Apokalisi 21:23 - Dɔnɔn kə̂ Siki: Tar kə̂ aw arə təbbə

²³ Bbe le aw ndiki karə kar ɔsu wase karə nɛyn nda bba karə məɛ̂ ndoko ang. Mba ndoko lə Lubba â aw dda arə məɛ̂ aw ndoko ngaâ Ngonn batə le â to lambe kə̂ mə tɔkə bbe tə̂ le.

Maketuru le Lubba ke tar kabba

²³ Duju kare, kare ɔsu, wase kare neyn nda, bba kare me tɔku bbe le ndoko ang. Mba ndoko le Lubba a aw dda are mee aw ndoko, ngaa Ngonn bate le a to puru ngel me tɔku bbe te le.

Apokalisi 21:23 ပူးပေါင်းရင်းမြစ်များ

Matiye 16:27

Mba Ngonn lə dəw a ddee mə piti tə̂ lə Bɔɛ̂je kə anjəje laa. Nâ kuka dəw kâra kâra asə kula-ddɛɛ̂.

Marke 8:38

Dəw kə̂ dda rɔ-kul ləm kə rɔ-kul tar ləm kəm dəwje tə̂ kə̂ bbokənɛn nəənn, Ngonn lə dəw a dda rɔ-kul laa ndɔ tə̂ kə̂ nâ ddee kə anjəje laa kə̂ majije tɔyn mə piti tə̂ lə Bɔɛ̂je. Mba dəwje kə̂ bbasinɛn nəənn le toje to njê-nɛ̂n-ddaje kə̂ maji ang ddəm dəwje kə̂ pa-nja ləde to kə dannâ ang ddəm.»

Luku 2:32

to lo-karɛ kə̂ a kɔru kəm dəwje kə̂ dɔ nangə tə̂, dəwje kə̂ toje to Jiipije ang ddəm to nɛ̂n kə̂ a kɔsu gaji ngann Ijarayɛlje ddəm.»

Tar kə̂ Maji kə̂ Jan dda makəturu tə̂ 1:14

Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.

Tar kə̂ Maji kə̂ Jan dda makəturu tə̂ 1:18

Dəw kâra oo Lubba ang. A Ngonn-kâra kə̂ to Lubba kə̂ isi mbɔr Bɔɛ̂je tə̂ le dda arə dəwje gəreje.

Tar kə̂ Maji kə̂ Jan dda makəturu tə̂ 1:4

Təbbə to mə Tar tə̂ le ngaâ təbbə le to lo-karɛ lə dəwje.

Tar kə̂ Maji kə̂ Jan dda makəturu tə̂ 1:9

Tar le to lo-karɛ kə̂ tɔkɔrɔ. N̂-ddee dɔ nangə tə̂ ngaâ n̂-ndoko dɔ dəwje tə̂ tɔyn.

Tar kə̂ Maji kə̂ Jan dda makəturu tə̂ 17:24

Bɔy, əi â arəm dəwje le, yeenn bba m-ndiki karə deeje səm lo tə̂ kə̂ mee tə̂. Baann bba karə dooje piti kə̂ ə-pitim, mba ə-ndikim kete bba ə-dda duninya.

Tar kə̂ Maji kə̂ Jan dda makəturu tə̂ 5:23

Yeenn bba karə dəwje tɔyn walje Ngonn le, ddəw kâra baa tokə dəwje tɔyn walje Bɔ. Dəw kə̂ wal Ngonn ang, wal Bɔ kə̂ ulɛ̂ le ang tɔ.

Kulaje 22:11

A lo le ndoko nya arə moo lo ang ngaâ njê-buwa-njaje ləm le uwaje jim to kuwa bba awje səm Damas.»

Apokalisi 14:4

Dede le dulaje rɔde nɛ̂n-yərəw tə̂ ddəw tə̂ lə dɛnɛ̂nje ang, mba n̂-gərəje dɛnɛ̂n ang. Daw dunnje go Ngonn batə le loje tə̂ tɔyn kə̂ naw naw tə̂. Lubba uka dɔde horo dəwje tə̂ karə n̂-ddeeje to dɔngɔr dəwje laa ddəm lə Ngonn batə le ddəm.

Apokalisi 18:1

Goe tə̂ a, moo marə anjə dang in darâ aw ddisi. Nee kə singa kə̂ ngəng ngaâ ndoko laa uru dɔ nangə tə̂.

Apokalisi 21:11

Ndoko lə Lubba dda arə Jerujalɛm le ndɔnrɛn. Ndɔnrɛn laa le tokə ndɔnrɛn lə kɔr ər kə̂ gatɛ̂ ngəng kə lə kɔr ər kə̂ ria nan jaspə kə̂ arɛ yərərə.

Apokalisi 21:25

Ta-ndokoje le a kutuje ndɔ kâra ang, mba lo tə̂ənn til a goto ngaa.

Apokalisi 22:5

Til a goto ngaâ. Dəw a duju puru lambe wase a nginan karə kar ɔsu bba ta koo nɛ̂n lo ang. Mba ndoko lə Əbbə-dəwje Lubba njaa a kuru dɔde tə̂ ngaâ dâ kɔnje mbay bbal kə bbal.

Apokalisi 5:6

Maa lo ngaâ moo marə Ngonn batə ar dannâ mbɔr ngende-mbay tə̂ le, horo nɛ̂nje tə̂ sɔ kə̂ toje kəm baa le kə horo tɔkəje tə̂ le. Ngonn batə le ar tokə batə kə̂ n̂-tɔlɛ̂ mban to nɛ̂n-polo. Gajɛ̂ ee siri ngaâ kəmɛ̂ ee siri tɔ. Kəmɛ̂ kə̂ siri le toje to ndilje lə Lubba kə̂ siri kə̂ Lubba ulade dɔ nangə tə̂ tɔyn le.

Apokalisi 7:17

Mba ngonn batə kə̂ ee dɔ ngende-mbay tə̂ le a ngəmde tokə lə nɛ̂n-kuulje ngaâ nâ kaw kə de loje tə̂ kə̂ maannje kə̂ aw arə təbbə inje kə tə̂ bba aw teeje. Ngaâ Lubba a bɔru maann-nɔn kəmde tə̂ tɔyn.»