Apokalisi 20:15 - Dɔnɔn kə̂ Siki: Tar kə̂ aw arə təbbə

¹⁵ Dəw kə̂ dinga ria makəturu təbbə tə̂ le ang a, dilɛ̂ ndakə puru tə̂ le.

Maketuru le Lubba ke tar kabba

¹⁵ Dew ke dinga ria maketuru tebbe te le ang a, dilae ndake puru te le.

Apokalisi 20:15 ပူးပေါင်းရင်းမြစ်များ

Matiye 13:42

ta dâ kungude kəm tɔkə puru tə̂. Lo tə̂ənn, dâ nɔnje ngaâ dâ ngəərje ngangəde.

Matiye 13:50

ta dâ kunguje dəwje kə̂ maji ang le kəm tɔkə puru tə̂. Lo tə̂ənn, dâ nɔnje ngaâ dâ ngəərje ngangəde.»

Matiye 25:41

«Goe tə̂ a, nâ pa karə njê kə̂ eeje dɔ ji-gəle tə̂ le nan: ‹Ɔtuje mbɔrəm tə̂ kə ddang, sese kə̂ ndu-ndɔɔl to dɔse tə̂. Awje dann puru tə̂ kə̂ aw ɔn kə ndɔ kə ndɔ, kə̂ Lubba gɔl mba əsu kə anjəje laa.

Marke 16:16

Dəw kə̂ unn məɛ̂ ngaâ inga batɛm a, a kinga kaji. Dəw kə̂ unn məɛ̂ ang a, sariya to dɔɛ̂ tə̂.

Luku 10:20

Yeenn a, maji karə ndilje kə̂ maji ang kə̂ ulaje dɔde nangə̂ arəse le â ə-ddaje rɔ-nəəle ang. A ə-ddaje rɔ-nəəl mba rise kə̂ Lubba dda mə Makəturu tə̂ darâ.»

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Tar kə̂ Maji kə̂ Jan dda makəturu tə̂ 3:36

Dəw kə̂ oo məɛ̂ tə̂ kə Ngonn ee kə təbbə kə̂ to kə ndɔ kə ndɔ. A dəw kə̂ mbətə ta koo məɛ̂ tə̂ kə Ngonn a kinga təbbə le ang. Wungu lə Lubba nayn dɔɛ̂ tə̂.»

Kulaje 4:12

«Ne kâra baa nasə kajije, mba marə ri dang dɔ nangə tə̂ kə̂ Lubba unda dɔ marə dəw tə̂ karə ajije goto.

Ebərəje 12:25

Aaje rɔse! Ə-mbətəje ta koo ta Lubba kə̂ aw pa tar arəse nəənn ang. Mba dede kə̂ ləw n̂-mbətəje ta koo ta Mɔyijə dɔ nangə tə̂ nəənn le, n̂-teeje ta kunda tə̂ ang. A jeje, bbo n-turuje girije jarə Lubba kə̂ nje-kisi darâ nu kə̂ aw ndɔru mbije le a, ja tee ta kunda tə̂ tokə baânn wa?

Ebərəje 2:3

Yeenn a, bbo jooje kaji kə̂ ngəng be nəənn le to nɛ̂n ang a, jeje ja teeje ta kunda tə̂ tokə baânn wa? Kaji nəənn le, Əbbə-dəwje â unn kutu kila mbəre. Goe tə̂ a, dəwje kə̂ ooje tam kaji nəənn le təlje ddee paje tarɛ̂ arəje nan to tar kə̂ tɔkɔrɔ.

Apokalisi 19:20

Duwa da le kə nje-kila mbər tar kə̂ tɔkɔrɔ ang le. Ne kə̂ dda nɛ̂n-mɔrije nɔɛ̂n tə̂ bba nərə nɛ̂n njê kə̂ əndaji da laa to əngo-nɔnde tə̂ ngaâ aw poloje ətaar laa le. Dungude joo kəm, kəm baa ndakə puru supərə tə̂ kə̂ aw ɔn.

Apokalisi 20:10

Ngaâ dila Əsu kə̂ nje-kərəde le mə ndakə puru kə supərə tə̂, lo tə̂ kə̂ da le kə nje-kila mbər tar kə̂ tɔkɔrɔ ang le eeje tə̂. Dâ kooje ndoo nya, kar kə til, bbal kə bbal.

Apokalisi 20:12

Ngaâ moo dəwje kə̂ oyje, njê kə̂ ngaji kə njê kə̂ bo, darje taar nɔn ngende-mbay tə̂ le. N̂-təəyn makəturuje, a n̂-təl n̂-təəyn marə makəturu bbay, to makəturu təbbə. Ngaâ n̂-gangə sariya dɔ dəwje tə̂ kə̂ oyje asə kəm kula-ddade, tokə ye kə̂ n̂-dda makəturuje tə̂ le.

Apokalisi 20:14

Goe tə̂ a, dungu yo kə lo lə dəwje kə̂ oyje le mə ndakə puru tə̂. Ndakə puru le to yo kə̂ gɔl joo laa.

Apokalisi 3:5

Yeenn a, dəwje kə̂ tətəje ddɔ a, dâ kulaje kubbuje kə̂ nda, mâ tuju ride makəturu təbbə tə̂ ndɔ kâra ang. Mâ pa nɔn bɔmje tə̂ kə nɔn anjəje tə̂ laa nan n̂-toje to dəwje ləm.