Apokalisi 20:3 - Dɔnɔn kə̂ Siki: Tar kə̂ aw arə təbbə

³ Nilɛ̂ tɔkə buwa tə̂ kə̂ sunrɛ̂ goto le ngaâ nutu tɛɛ̂, n̂-lətə ta buwa le dɔɛ̂ tə̂ mba karə nərə gəl-dəwje ang ngaa ndərəng mba bbal doro kâra le. Goe tə̂ a, dâ tute mba marə kar ngaji.

Maketuru le Lubba ke tar kabba

³ Nilae tɔku buwa te ke suren goto le, ngaa nutu ta buwa le n̂-lete dɔe te, mba kare nere gel-dewje ang ngaa, ndereng mba bbal doro kara le. Goe te a, da tute mba mare kare ngaji.

Apokalisi 20:3 ပူးပေါင်းရင်းမြစ်များ

Matiye 24:24

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.

Matiye 27:66

Dawje buwa-yo tə̂ le ta koo gusu kə̂ ta ngəm nɛ̂n tɛɛ̂. N̂-ddaje marə əndaji ər tə̂ kə̂ ta buwa-yo tə̂ le ngaâ dundaje njê-ngəmje ta lo tɛɛ̂ tə̂.

Marke 4:15

Marə dəwje toje tokə lə dɔ ddəw kə̂ tar lə Lubba oso tə̂. Koo kə̂ dooje tar le be a, Satan ddee ɔru tar kə̂ n̂-dubbu məde tə̂ le kə ddang.

Luku 8:31

Ndilje kə̂ maji ang le ddaje rɔde to ndoo rɔ Jeju tə̂ ta karə narə dawje mə tɔkə buwa tə̂ kə̂ sunrɛ̂ goto le ang.

2 Kɔrɛntinyɛje 11:3

A tokə li ərə Ɛbə le, m-bbəəl mba karə kəjə ləse təl turu ngaâ karə awje ddəw əw kə Kristə kə̂ unnje rɔse tɔyn arɛ̂je kə mə-kâra le.

2 Piyɛr 3:8

A ngakɔnʼmje kə̂ m-ndikise nya, marə nɛ̂n to kə̂ ta karə məse oy ang: Kəm Əbbə-dəwje tə̂, ndɔ kâra to tokə bbal doro kâra, a bbal doro kâra to tokə ndɔ kâra.

Apokalisi 12:9

Dunn tɔkə da le, ne li kə̂ ləw baa kə̂ daw bbarɛ̂ nan Əsu, Satan, ne nje-kərə dəwje kə̂ dɔ nangə tə̂ tɔyn le, ne kə anjəje laa le n̂-tutade n̂-tilade dɔ nangə tə̂.

Apokalisi 13:14

Nərə dəwje kə̂ dɔ nangə tə̂ ddəw nɛ̂n-mɔrije tə̂ kə̂ darɛ̂ singa karə n̂-dda dɔ kəm da tə̂ kə̂ in mə maann tə̂ tee le, narə dəwje le ddaje marə kɔr kə̂ unn da-rɔ da kə̂ inga do tɔkə kiya, a nayn kəm baa le.

Apokalisi 17:2

Ne â tɔkə mbayje kə̂ dɔ nangə tə̂ ddaje nɛ̂n-kaya dɔɛ̂ tə̂ ngaâ dəwje kə̂ dɔ nangə tə̂ ayje bɛn kaya laa arə ddade.»

Apokalisi 17:8

Da kə̂ ooe le to ləw, a n̂-to ang ngaa. Nâ kin tɔkə buwa tə̂ kə̂ sunrɛ̂ goto le tee ta kaw nayn kə kɔrɔ̂ nyɔm. Bbo dəwje kə̂ kunn-kutu duninya tə̂ nu duja ride makəturu təbbə tə̂ ang ooje da le a, məde a kunda dɔ binya. Mba n̂-to ləw, a n̂-to ang ngaa, a nâ təl kunda lo tee bbay.

Apokalisi 20:1

Goe tə̂ a, moo marə anjə in darâ aw ddisi. Nuwa ngaw kele ta tɔkə buwa kə̂ sunrɛ̂ goto le kə kula njamji kə̂ ɔɔy jia tə̂.