Apokalisi 20:10 - Dɔnɔn kə̂ Siki: Tar kə̂ aw arə təbbə

¹⁰ Ngaâ dila Əsu kə̂ nje-kərəde le mə ndakə puru kə supərə tə̂, lo tə̂ kə̂ da le kə nje-kila mbər tar kə̂ tɔkɔrɔ ang le eeje tə̂. Dâ kooje ndoo nya, kar kə til, bbal kə bbal.

Maketuru le Lubba ke tar kabba

¹⁰ Ngaa dila esu ke nje-kerede le me ndake puru te ke supere to me te, lo te ke da le, ke nje-kila mber-tar ke to nje-ngem le eeje te. Da koo ndoo nya, kare, ke til, bbal ke bbal.

Apokalisi 20:10 ပူးပေါင်းရင်းမြစ်များ

Matiye 25:41

«Goe tə̂ a, nâ pa karə njê kə̂ eeje dɔ ji-gəle tə̂ le nan: ‹Ɔtuje mbɔrəm tə̂ kə ddang, sese kə̂ ndu-ndɔɔl to dɔse tə̂. Awje dann puru tə̂ kə̂ aw ɔn kə ndɔ kə ndɔ, kə̂ Lubba gɔl mba əsu kə anjəje laa.

Matiye 25:46

Dâ kaw koo ndoo kə ndɔ kə ndɔ, a njê kə̂ ddaje nɛ̂n kə̂ mə Lubba ndiki le a kisije kə təbbə kə̂ to kə ndɔ kə ndɔ.»

Matiye 7:15

«Aaje rɔse rɔ njê-kilaje mbər tar kə̂ tɔkɔrɔ ang tə̂. Dulaje ngira batə bba n̂-ddeeje nɛ̂n rɔse tə̂. A məde tə̂ nu, n̂-toje to ənjakəmnjarje kə̂ aw uwaje nɛ̂n aw usaje.

Marke 9:44

Lo tə̂ənn kore kə̂ aw ɔn dəw oy ang ddəm puru kə̂ aw ɔn oy ang ddəm.]

Apokalisi 16:13

Ngaâ, moo ndilje kə̂ maji ang mota, ndil kə̂ dɔngɔr in mə kil da tə̂ kə̂ unn da-rɔ mar le tee, ndil kə̂ to joo laa in mə kil da tə̂ kə̂ kâra le, mota laa in mə kil nje-kila mbər tar tə̂ kə̂ tɔkɔrɔ ang le daw teeje. Ndilje kə̂ maji ang kə̂ mota le undaje rɔ ənginaynje.

Apokalisi 19:20

Duwa da le kə nje-kila mbər tar kə̂ tɔkɔrɔ ang le. Ne kə̂ dda nɛ̂n-mɔrije nɔɛ̂n tə̂ bba nərə nɛ̂n njê kə̂ əndaji da laa to əngo-nɔnde tə̂ ngaâ aw poloje ətaar laa le. Dungude joo kəm, kəm baa ndakə puru supərə tə̂ kə̂ aw ɔn.

Apokalisi 20:8

ngaâ nâ kaw kərə gəl-dəwje kɔyn nangə tə̂ kə̂ sɔ tɔyn, yeenn pa nan Gogə kə Magogə. Nâ mbɔn dəwje le mba dda nɛ̂n ddɔ. Kɔrde banya tokə ənangara ta ba-katə.

Apokalisi 9:17

Mə nin tə̂ ləm le, moo sundaje kə njê kə̂ aw aalje sundaje le a, n̂-toje tokə be: Dulaje dɔ-kubbu-ddɔje kə̂ kasɛ tokə lə puru ddəm ndul tokə lə kəm dara ddəm tokə lə supərə ddəm nɔn-gude tə̂. Dɔ sundaje le tokə lə dɔ ənam. Puru kə sa kə supərə in tade tə̂ aw tee.