Apokalisi 2:23 - Dɔnɔn kə̂ Siki: Tar kə̂ aw arə təbbə

²³ Mâ tɔl ngannɛ̂. Yeenn bba Egilisije tɔyn a gərəje to m-to dəw kə̂ aw gərə kəjəje lə dəwje ddəm bbo nɛ̂nje kə̂ to mə dəwje tə̂ ddəm. Mâ dda nɛ̂n kə se kâra kâra tɔyn asə kəm kula-ddase.

Maketuru le Lubba ke tar kabba

²³ Ma tɔl nganne. Yeenn bba Egilisije tɔyn a gereje to m-to dew ke aw gere kejeje le dewje ddem, bbo neje ke to me dewje te ddem. Ma dda ke se kara kara tɔyn ase kem kula-ddase.

Apokalisi 2:23 ပူးပေါင်းရင်းမြစ်များ

Matiye 16:27

Mba Ngonn lə dəw a ddee mə piti tə̂ lə Bɔɛ̂je kə anjəje laa. Nâ kuka dəw kâra kâra asə kula-ddɛɛ̂.

Luku 16:15

Jeju pa arəde nan: «Sese aw ddaje rɔse to dəwje kə̂ gatə gatə kəm dəwje tə̂. A Lubba gərə məse, mba nɛ̂n kə̂ dəwje ooje to nɛ̂n kə̂ ngəng kəmde tə̂, to nɛ̂n kə̂ maji ang nya kəm Lubba tə̂.

Tar kə̂ Maji kə̂ Jan dda makəturu tə̂ 21:17

Goe tə̂ a, n̂-duje kə̂ gɔl mota laa nan: «Simɔn ngonn lə Jan, ə-ndikim wa?» Yeenn ngaâ rɔ Piyɛr le nəəle ang mba tar kə̂ n̂-duje to gɔl mota laa nan: «Ə-ndikim wa?» le. Ngaâ nilɛ̂ tə̂ nan: «Əbbə-dəwje, ə-gərə nɛ̂n tɔyn. Ə-gərə to m-ndikii.» Jeju pa arɛ̂ nan: «Ə-ngəm batəje ləm.

Tar kə̂ Maji kə̂ Jan dda makəturu tə̂ 4:16

Jeju pa arɛ̂ nan: «Aw ə-bbar ngawije ta ə-təl ə-ddee nəənn.»

Kulaje 1:24

Goe tə̂ a n̂-dujuje Lubba nan: «Əi Əbbəjeje kə̂ ə-gərə nɛ̂n kə̂ to mə dəwje tə̂ tɔyn, horo dəwje tə̂ kə̂ joo nəənn ɔru dəw kə̂ məi ndiki

Rɔmɛnje 14:12

Yeenn a, jeje kâra kâra tɔyn ja kɔruje naji nɛ̂nje kə̂ n-ddaje, nɔn gɔl Lubba tə̂.

Rɔmɛnje 8:27

A Lubba kə̂ gərə mə dəw, gərə nɛ̂n kə̂ Ndil-mə-nda ndiki ta duju le. Mba Ndil-mə-nda aw duju Lubba mba tar lə dəwje lə Lubba kə ddəw kə̂ Lubba ndiki.

2 Kɔrɛntinyɛje 5:10

Mba, a to tar ləje tɔyn ta kar nɔn sariya tə̂ lə Kristə, karə dəw kâra kâra inga kuka laa mba kula-dda kə̂ maji wase kə̂ maji ang kə̂ n̂-dda kə da-rɔɛ̂ le, kar tə̂ kə̂ n̂-nayn nɛ̂n dɔ nangə tə̂.

Galatəje 6:5

Mba dəw kâra kâra a kɔru naji nɛ̂nje kə̂ n̂-dda nɔn gɔl Lubba tə̂.

Ebərəje 4:13

Nɛ̂n kâra kə̂ iya rɔɛ̂ nɔn Lubba tə̂ goto. Nɛ̂n tɔyn kə̂ Lubba dda to ddaka baa kəmɛ̂ tə̂. A ne Lubba le tɔ â, ja kɔru gəl nɛ̂nje tɔyn kə̂ n-ddaje karɛ̂je.

1 Piyɛr 1:17

Lubba aw gangə sariya dɔ dəwje tə̂ asə kəm kula-ddaje ləde, a naw nɔru kəm dəw ang. A bbo mə dujuje tə̂ kə̂ aw dujuje Lubba le aw bbarɛ̂je to Bɔ a, maji karə ə-bbəəleje kar tə̂ kə̂ ə-naynje nɛ̂n dɔ nangə tə̂ nəənn.

Apokalisi 2:11

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. Dəw kə̂ tətə ddɔ a, a koy yo kə̂ gɔl joo laa ang ngaa.»

Apokalisi 2:7

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. «Dəw kə̂ tətə ddɔ a, mâ karɛ̂ kandə kakə kə̂ aw arə dəw təbbə karə nusa. Kakə le to mə paradis tə̂ lə Lubba.»

Apokalisi 20:12

Ngaâ moo dəwje kə̂ oyje, njê kə̂ ngaji kə njê kə̂ bo, darje taar nɔn ngende-mbay tə̂ le. N̂-təəyn makəturuje, a n̂-təl n̂-təəyn marə makəturu bbay, to makəturu təbbə. Ngaâ n̂-gangə sariya dɔ dəwje tə̂ kə̂ oyje asə kəm kula-ddade, tokə ye kə̂ n̂-dda makəturuje tə̂ le.

Apokalisi 20:13

Ba-katə tee kə niinn dəwje kə̂ nayn məɛ̂ tə̂. Ngaâ yo kə lo lə dəwje kə̂ oyje teeje kə̂ niinn dəwje kə̂ toje məɛ̂ tə̂ arə n̂-gangə sariya dɔde tə̂ kâra kâra asə kəm kula-ddade.

Apokalisi 22:12

Jeju pa nan: «Oo, maw ddee ngɔsi baa. Maw ddee kə kuka lə dəw kâra kâra asə kula-ddɛɛ̂.

Apokalisi 6:8

A moo marə sunda kə̂ rɔɛ̂ tokə lə kam. Ri dəw kə̂ aal sunda le nan Yo. Ngaâ lo lə dəwje kə̂ oy aw unn goe. Bbo n̂-kayn dɔ nangə loe sɔ a, darəde singa karə n̂-tɔlje dəwje kə̂ dəbbə nangə tə̂ le loe kâra. Dâ tɔlje dəwje le kə tɔkə kiya ddəm bbo ddəm rɔ-to kə̂ maji ang ddəm ngaâ dâ karəje daje kə̂ muû kə̂ dɔ nangə tə̂ tɔlde tɔ.