Apokalisi 2:5 - Dɔnɔn kə̂ Siki: Tar kə̂ aw arə təbbə

⁵ Maji karə ole məi dɔ pa-nja tə̂ ləi kə̂ dɔngɔr. Ə-turu məi bbo ə-təl kula-ddai tə̂ kə̂ dɔngɔr le. Bbo baann ang a, mâ ddee rɔi tə̂, ta mâ kɔru nɛ̂n-kunda lambe ləi lo-toe tə̂ kə ddang.

Maketuru le Lubba ke tar kabba

⁵ Ole mei dɔ pa-nja te lei ke dɔngɔr. E-turu ddew lei bbo e-tel kula-ddai te ke dɔngɔr le. Bbo baann ang a, ma ddee rɔi te, ta ma kɔru ne-kunda lambe lei lo te ke to te ke ddang.

Apokalisi 2:5 ပူးပေါင်းရင်းမြစ်များ

Matiye 5:14

«Ə-toje to lo-karɛ kə̂ duninya tə̂ nəənn. Bbe kə̂ n̂-dda dɔ ddingiri tə̂ a kasə kiya rɔɛ̂ ang.

Matiye 5:15

Dəw ila puru lambe tə̂ a, a kaw dəbbə kə jo ang. Nâ kunda dɔ marə nɛ̂n tə̂ taar karə njê kə̂ mə kəy tə̂ le tɔyn ooje nɛ̂n lo.

Marke 12:9

Ddi â nje-ndɔɔ le a dda wa? Nâ ddee tɔl njê-ddaje kula binyə le ta nâ kinya ndɔɔ le ji marə dəwje tə̂ kə̂ dang.

Luku 1:17

Nâ nja nɔn Lubba tə̂ kə ndil lə Eli kə̂ to nje-kila mbər tar lə Lubba ddəm kə singa lə Eli le ddəm, mba turu mə bɔje kə rɔ ngannde tə̂ ddəm nâ dda bba karə njê-dɔ-ngəngje təlje unnje ddəw kəm-karɛ lə dəwje kə̂ gatə gatə ddəm nâ gɔl dəwje karə arje dɔ gɔlde tə̂ mba ngəbbə Əbbə-dəwje.»

Luku 20:16

Nâ ddee tɔl njê-ddaje kula binyə le ngaâ nâ kinya ndɔɔ le ji marə dəwje tə̂ kə̂ dang.» Dəwje kə̂ banya le ooje tar le a, n̂-paje nan: «Maji karə nɛ̂ɛnn ddee tokə baann ang!»

Galatəje 5:4

Sese kə̂ aw sangəje ta ddee gatə gatə kəm Lubba tə̂ ddəw Ndu tə̂ le ə-tinje naan kə Kristə mban. Mə-maji lə Lubba to mbase ang ngaa.

Pilipinyɛje 2:15

Yeenn bba â toje to dəwje kə̂ tar a to dɔde tə̂ ang, dəwje kə̂ nɛ̂n-yərəw ɔrude ang. A toje to ngannje lə Lubba kə̂ majang ɔrude ang, horo dəwje tə̂ kə̂ bbasinɛn nəənn kə̂ toje gatə gatə ang ddəm majije ang ddəm. Maji karə ə-ndokoje horode tə̂ tokə lə puru-ngeel dɔ nangə tə̂,

Ebərəje 10:32

A maji karə oleje məse dɔ nɛ̂n tə̂ kə̂ ingase ləw. Go kəmse tə̂ kə̂ Lubba dda arə uja le, ə-maanje gɔlse nangə̂ ə-ddaje nɛ̂n ddɔ arəje ngəng.

2 Piyɛr 3:17

Yeenn a, see ngakɔnʼmje kə̂ m-ndikise nya, ə-gərəje mban: Maji karə arje dɔ gɔlse tə̂. Arəje njê-nɛ̂n-ddaje kə̂ maji ang ərəse arə ə-ndəəmje ddəw ang ngaâ ə-tusuje mə-kunn ləse le inyaje ang.

Judə 1:24

Maji karə piti, tɔkə-mbangə, singa-mɔngu kə kɔn-mbay to lə Lubba kə̂ kâra baa kə ndɔ kə ndɔ. Ne kə̂ narə Əbbəjeje Jeju-Kristə ajije, Ne kə̂ nasə ta ngəmje karə joso mə majang tə̂ ang, nâ dda karə jar nɔɛ̂n tə̂ kə nɛ̂n-yərəw kâra ang, a jar nɔɛ̂n tə̂ kə rɔ-nəəl ndɔ pitii tə̂ laa. Amɛnn!

Apokalisi 1:20

Nɛ̂n kə̂ iya rɔɛ̂ ɔju dɔ əndɛtɛrɛndɛnje siri kə̂ oo jim tə̂ kə̂ kɔl kə nɛ̂n-kunda lambeje siri kə̂ n̂-dda kə andə-narɛ le gəle tokə be: Əndɛtɛrɛndɛnje kə̂ siri le tɔju anjəje kə̂ Egilisije tə̂ kə̂ siri le, a nɛ̂n-kunda lambeje kə̂ siri le toje to Egilisije kə̂ siri le tɔ.»

Apokalisi 16:9

Puru kar kə̂ tunga nya le ɔn dəwje le. N̂-tajije ri Lubba kə̂ ee kə singa dɔ nɛ̂n kəm-to-ndooje tə̂ nəənn tɔyn le. A n̂-turuje məde mba kɔsu gajɛ̂ ang.

Apokalisi 2:16

Yeenn a, to tar ləi ta turu məi. Baann ang a, mâ ddee rɔi tə̂ njangə baa mba ddɔ kə dəwjeenn le kə tɔkə kiya kə̂ tee tam tə̂ nəənn.

Apokalisi 2:19

M-gərə kula-ddai, ndiki ləi, mə-kunn ləi, maji kə̂ aw dda kə dəwje kə wuri kə̂ aw tɔ. Kulaje kə̂ aw dda guku nəənn uta yeje kə̂ kete.

Apokalisi 2:2

M-gərə kula-ddai, ndoo kə̂ aw oo kə wuri kə̂ aw tɔ. M-gərə to â kasə ta tɔ wuri dɔ njê-mə-majangje tə̂ ang. Dəwje kə̂ aw ddaje rɔde to njê-kaw-kulaje le, ə-nande oo, a n̂-toje to njê-kaw-kulaje ang ngaâ ə-tee kə gəl ngəm ləde kə ddaka.

Apokalisi 3:19

Dəwje tɔyn kə̂ m-ndikide, maw təl kə de ddəw tə̂ kə̂ maji ddəm maw tundade ddəm. Yeenn bba, maji karə ə-dda kula le kə mə-kâra ta ə-turu məi.