Apokalisi 2:3 - Dɔnɔn kə̂ Siki: Tar kə̂ aw arə təbbə

³ «Ə-tɔ wuri nya ngaâ oo ndoo mba rim, a rɔi nyai ddəwe tə̂ ang.

Maketuru le Lubba ke tar kabba

³ E-tɔ wuri nya, ngaa oo ndoo wɔju dɔ rim, a rɔi nyai ddewe te ang.

Apokalisi 2:3 ပူးပေါင်းရင်းမြစ်များ

Marke 15:21

Duwaje marə dingaw kə̂ in ndɔɔ̂ aw nday darə oto kakə-dəsə lə Jeju le. Ri dingaw le nan Simɔn, n̂-to dəw kə̂ bbe tə̂ kə̂ Sirɛnn, n̂-to bɔ Alɛkəjandərəje kə Rupusje.

Luku 14:27

Dəw kə̂ oto kakə-dəsə laa ang ddəm uwa gom ang ddəm a kasə ta to nje-nja gom tə̂ ang.

Luku 18:1

Jeju pa marə gusu-tar arə njê-njaje goe tə̂ ta tɔju nɛ̂n de to, to maji nya ta duju Lubba kə ndɔje tɔyn ddəm kə rɔ-nya ang ddəm.

Luku 21:19

Uwaje arəje ngəng mba təbbə ləse.»

Luku 5:5

Simɔn ilɛ̂ tə̂ nan: «Əbbə-dəwje, n-dda ndɔn til tə̂ ndərəng lo arɛ, a jinga nɛ̂n kâra ang. A bbo baann a, mâ kila ddəngəje le tokə tai pa.»

Luku 8:15

Kandə-ko kə̂ gayn dɔ nangə tə̂ kə̂ maji le tɔju njê kə̂ ooje tar lə Lubba kə mə kə̂ maji kə mə kə̂ gatə gatə, a n̂-ngəmje tar le, duwaje darə ngəng ngaâ n̂-naynje daw dandəje kandə.»

Tar kə̂ Maji kə̂ Jan dda makəturu tə̂ 15:21

«Dâ ddaje nɛ̂njeenn tɔyn kə se mba rim, mba n̂-gərəje dəw kə̂ ulam ang.

Rɔmɛnje 12:12

Maji karə ə-ddaje rɔ-nəəl mba nɛ̂n kə̂ aw undaje məse dɔɛ̂ tə̂. Maji karə ə-tɔje wurse mə nɛ̂n kəm-to-ndooje tə̂ kə̂ aw ingajese, ə-dujuje Lubba kə ndɔ tɔyn.

Rɔmɛnje 16:12

Ə-ddaje lapiya Tripɛnn de kə Tripoje. N̂-ddaje kula nya mba Əbbə-dəwje. Ə-ddaje lapiya Pɛrsidə kə̂ to kɔn-nannje kə̂ m-ndike nya. Ne kara n̂-dda kula nya mba Əbbə-dəwje.

Rɔmɛnje 2:7

Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.

Rɔmɛnje 8:25

A bbo jooje nɛ̂n kə kəmje ang bbay bba jaw jundaje məje dɔɛ̂ tə̂ a, jilaje məje pɔn jaw nginanje nɛ̂n nɛ̂ɛnn le.

1 Kɔrɛntinyɛje 13:7

Ndiki to tɔ-wur nɛ̂nje tə̂ tɔyn, n̂-ngəm mə-kunn nɛ̂nje tə̂ tɔyn, kunda-mə dɔ nɛ̂n tə̂ tɔyn, kuwa karə ngəng mə nɛ̂nje tə̂ tɔyn.

1 Kɔrɛntinyɛje 16:16

Yeenn a, maji karə ooje ta dəwje kə̂ tokə baann ddəm ooje ta dəwje kə̂ aw ilaje rɔde kula tə̂ kə de ddəm.

2 Kɔrɛntinyɛje 10:15

Kulaje lə marə dəwje â junda nɛ̂n guje jarə nday dɔɛ̂ ang. A junda məje ta bbo mə-kunn ləse bo kə kete kete a, ja kasə ta dda karə kula ləje kara aw kə kete kete horose tə̂. A ja nday ngangə lo kə̂ n̂-tɔjuje le ang.

2 Kɔrɛntinyɛje 11:23

N̂-toje to njê-kulaje lə Kristə wa? Mâ pa tar tokə nje-wooy: M-to nje-kula lə Kristə kə̂ utade bbay. M-dda kula mutade, dilam kəy-kula tə̂ gɔl banya utade, n̂-tundam dutade ngaâ maw ta yo tə̂ ngɔsi mutade.

2 Kɔrɛntinyɛje 4:1

Lubba â arəje kula le ddəw maji tə̂ laa. Mba yeenn bba, rɔje nyaje ddəwe tə̂ ang.

2 Kɔrɛntinyɛje 4:16

Mba yeenn bba, rɔje oy ang. Ngaâ, le da-rɔje aw tuju jann jann kara, jaw jubba singa məje tə̂ tokə siki kə ndɔ tɔyn.

2 Kɔrɛntinyɛje 5:9

Mba yeenn bba, le n-nayn mə da-rɔ tə̂ nəənn wase n-tee mə tə̂ kə ddang kara, nɛ̂n kə̂ n-ndiki to, karə nooje maji kəmɛ̂ tə̂.

2 Kɔrɛntinyɛje 6:5

Dəwje tundajeje, dilajeje kəy-kula tə̂, wooy dda dəwje dɔje tə̂, kula ɔru singaje, n̂-ddaje darə n-tibbi ang, joso labbə.

Galatəje 6:2

Maji karə otoje nɛ̂n-koto kə naan, yeenn â to dda kula kə ndu Kristə.

Galatəje 6:9

Maji karə n-ddaje maji, jarə rɔje nyaje tə̂ ang. Mba bbo juwa jarə ngəng ngaâ karɛ̂ asə a, ja kuja kandɛ̂.

Pilipinyɛje 2:16

sese kə̂ aw paje tar kə̂ aw arə təbbə arəjede le. Yeenn bba ndɔ kə̂ Kristə təl a, mâ kunda gum mbase. Nɛ̂ɛnn le a tɔju to m-dda kula m-tuju nɛ̂n singam baa ang ddəm moo nɛ̂n ndoo baa ang ddəm.

Pilipinyɛje 4:3

A əi, kə̂ ə-to nje-buwa-kula marəm kə̂ tɔkɔrɔ, m-duji karə uman dɛnɛ̂nje nəənn le. Mba dumanʼmje darə n-dda ddɔ n-tɔju nɛ̂n Tar kə̂ Maji jarə dəwje, dede kə Kleman kə marə njê-kula marəmje kə ride to makəturu təbbə tə̂.

Kolosinyɛje 1:11

Lubba a dda karə ingaje singa mə nɛ̂nje tə̂ tɔyn ddəw singa-mɔngu tə̂ laa kə̂ to nɛ̂n-piti. Baann bba â tɔje wurse ngaâ â kuwaje karə ngəng mə nɛ̂nje tə̂ tɔyn.

1 Tesalonisinyɛje 1:3

Kəm Lubba tə̂ kə̂ to Bɔjeje, jaw jole məje dɔ kulaje tə̂ kə̂ aw ddaje ddəw mə-kunn tə̂ ləse kə dɔ ndiki tə̂ ləse kə̂ aw dda kula. Jole məje dɔ məse tə̂ kə̂ aw undaje dɔ Əbbəjeje Jeju-Kristə tə̂ arəje ngəng le tɔ.

1 Tesalonisinyɛje 2:9

Ngakɔnje, oleje məse dɔ kulaje tə̂ ləje kə dɔ ndoo tə̂ kə̂ joo. Til kə kar, n-dda kula bba ta ddee to nɛ̂n-koto dɔ dəw tə̂ kâra horose tə̂ ang. Baann â jila nɛ̂n mbər Tar kə̂ Maji lə Lubba jarəse.

1 Tesalonisinyɛje 5:12

Ngakɔnje, n-dujuse bbay karə ə-bbəəlje dəwje kə̂ aw ddaje kula horose tə̂, dede kə̂ Əbbə-dəwje undade karə n̂-tɔjuse ddəw, karə n̂-ndəjəse le.

2 Tesalonisinyɛje 3:13

A see ngakɔnje, maji karə ə-ddaje maji kə dəwje bbo arəje rɔse nyase ddəwe tə̂ ang.

2 Tesalonisinyɛje 3:5

Maji karə Əbbə-dəwje tɔjuse ddəw karə ə-ndikije Lubba ngaâ karə Kristə dda arə ə-tɔje wurse.

2 Tesalonisinyɛje 3:8

N-duju dəw jarə arəje nɛ̂n-kusa baa ang. N-dda kula jarə ngəng, joo ndoo til kə kar, bba karə n-ddee to nɛ̂n-koto dɔ marə dəw tə̂ kâra horose tə̂ ang.

1 Timɔte 4:10

Jaw jooje ndoo wase jaw ddaje ddɔ mba məje kə̂ jundaje dɔ Lubba tə̂ kə̂ Nje-kisi kəm baa. Lubba kə̂ to Nje-kaji-dəwje tɔyn, uta tɔyn, n̂-to Nje-kaji njê-mə-kunnje.

1 Timɔte 5:17

Asə karə dəwje kə̂ dɔ Egilisi tə̂ kə̂ aw tɔjuje ddəw kə̂ maji dəwje ingaje kuka kə̂ bo. Uta tɔyn, dede kə̂ kula pa tar lə Lubba kə kula nɛ̂n-tɔju ɔɔyde nya.

Ebərəje 10:36

Maji karə uwaje arə ngəng bba â ddaje nɛ̂n kə̂ mə Lubba ndiki. Ngaâ goe tə̂ a, â kingaje nɛ̂n kə̂ nunn ndue ta karəse.

Ebərəje 12:1

Jeje, dəwje nya kə̂ ddaje nɛ̂n ddəw mə-kunn tə̂ le gukujeje. Yeenn a, maji karə n-mbətəje nɛ̂nje tɔyn kə̂ aw ɔɔyjeje, uta tɔyn majang kə̂ aw unguje mə bandə tə̂ laa kə ngɔru baa, ta jaynje ngɔru kə̂ Lubba dujuje karə jaynje le bbo jinyaje ddəwe ang.

Ebərəje 13:13

Yeenn a, maji karə n-teeje jawje rɔɛ̂ tə̂ ddaka, ta n-tɔ wurje jarə dəwje tajijeje saa tɔ.

Ebərəje 6:10

Lubba to gatə gatə ang bba məɛ̂ a koy dɔ nɛ̂nje kə̂ aw ddaje le ang ddəm ndiki kə̂ ə-ndikeje le ang ddəm. Ə-tɔjuje ndiki ləse le ddəw maji tə̂ kə̂ ə-ddaje kə kəsə njê-mə-kunnje ləw ngaâ ə-naynje aw ddaje bbay bbasinɛn le.

Ebərəje 6:12

Arəje dabbə ddase ang, a ə-ndajije dəwje kə̂ unnje məde ngaâ tɔje wurde nginanje ngaâ ingaje nɛ̂nje kə̂ Lubba unn ndue ta karəde.

Ebərəje 6:15

Abaraham tɔ wure nginan ngaâ ninga nɛ̂n kə̂ Lubba unn ndue ta karɛ̂ le.

2 Piyɛr 1:6

Nɛ̂n-gərə le, ilaje tɔ-bbo kə̂ da-rɔ tə̂ dɔɛ̂ tə̂, tɔ-bbo kə̂ da-rɔ tə̂ le, ilaje kuwa karə ngəng dɔɛ̂ tə̂, kuwa karə ngəng le, ilaje ngəm-rɔ mba Lubba dɔɛ̂ tə̂,

Apokalisi 1:9

Əman ngokɔnse Jan, moo ndoo kə se kâra baa. Əman kə sese tɔyn n-ddeeje to dəwje kə̂ mə Bbe-kɔn tə̂ lə Jeju ngaâ jaw juwaje jarə ngəng ddəw tə̂ laa. Duwam dulam dɔ dərə-ba tə̂ kə̂ ria nan Patəmos mba tar lə Lubba kə̂ mila mbəre ddəm mba tar-naji lə Jeju kə̂ maw pa ddəm.

Apokalisi 3:10

Ə-ngəm ndəjə ləm kə̂ mari karə uwa arə ngəng le. Yeenn bba, əman njaa kara mâ ngəmi kar tə̂ kə̂ nɛ̂n-nanje a ddeeje mba nan mə dəwje tɔyn kə̂ dɔ nangə tə̂.