Apokalisi 20:4 - Dɔnɔn kə̂ Siki: Tar kə̂ aw arə təbbə

⁴ Goe tə̂ a, moo ngende-mbayje. Darə singa dəwje kə̂ isije dɔɛ̂ tə̂ karə n̂-gangəje sariya. Moo ndil dəwje kə̂ n̂-tɔlde mba tar-naji lə Jeju kə̂ n̂-paje ddəm mba tar lə Lubba ddəm. Moo ndil dede kə̂ n̂-mbətəje ta kɔsu məkəjə-gɔlde nɔn da tə̂ le ddəm nɔn ətaar tə̂ kə̂ ndaji da tə̂ le ddəm dɔsu əndaji əngo-nɔnde tə̂ ang ddəm mə jide tə̂ ang ddəm le tɔ. N̂-ndolje ngaâ dɔnje mbay kə Kristə asə bbal doro kâra (1 000).

Maketuru le Lubba ke tar kabba

⁴ Goe te a, moo ngende-mbayje. Dare singa dewje ke isije dɔe te kare n̂-gangeje sariya. Moo ndil dewje ke n̂-tɔlde mba tar-naji le Jeju ke n̂-paje ddem, mba tar le Lubba ddem. Moo ndil dede ke n̂-mbeteje ta kɔsuje mekeje gɔlde nɔ da te le, ke nɔ kɔr te ke unda rɔ da le, are dɔsu endaji engo-nɔde te ang ddem, me jide te ang ddem le tɔ. N̂-ndolje ngaa dɔnje mbay ke Kiriste ase bbal doro kara (1 000).

Apokalisi 20:4 ပူးပေါင်းရင်းမြစ်များ

Matiye 19:28

Jeju pa arəde nan: «M-pa tar kə̂ tɔkɔrɔ marəse, ndɔ kə̂ nɛ̂nje tɔyn a turuje tokə siki, kar tə̂ kə̂ Ngonn lə dəw a kisi ngende-mbay tə̂ kə̂ to nɛ̂n-piti, sese kə̂ unnje gom kara â kisije dɔ ngende-mbayje tə̂ dɔku gire joo, mba gangə sariya dɔ gəl-kuju ngann Ijarayɛlje tə̂ kə̂ dɔku gire joo tɔ.

Matiye 24:10

Mə-kunn lə dəwje nya a koso. Dâ kunn dɔ naan ngaâ dâ mbətəje naan.

Marke 6:16

Erodə oo tarje le baann a, pa nan: «Jan nəənn kə̂ əman njaa marə n̂-gangə dɔɛ̂ le â ndol.»

Marke 6:27

Yeenn ngaâ njangə baa njaa nunn ndu narə marə mbamba laa karə naw gangə dɔ Jan-Batisi le kəy-kula tə̂ n̂-ddee nɛ̂n narɛ̂.

Marke 9:11

N̂-dujuje Jeju nan: «Mba ddi bba njê-gərəje-Ndu paje nan Eli a ddee dɔngɔr bba wa?»

Luku 1:17

Nâ nja nɔn Lubba tə̂ kə ndil lə Eli kə̂ to nje-kila mbər tar lə Lubba ddəm kə singa lə Eli le ddəm, mba turu mə bɔje kə rɔ ngannde tə̂ ddəm nâ dda bba karə njê-dɔ-ngəngje təlje unnje ddəw kəm-karɛ lə dəwje kə̂ gatə gatə ddəm nâ gɔl dəwje karə arje dɔ gɔlde tə̂ mba ngəbbə Əbbə-dəwje.»

Luku 14:14

Yeenn bba a kisi kə rɔ-nəəl, mba dingaje nɛ̂n ta kari ture tə̂ ang. A Lubba a təl nɛ̂n kari ndɔ tə̂ kə̂ dəwje kə̂ gatə gatə kə̂ oyje a ndolje.»

Luku 22:30

mba karə usaje nɛ̂n ddəm ayje nɛ̂n ddəm dɔ tabələ tə̂ ləm mə Bbe-kɔn tə̂ ləm ngaâ karə isije ngende-mbayje tə̂, mba gangə sariya dɔ gəl-kuju ngann Ijarayɛlje tə̂ kə̂ dɔku gire joo.»

Tar kə̂ Maji kə̂ Jan dda makəturu tə̂ 14:19

Kar nayn ngaji baa karə dəwje kə̂ duninya tə̂ nəənn oomje ang ngaa. A sese â koomje, mba misi kəm baa ngaâ sese kara â naynje kəm baa tɔ.

Rɔmɛnje 11:15

Lubba dda arə duninya ungu naan tə̂ saa kar tə̂ kə̂ n̂-turu gire narə ngann Ijarayɛlje. Ndɔ kə̂ n̂-təl nuwade kə rɔɛ̂ tə̂ a, nɛ̂n kə̂ a ddee goe tə̂ a to tokə lə dəwje kə̂ oyje bba təl isije kəm baa.

Rɔmɛnje 8:17

Yeenn a, bbo n-toje to ngannɛ̂ a, ja kingaje nɛ̂nje kə̂ maji kə̂ Lubba unn ndue ta karə dəwje laa. Ja kingaje nɛ̂nje le naan tə̂ kâra baa kə Kristə. Mba bbo jaw jooje ndoo saa a, ja kingaje piti saa tɔ.

2 Timɔte 2:12

Bbo juwaje jarə ngəng a, ja kɔnje mbay saa tɔ. Bbo n-mbəteje a, ne njaa kara nâ mbətəje tɔ.

Apokalisi 1:2

Jan pa tar-naji nɛ̂nje tɔyn kə̂ noo le. N̂-pa nan, nɛ̂n kə̂ noo le to tar lə Lubba njaa â Jeju-Kristə tee nɛ̂n kə ddaka.

Apokalisi 1:9

Əman ngokɔnse Jan, moo ndoo kə se kâra baa. Əman kə sese tɔyn n-ddeeje to dəwje kə̂ mə Bbe-kɔn tə̂ lə Jeju ngaâ jaw juwaje jarə ngəng ddəw tə̂ laa. Duwam dulam dɔ dərə-ba tə̂ kə̂ ria nan Patəmos mba tar lə Lubba kə̂ mila mbəre ddəm mba tar-naji lə Jeju kə̂ maw pa ddəm.

Apokalisi 11:11

A go ndɔ tə̂ kə̂ mota kə gɛɛ̂n le a, marə ləl kə̂ aw arə təbbə in rɔ Lubba tə̂ ddee andə niinnde le ngaâ dinje darje taar. Yeenn bba bbəəl dda dəwje kə̂ aw oojede le nya.

Apokalisi 11:15

Goe tə̂ a, anjə kə̂ to siri laa to təbbə. Ndu bbar kə singa darâ nan: «Bbasinɛn, kɔn-mbay dɔ nangə tə̂ nəənn təl mə ji Əbbəjeje tə̂ kə mə ji Mesi tə̂ laa. Nâ kɔn-mbay kə ndɔ kə ndɔ.»

Apokalisi 11:3

Mâ karə njê-tar-najije ləm kə̂ joo ilaje mbər tar ləm kə kubbu-ndoo rɔde tə̂ ndɔ doro kâra, kɔr joo kə dɔmisan (1 260).»

Apokalisi 11:7

Bbo n̂-paje tar-naji le n̂-tungaje a, da kə̂ a kin mə tɔkə buwa tə̂ kə̂ sunrɛ̂ goto le a dda ddɔ kə de, singɛ̂ a kutade ngaâ nâ tɔlde.

Apokalisi 12:11

A ngakɔnje le təteje kə ddɔ ddəw məsə Ngonn Batə tə̂ kə ddəw tar tə̂ lə Lubba kə̂ n̂-paje tar-najɛ̂. Kisi ləde kəm baa nəəlde ang ngaa arə yo â n̂-ndingaje.

Apokalisi 14:11

Puru kə̂ aw ula kəmde ndoo le sɛɛ̂ a kubba bbal kə bbal. Ngaâ dəwje kə̂ aw poloje da le kə ətaar kə̂ ndaji da kə̂ unn da-rɔ da le kə dede kə̂ dɔsu əndaji ri da le rɔde tə̂, til kə kar, dâ kuwaje rɔde ang.»

Apokalisi 15:2

Moo marə nɛ̂n tokə lə ba-ər kə̂ kəmɛ̂ arɛ yərərə kə̂ pole naan kə puru. Dəwje kə̂ tətəje da le ddəm ətaar laa ddəm nimɔrɔ ria ddəm kə ddɔ le arje dɔ ba-ər tə̂ kə̂ kəmɛ̂ arɛ yərərə le. Duwaje kondeje lə Lubba jide tə̂.

Apokalisi 17:8

Da kə̂ ooe le to ləw, a n̂-to ang ngaa. Nâ kin tɔkə buwa tə̂ kə̂ sunrɛ̂ goto le tee ta kaw nayn kə kɔrɔ̂ nyɔm. Bbo dəwje kə̂ kunn-kutu duninya tə̂ nu duja ride makəturu təbbə tə̂ ang ooje da le a, məde a kunda dɔ binya. Mba n̂-to ləw, a n̂-to ang ngaa, a nâ təl kunda lo tee bbay.

Apokalisi 2:26

Dəw kə̂ tətə ddɔ ngaâ dda kulaje ləm ndərəng ɔsu kɔnyɛ̂ a, mâ karə nɔn dɔ gəl-dəwje.

Apokalisi 20:6

Maji arəde, de dəwje kə̂ dɔngɔr ndol lə dəwje kə̂ oyje, deeje horode tə̂. N̂-toje to dəwje lə Lubba njaa! Yo kə̂ gɔl joo laa ee kə singa dɔde tə̂ ang. Dâ toje to njê-poloje lə Lubba ddəm lə Kristə ddəm ngaâ dâ kɔnje saa mbay bbal doro kâra le.

Apokalisi 22:5

Til a goto ngaâ. Dəw a duju puru lambe wase a nginan karə kar ɔsu bba ta koo nɛ̂n lo ang. Mba ndoko lə Əbbə-dəwje Lubba njaa a kuru dɔde tə̂ ngaâ dâ kɔnje mbay bbal kə bbal.

Apokalisi 3:21

Dəw kə̂ tətə ddɔ a, mâ karɛ ddəw karə nisi səm dɔ ngende-mbay tə̂ ləm tokə m-tətə ddɔ ngaâ maw misi kə Bɔmje dɔ ngende-mbay tə̂ laa le.

Apokalisi 4:4

Marə ngende-mbayje dɔjoo gire sɔ gukuje dɔ ngende-mbay le ngaâ tɔkəje dɔjoo gire sɔ isije dɔɛ tə̂ kâra kâra tɔyn. Dulaje kubbu kə̂ nda ngaâ dundaje əjɔkudɔ kə̂ n̂-dda kə andə-narɛ dɔde tə̂.

Apokalisi 6:9

Ngonn batə le ɔru nɛ̂n kə̂ n̂-lətə nɛ̂n ta makəturu le kə̂ to min laa a, moo ndil dəwje kɔ bann tə̂. To ndil dəwje kə̂ n̂-tɔlde mba tar lə Lubba kə tar-naji kə̂ n̂-paje.

Apokalisi 7:3

«Ə-tujuje nangə ang ddəm ba-katə ang ddəm kakəje ang ddəm. Ə-nginanje arə juja əndaji əngo-nɔn njê-kulaje tə̂ lə Lubba ləje bba.»