, darje taar nɔn ngende-mbay tə̂ le. N̂-təəyn makəturuje, a n̂-təl n̂-təəyn marə makəturu bbay, to makəturu təbbə. Ngaâ n̂-gangə sariya dɔ dəwje tə̂ kə̂ oyje asə kəm kula-ddade, tokə ye kə̂ n̂-dda makəturuje tə̂ le.

Apokalisi 20:15

Dəw kə̂ dinga ria makəturu təbbə tə̂ le ang a, dilɛ̂ ndakə puru tə̂ le.

Apokalisi 21:8

A njê-bbəəlje, njê kə̂ tusuje mə-kunn inyaje, njê-nɛ̂n-ddaje kə̂ maji ang, njê-tɔlje dəwje, njê-ddaje lo-to-majang, njê-maalje, njê-poloje kɔr kə njê-ngəmje tɔyn, lo ləde to mə ndakə puru kə supərə tə̂. Yeenn to yo kə̂ gɔl joo laa.»

Apokalisi 3:5

Yeenn a, dəwje kə̂ tətəje ddɔ a, dâ kulaje kubbuje kə̂ nda, mâ tuju ride makəturu təbbə tə̂ ndɔ kâra ang. Mâ pa nɔn bɔmje tə̂ kə nɔn anjəje tə̂ laa nan n̂-toje to dəwje ləm.