Apokalisi 2:9 - Dɔnɔn kə̂ Siki: Tar kə̂ aw arə təbbə

⁹ M-gərə nɛ̂n-singaje kə̂ aw ingai kə ndoo kə̂ ə-ndoo. A kə̂ tɔkɔrɔ tə̂, ə-to nje-nɛ̂n-kinga. M-gərə tarje kə̂ maji ang kə̂ dəwje kə̂ toje to Jiipije ang, a aw ddaje rɔde to Jiipije aw paje dɔi tə̂. N̂-toje to dəwje kə̂ mə mbɔn-naan tə̂ lə Satan.

Maketuru le Lubba ke tar kabba

⁹ M-gere ne-singaje ke aw ingai, ke ndoo ke aw ndoo. A ke tɔkɔrɔ te, e-to nje-ne-kinga. M-gere tarje ke maji ang maji ang ke dewje ke toje to Jiipije ang, a aw ddaje rɔde to Jiipije aw paje dɔi te. N̂-toje to dewje le Satan.

Apokalisi 2:9 ပူးပေါင်းရင်းမြစ်များ

Matiye 4:10

Jeju pa arɛ̂ nan: «Ɔtu kə ddang, Satan! Makəturu lə Lubba pa nan: ‹Maji karə Əbbə-dəwje kə̂ to Lubba ləi njaa kâra baa â ɔsu gɔli nɔɛ̂n tə̂, ta ne kâra baa â ə-pole tɔ.› »

Luku 12:21

Dəw kə̂ mbɔn nɛ̂n-kingaje mba tar dɔɛ̂ njaa bbo mba Lubba ang, dəw le to tokə lə mbə le tɔ.»

Luku 22:65

N̂-tajɛ̂je nya kə nɛ̂n-tajije dang dang.

Luku 4:18

«Ndil lə Əbbə-dəwje to dɔm tə̂, mba nungu ubbu dɔm tə̂ karə mila mbər Tar kə̂ Maji marə njê-ndooje. Nulam karə m-pa marə bbərəje to dâ teeje kɔ bbərə tə̂, karə m-pa marə njê-kəm-tɔje to dâ təlje kooje lo, nulam karə mɔru dəwje ndoo tə̂ kə ddang.

Luku 6:20

Jeju unn kəmɛ̂ aa nɛ̂n njê-njaje goe tə̂ ngaâ pa nan: «Maji arəse, see dangətəje, mba Bbe-kɔn lə Lubba to ləse!

Tar kə̂ Maji kə̂ Jan dda makəturu tə̂ 16:33

M-pa nɛ̂njeenn tɔyn marəse karə məse wul lɔm ddəw tə̂ ləm. A kooje ndoo duninya tə̂. A maji karə uwaje arəje ngəng, mba əman m-tətə duninya nəənn kə ddɔ mban.»

Kulaje 14:22

Mə bbeje tə̂ənn, n̂-ndəjəje njê-mə-kunnje karə duwaje mə-kunn ləde darə ngəng. N̂-paje nan: «Maji karə joo ndoo nya mba kandə nɛ̂n mə Bbe-kɔn tə̂ lə Lubba.»

Kulaje 26:11

Maw mandə kəy mbɔn-naan tə̂ tɔyn kə ndɔ ndɔ maw mula kəmde ndoo tə̂. Maw muwade kə singa marə n̂-tajije ri Jeju. Bbo wungu ɔnʼm nya a, m-ndole gode ndərəng dɔ bbe tə̂ kə̂ dang.»

Rɔmɛnje 12:12

Maji karə ə-ddaje rɔ-nəəl mba nɛ̂n kə̂ aw undaje məse dɔɛ̂ tə̂. Maji karə ə-tɔje wurse mə nɛ̂n kəm-to-ndooje tə̂ kə̂ aw ingajese, ə-dujuje Lubba kə ndɔ tɔyn.

Rɔmɛnje 2:17

Əi kə̂ ə-pa nan ə-to Jiipi kə̂ unda məi dɔ Ndu tə̂ lə Mɔyijə ngaâ aw unda gui kə Lubba ləi.

Rɔmɛnje 5:3

Dɔ ye tə̂ənn, mə nɛ̂n kəm-to-ndooje tə̂ kə̂ aw ingaje kara jaw ddaje rɔ-nəəl, mba n-gərəje to nɛ̂n kəm-to-ndoo aw dda arə jaw tɔje wurje.

Rɔmɛnje 8:35

Nân bba a tinje kə ndiki lə Kristə wa? Nɛ̂n-wungu wase kəjə-tar, nɛ̂n-singa kə̂ dəwje aw ddaje kə je, bbo, ndoo, nɛ̂n-bbəəl wase yo wa?

Rɔmɛnje 9:6

Yeenn tɔju to tar kə̂ Lubba pa le ture a to baa njaa be ang. Mba dəwje tɔyn kə̂ gəl Ijarayɛl tə̂ toje to ngann Ijarayɛlje kə̂ tɔkɔrɔ tɔyn ang.

2 Kɔrɛntinyɛje 6:10

Dəwje aw ddaje arə rɔje nəəlje ang, a jaw jisi kə rɔ-nəəl kə ndɔ tɔyn. Dəwje aw oojeje to njê-ndooje, a jaw dda jarə dəwje nya aw ddeeje to njê-nɛ̂n-kingaje. Dəwje oojeje to marə nɛ̂n ləje goto, a jee kə nɛ̂n tɔyn.

2 Kɔrɛntinyɛje 8:2

Nɛ̂n kəm-to-ndooje nya ingajede njaa, a rɔde nəəlde nya. N̂-ndooje nya njaa, a darəje nɛ̂n kə nangə̂ baa.

2 Kɔrɛntinyɛje 8:9

Mba ə-gərəje mə-maji lə Əbbəjeje Jeju-Kristə kə̂ to nje-nɛ̂n-kinga, bba təl dda rɔɛ̂ to nje-ndoo mba tar ləse, bba karə ndoo laa dda arə ə-ddeeje to njê-nɛ̂n-kingaje.

1 Tesalonisinyɛje 3:4

Kar kə̂ n-nayn rɔse tə̂ le, n-pa jarəse to ja kooje ndoo nya njaa. A nɛ̂n kə̂ n-pa le njaa tee arə sese kara ə-gərəje kə majɛ̂.

1 Timɔte 1:13

A əman kə̂ ləw m-to nje-tuju ria, mula kəm dəwje laa ndoo tə̂, m-tajide le, Lubba oo kəm-to-ndoo ləm, mba moo məm tə̂ saa ang arə m-gərə dɔm nɛ̂n tə̂ kə̂ m-dda le ang.

1 Timɔte 6:18

Maji karə ə-pa arə n̂-ddaje maji, n̂-ddaje kula kə̂ maji nya, arə dɔsuje ngar kə mə-kâra ngaâ n̂-kaynje dəwje dəbbə nɛ̂n-kingaje ləde.

Apokalisi 1:9

Əman ngokɔnse Jan, moo ndoo kə se kâra baa. Əman kə sese tɔyn n-ddeeje to dəwje kə̂ mə Bbe-kɔn tə̂ lə Jeju ngaâ jaw juwaje jarə ngəng ddəw tə̂ laa. Duwam dulam dɔ dərə-ba tə̂ kə̂ ria nan Patəmos mba tar lə Lubba kə̂ mila mbəre ddəm mba tar-naji lə Jeju kə̂ maw pa ddəm.

Apokalisi 2:13

M-gərə lo kə̂ ə-dda bbe tə̂ kə majɛ̂: Ngende-mbay lə Satan to tə̂ənn. A dɔ ndɔ tə̂ kə̂ n̂-tɔl nɛ̂n Antipas kə̂ to nje-tar-naji ləm kə̂ gatə gatə bbeê ləse kə̂ Satan dda bbe tə̂ le njaa kara ə-nayn gom tə̂ nyɔm bbo ə-tusu məi kə̂ unn arəm le inya ang.

Apokalisi 2:2

M-gərə kula-ddai, ndoo kə̂ aw oo kə wuri kə̂ aw tɔ. M-gərə to â kasə ta tɔ wuri dɔ njê-mə-majangje tə̂ ang. Dəwje kə̂ aw ddaje rɔde to njê-kaw-kulaje le, ə-nande oo, a n̂-toje to njê-kaw-kulaje ang ngaâ ə-tee kə gəl ngəm ləde kə ddaka.

Apokalisi 2:24

«A see kəsə dəwje kə̂ Tiyatir, sese kə̂ ə-mbətəje ta kunn go nɛ̂n-tɔju kə̂ maji ang le ngaâ ə-mbətəje ta ndo nɛ̂n kə̂ dəwje le aw bbarje nan ‹nɛ̂nje lə Satan kə̂ iyaje rɔde› le, mâ kunda marə nɛ̂n-koto dɔse tə̂ ang.

Apokalisi 3:9

Dəwje kə̂ eeje kəy mbɔn-naan tə̂ lə Satan aw ddaje rɔde to Jiipije, a n̂-toje to Jiipije ang. N̂-toje to njê-ngəmje. Mâ kungude mə jii tə̂ ngaâ mâ dda karə n̂-ddee dɔsuje məkəjə-gɔlde nɔin tə̂. Baann bba dâ gərəje to m-ndikii.

Apokalisi 7:14

Milɛ̂ tə̂ m-pa nan: «Əbbəmje, əi â ə-gərə.» Yeenn ngaâ n̂-pa narəm nan: «To dəwje kə̂ ndayje mə tɔkə nɛ̂n-singaje tə̂. N̂-tokoje kubbuje ləde kə məsə ngonn batə darə nda.