Apokalisi 21:2 - Dɔnɔn kə̂ Siki: Tar kə̂ aw arə təbbə

² Ngaâ moo tɔkə bbe kə̂ maji tɔyn kə̂ to Jerujalɛm kə̂ siki kə̂ in rɔ Lubba tə̂ darâ aw ddisi. Tɔkə bbe le to tokə lə dɛnɛ̂n kə̂ dda mandə ngaâ ar dɔgɔlɛ̂ tə̂ aw nginan ngawɛ̂je.

Maketuru le Lubba ke tar kabba

² Ngaa moo tɔku bbe ke maji tɔyn, ke to Jurusalam ke siki ke in rɔ Lubba te darâ aw ddisi. Tɔku bbe le to toke le dene ke dda mande ngaa ar dɔ gɔle te aw ngina ngaweje.

Apokalisi 21:2 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 3:29

Dəw kə̂ ee kə dɛnɛ̂n, to nje-dɛnɛ̂n le. A dəw kə̂ to nje-buwa-kura lə nje-dɛnɛ̂n le isi mbɔrɛ̂ tə̂. Naw noo tar laa ngaâ rɔɛ̂ nəəle nya mba ndue kə̂ naw noo le. Rɔ-nəəl nəənn le to ləm tɔ. To rɔ-nəəl kə̂ bo nya.

2 Kɔrɛntinyɛje 11:2

Maw mayn jangə dɔse tə̂ tokə Lubba aw ayn jangə dɔse tə̂ le. M-dda mɔrɔ ləse marə dingaw kâra baa kə̂ to Kristə. M-ndiki ta ddee kə se nɔɛ̂n tə̂ tokə ngonn mandə kə̂ gərə ngaw ang bbay kə̂ aw ngəm rɔɛ̂.

Ebərəje 11:10

Abaraham aw nginan ta kisi tɔkə bbe tə̂ kə̂ dungu gɔlɛ̂ nangə̂ darə ngəng, kə̂ Lubba â tɔju gusu kə̂ n̂-dda nɛ̂n ddəm Lubba â to nje-ddɛɛ̂ ddəm.

Ebərəje 11:16

A kə̂ tɔkɔrɔ njaa, daw ndikije ta kinga marə bbe kə̂ maji uta ye kə̂ kete le. To bbe kə̂ darâ. Mba yeenn bba, bbo dəw bbar Lubba to Lubba ləde a, rɔ Lubba wul ang. Tɔkɔrɔ njaa n̂-gɔl marə bbe mba tar ləde.

Ebərəje 12:22

A sese, ə-ddeeje ngɔsi kə ddingiri kə̂ Sinyɔ, kə̂ to bbe lə Lubba kə̂ nje-kisi kəm baa, Jerujalɛm kə̂ darâ, kə̂ anjəje toje tə̂ doro doro.

Ebərəje 13:14

Mba, nangə̂ nəənn marə bbe ləje kə̂ a to nyɔm goto arə jaw sangəje bbe kə̂ a to ndɔ tə̂ kə̂ bara.

Apokalisi 1:1

Makəturu nəənn pa tar dɔ nɛ̂nje tə̂ kə̂ Lubba arə Jeju-Kristə tɔju Jan, karə n̂-tɔju njê-kulaje laa karə n̂-gərəje nɛ̂n kə̂ nayn ngɔsi baa ta ddee. Kristə ula anjə laa arə nje-kula laa Jan karə tɔjɛ̂ nɛ̂njeenn le karə n̂-gərə.

Apokalisi 1:4

Əman Jan, mula kə makəturu nəənn marə dəwje kə̂ Egilisije tə̂ siri kə̂ nangə tə̂ kə̂ Aji. Maji karə Lubba kə̂ to bbokənɛn nəənn, kə̂ to ləw, kə̂ aw ddee dda kə se mə-maji ngaâ narə məse wul lɔm. Maji karə ndilje kə̂ siri kə̂ arje nɔn ngende-mbay tə̂ laa ddaje kə se tokə baann.

Apokalisi 1:9

Əman ngokɔnse Jan, moo ndoo kə se kâra baa. Əman kə sese tɔyn n-ddeeje to dəwje kə̂ mə Bbe-kɔn tə̂ lə Jeju ngaâ jaw juwaje jarə ngəng ddəw tə̂ laa. Duwam dulam dɔ dərə-ba tə̂ kə̂ ria nan Patəmos mba tar lə Lubba kə̂ mila mbəre ddəm mba tar-naji lə Jeju kə̂ maw pa ddəm.

Apokalisi 11:2

A inya ndakə lo kə̂ ta kəy-polo tə̂ ddaka bbo ɔju ang. Mba darə ndakə lo le gəl-dəwje kə̂ toje to Jiipije ang. Dâ mbɔynje bbe kə̂ maji tɔyn le kə gɔlde nɛyn dɔsɔ gire joo.

Apokalisi 21:10

Ndil uwam ngaâ anjə le unnum aw səm dɔ ddingiri tə̂ kə̂ bo kə̂ ndəw. N̂-tɔjum Jerujalɛm kə̂ to tɔkə bbe kə̂ maji tɔyn kə̂ in darâ rɔ Lubba tə̂ aw ddisi le.

Apokalisi 21:9

Goe tə̂ a, anjə kâra horo njê kə̂ siri tə̂ kə̂ uwaje əngo nɛ̂n kəm-to-ndooje kə̂ siri jide tə̂ le ddee pa arəm nan: «Ə-ddee arə m-tɔji nje-ngaw le, dɛnɛ̂n lə Ngonn batə le.»

Apokalisi 22:17

Ndil de kə dɛnɛ̂n kə̂ nje-ngaw le n̂-paje nan: «Ə-ddee!» Maji karə dəw kə̂ oo tar nəənn pa tɔ nan: «Ə-ddee!» Maji karə dəw kə̂ kunda ɔɛ̂n ddee. Dəw kə̂ ndiki a, taa maann kə̂ aw arə təbbə dəw le baa njaa ay!

Apokalisi 22:19

 bbo dəw ɔru marə tarje kə̂ dila nɛ̂n mbər makəturu tə̂ nəənn kə ddang a, kandə kakə kə̂ aw arə dəw təbbə kə tɔkə bbe kə̂ maji tɔyn kə̂ n̂-gɔl mbɛɛ̂ kə̂ n̂-dda tarɛ̂ makəturu tə̂ nəənn, Lubba a kɔru jia tə̂ kə ddang.

Apokalisi 3:12

Dəw kə̂ tətə ddɔ a, mâ ddɛɛ̂ to kakə gaji mə kəy-polo Lubba tə̂ ləm ngaâ nâ tee ddaka ndɔ kâra ang ngaa. Mâ dda ri Lubba ləm kə ri bbe lə Lubba ləm dɔɛ̂ tə̂. Ri bbe lə Lubba ləm le nan «Jerujalɛm kə̂ siki» kə̂ in rɔ Lubba tə̂ ləm darâ ddisi kə nangə̂. Mâ kunda rim kə̂ siki dɔɛ̂ tə̂ tɔ.