Apokalisi 20:2 - Dɔnɔn kə̂ Siki: Tar kə̂ aw arə təbbə

² Nuwa da kə̂ unn da-rɔ mar, kə̂ to li kə̂ ləw, kə̂ to əsu, kə̂ to Satan le ngaâ n̂-tɔɛ̂ kə kula njamji mba bbal doro kâra (1 000)

Maketuru le Lubba ke tar kabba

² Nuwa da ke unda rɔ mar, ke to li ke lew, ke to esu, ke to Satan le, ngaa n̂-tɔe ke kula njamji mba bbal doro kara (1 000).

Apokalisi 20:2 ပူးပေါင်းရင်းမြစ်များ

Matiye 19:29

A dəwje tɔyn kə̂ inyaje kəy ləde, ngakɔnde kə̂ dingaw kə ngakɔnde kə̂ dɛnɛ̂n, bɔdede kə kɔndede, ngannde wase ndɔɔje ləde mbam, dâ kinga nɛ̂n gɔl dɔdɔku uta yeje kə̂ kete ddəm dâ kinga təbbə kə̂ to kə ndɔ kə ndɔ ddəm.

Matiye 8:29

Duruje əkii nan: «Ngonn lə Lubba, ddi â osoi tə̂ wa? Ə-ddee ta kula kəmje ndoo tə̂ kete bba karə ndɔɛ̂ kə̂ Lubba ɔju le asə wa?»

Marke 4:15

Marə dəwje toje tokə lə dɔ ddəw kə̂ tar lə Lubba oso tə̂. Koo kə̂ dooje tar le be a, Satan ddee ɔru tar kə̂ n̂-dubbu məde tə̂ le kə ddang.

Marke 5:7

Nuru əkii kə taar nan: «Jeju Ngonn lə Lubba kə̂ isi ddutu dara tə̂ nu. Ddi â osoi tə̂ wa? M-wali nya kə ri Lubba, ula kəmʼm ndoo tə̂ ang.»

Tar kə̂ Maji kə̂ Jan dda makəturu tə̂ 12:31

Kar gangə sariya dɔ nangə tə̂ nəənn asə ngaa. Bbasinɛn, dâ tubba nje-kɔn dɔ duninya nəənn kə ddang.

Tar kə̂ Maji kə̂ Jan dda makəturu tə̂ 16:11

Nâ tɔjude karə n̂-gərəje nɛ̂n kə̂ ria nan sariya lə Lubba, mba Lubba gangə sariya dɔ nje-kɔn dɔ duninya tə̂ nəənn mban.

Rɔmɛnje 16:20

Mbɔr ang a, Lubba kə̂ nje-karə mə-wul-lɔm a rii Satan nangə̂ kɔ gɔlse tə̂. Maji karə mə-maji lə Əbbəjeje Jeju nayn kə se.

Ebərəje 2:14

Ngannje nəənn le toje tɔyn to dəwje. Yeenn bba Jeju kara ddee to dəw tokə dede tɔ. Baann bba ddəw koy tə̂ laa, n̂-guru singa Əsu kə̂ ee kə singa tɔl dəw,

1 Piyɛr 5:8

Maji karə ə-gərəje dɔ jise. Arəje kəmse kətərə. Əsu kə̂ to Nje-baan ləse aw gukuse tokə lə ənam kə̂ aw nɔn. Naw sangə dəw ta kusɛ̂.

2 Piyɛr 2:4

Mba anjəje kə̂ ddaje majang le, Lubba inyade ddekeke njaa baann ang. Lubba ungude mə buwa tə̂ kə̂ il biti biti arə n̂-naynje tə̂ daw nginanje ndɔ sariya.

Judə 1:6

Oleje məse dɔ tar tə̂ lə anjəje kə̂ ngəmje lo ləde kə̂ Lubba arəde ang, a tusuje lo ləde inyaje le, Əbbə-dəwje tɔde ungude lo tə̂ kə̂ il biti biti nyɔm mba ngəbbə nɛ̂n tɔkə ndɔ sariya.

Apokalisi 12:13

Tɔkə da le oo kutɛ̂ kə̂ dutɛ̂ dilɛ̂ dɔ nangə tə̂ mban le a, nunn kutu tubba dɛnɛ̂n kə̂ uju ngonn kə̂ dingaw le.

Apokalisi 12:15

Yeenn ngaâ li le tɔmɔn maann tokə lə ba go dɛnɛ̂n tə̂ le karə maann le uwɛ̂ ɔtu saa.

Apokalisi 12:17

Wungu ɔn da le dɔ dɛnɛ̂n tə̂ le ngaâ təl kə dɔ kəsə dəwje tə̂ kə̂ toje to ngaka dɛnɛ̂n le aw dda ddɔ kə de. To dede kə̂ daw ngəmje nduje lə Lubba kə tar-najije lə Jeju.

Apokalisi 12:3

Marə nɛ̂n dang təl ubba mə dara tə̂ bbay. Marə tɔkə da kə̂ unn da-rɔ mar, rɔɛ̂ kasɛ̂ tokə lə puru, dɔɛ̂ siri a gajɛ̂ dɔku. Əjɔkudɔje siri toje dɔɛ̂je tə̂ kə̂ siri le.

Apokalisi 12:4

Bbo n̂-kayn horo əndɛtɛrɛndɛnje kə̂ darâ loe mota a, bbɔngu tɔkə da le saa dəbbə əndɛtɛrɛndɛnje loe kâra tilade nangə̂. Tɔkə da le ddee ar nɔn dɛnɛ̂n tə̂ kə̂ aw nduru ndo le aw nginan ta bbo nuju be njaa a, kunn ngonn kə̂ nuje le kusɛ̂ kure kə loe baa.

Apokalisi 12:9

Dunn tɔkə da le, ne li kə̂ ləw baa kə̂ daw bbarɛ̂ nan Əsu, Satan, ne nje-kərə dəwje kə̂ dɔ nangə tə̂ tɔyn le, ne kə anjəje laa le n̂-tutade n̂-tilade dɔ nangə tə̂.

Apokalisi 13:2

Da kə̂ mooe le unn da-rɔ kakə. Gɔlɛ̂ tokə gɔl ənjakəmnjar, a tɛɛ̂ tokə ta ənam. Tɔkə da kə̂ unn da-rɔ mar le arɛ̂ singa-mɔngu laa kə ngende-mbay laa kə singa kə̂ ngəng nya.

Apokalisi 13:4

Dəwje tɔyn ɔsuje məkəjə-gɔlde nangə̂ nɔn da tə̂ kə̂ unn da-rɔ mar le, mba singa kə̂ narə da kə̂ in mə ba-katə tə̂ tee le. Dede tɔyn dɔsuje məkəjə-gɔlde nangə̂ nɔn da tə̂ kə̂ in mə ba-katə tə̂ tee le ngaâ n̂-paje nan: «Nân bba asə naan kə da le wa? Nân bba asə ta ddɔ saa wa?»

Apokalisi 20:10

Ngaâ dila Əsu kə̂ nje-kərəde le mə ndakə puru kə supərə tə̂, lo tə̂ kə̂ da le kə nje-kila mbər tar kə̂ tɔkɔrɔ ang le eeje tə̂. Dâ kooje ndoo nya, kar kə til, bbal kə bbal.

Apokalisi 20:7

Bbo bbal doro kâra le tunga a, dâ kɔru Satan kəy-kula tə̂,

Apokalisi 9:11

Tɔkə mbay ləde to anjə kə̂ to mə tɔkə buwa tə̂ kə̂ sunrɛ̂ goto le. Ria kə ndɔn-tar lə ebərəje nan Abadɔn, a kə ndɔn-tar lə gerekəje nan Apolinyɔ. Kandə ri le nan «Nje-nɛ̂n-tuju».