Apokalisi 2:10 - Dɔnɔn kə̂ Siki: Tar kə̂ aw arə təbbə

¹⁰ Â koo ndoo, a arə bbəəle ddai ang. Əsu a kila marə dəwje ləse kəy-kula tə̂ mba nan nɛ̂n se. Dâ dda singa kə se ndɔ dɔku. Maji karə uwa arə ngəng ndərəng oy nɛ̂n a, mâ kari təbbə kə̂ to kə ndɔ kə ndɔ to əjɔkudɔ.

Maketuru le Lubba ke tar kabba

¹⁰ A koo ndoo, a, are bbeele ddai ang. Esu a kila mare dewje lese key-kula te mba na ne se. Da dda singa ke se ndɔ dɔku. Uwa are ngeng ndereng oy ne. A ma kari tebbe ke ke ndɔ ndɔ to ejɔkudɔ.

Apokalisi 2:10 ပူးပေါင်းရင်းမြစ်များ

Matiye 10:22

Dəwje tɔyn a mbətəjese mbam. A dəw kə̂ uwa arə ngəng ndərəng ddutu ndɔ tə̂ a, a kinga kaji.

Matiye 10:28

Dəwje kə̂ da-rɔ dəw â a kasəje ta tɔl bbo kəwn lə dəw ang, ə-bbəəljede ang. Lubba â maji karə ə-bbəəleje. Ne â nasə ta dda karə kəwn lə dəw ddəm da-rɔ dəw ddəm gotoje kə ddang kəm puru tə̂ kə̂ aw ɔn kə ndɔ kə ndɔ.

Matiye 24:13

A dəw kə̂ uwa arə ngəng ndərəng tee kɔnyɛ̂ tə̂ a, a kinga kaji.

Marke 13:13

Dəwje tɔyn a mbətəjese mbam. A dəw kə̂ uwa arə ngəng ndərəng tee kɔnyɛ̂ tə̂ a, a kinga kaji.»

Marke 8:35

Mba dəw kə̂ ndiki ta ngəm təbbə laa, təbbə laa le a nayn kə kɔrɔ̂. A dəw kə̂ təbbə laa nayn kə kɔrɔ̂ mbam ddəm mba Tar kə̂ Maji ddəm a kaji təbbə laa le.

Luku 21:12

«A dɔngɔr bba karə nɛ̂njeenn teeje le, dâ kuwase ngaâ dâ kula kəmse ndoo tə̂, dâ kilase ji dəwje tə̂ kəy mbɔn-naan tə̂, dâ kilase kəy-kula tə̂, dâ kaw kə se nɔn tɔkə mbayje tə̂ kə nɔn ngann mbayje tə̂ mbam.

Tar kə̂ Maji kə̂ Jan dda makəturu tə̂ 12:25

Dəw kə̂ ndiki təbbə laa a, təbbə laa le a nayn kə kɔrɔ̂. A dəw kə̂ oo təbbə laa dɔ nangə tə̂ nəənn to nɛ̂n ang, təbbə laa le a nayn kə lo-toe mba təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 13:2

Jeju kə njê-njaje goe tə̂ disije ta nɛ̂n-kusa tə̂ lo-kul tə̂. A əsu ula kəjə kila Jeju ji dəwje tə̂ mə Judas tə̂ kə̂ to ngonn lə Simɔn Iskariyotə tokə kete mban.

Tar kə̂ Maji kə̂ Jan dda makəturu tə̂ 13:27

Judas taa muru le a, Satan andə məɛ̂ tə̂. Jeju pa arɛ̂ nan: «Nɛ̂n kə̂ a ta dda le, ə-dda njangə.»

Kulaje 20:24

Moo təbbə ləm to nɛ̂n kəmʼm tə̂ ang. Nɛ̂n kə̂ m-ndiki njaa to ənga dda kula kə̂ Əbbə-dəwje Jeju inya jim tə̂ ndərəng kɔsu kɔnyɛ̂. Kula le to kula kila mbər Tar kə̂ Maji kə̂ to mə-maji lə Lubba.

Kulaje 21:13

A Pɔl ila tə̂ nan: «Mba ddi bba aw nɔnje ngaâ aw ddaje arə məm aw gangə maann wa? Bbo n̂-tɔm kə kula wase n̂-tɔləm Jerujalɛm mba ri Əbbə-dəwje Jeju njaa kara m-ndiki tə̂.»

1 Kɔrɛntinyɛje 9:25

Dəwje tɔyn kə̂ aw gɔlje rɔde mba kayn ngɔru aw sangəje rɔde marə nɛ̂nje tə̂ nya. Daw ddaje baann, mba kinga nɛ̂n kuka kə̂ a tuju marə ndɔ. A jeje jaw ddaje tokə baann, mba kinga nɛ̂n kuka kə̂ a tuju ang ndɔ kâra ang.

Epɛjinyɛje 2:2

Aw unnje go kula-dda lə dəwje kə̂ duninya tə̂ nəənn. Aw ooje ta mbay le ndilje kə̂ maji ang kə̂ eeje mə ləl tə̂. Ne mbay le â n̂-to ndil kə̂ maji ang kə̂ aw dda kula rɔ dəwje tə̂ kə̂ aw mbətəje ta Lubba.

Epɛjinyɛje 6:12

To dəw â jaw ddaje ddɔ saa ang. Jaw ddaje ddɔ kə ndilje kə̂ aw ɔnje mbay, njê-singaje kə̂ duninya tə̂ nəənn kə̂ to lo ndul tə̂ kə ndilje kə̂ maji ang kə̂ mə dara tə̂.

Jakə 1:12

Maji arə dəw kə̂ ore wure mə nɛ̂n-nanje tə̂ dang dang, mba bbo n̂-nɛɛ̂n doo ngaâ nasə a, nâ kinga kuka. Kuka le kə̂ to təbbə kə̂ Əbbə-dəwje unn ndue ta karə dəwje kə̂ ndikeje.

1 Piyɛr 5:4

A bbo ndɔ kə̂ Mbay kə̂ dɔ njê-ngəmje dəwje tə̂ lə Lubba tɔyn unda lo tee a, â kingaje əjɔkudɔ kə̂ a tuju ndɔ kâra ang kə̂ to nɛ̂n-piti.

1 Piyɛr 5:8

Maji karə ə-gərəje dɔ jise. Arəje kəmse kətərə. Əsu kə̂ to Nje-baan ləse aw gukuse tokə lə ənam kə̂ aw nɔn. Naw sangə dəw ta kusɛ̂.

Apokalisi 13:14

Nərə dəwje kə̂ dɔ nangə tə̂ ddəw nɛ̂n-mɔrije tə̂ kə̂ darɛ̂ singa karə n̂-dda dɔ kəm da tə̂ kə̂ in mə maann tə̂ tee le, narə dəwje le ddaje marə kɔr kə̂ unn da-rɔ da kə̂ inga do tɔkə kiya, a nayn kəm baa le.

Apokalisi 13:2

Da kə̂ mooe le unn da-rɔ kakə. Gɔlɛ̂ tokə gɔl ənjakəmnjar, a tɛɛ̂ tokə ta ənam. Tɔkə da kə̂ unn da-rɔ mar le arɛ̂ singa-mɔngu laa kə ngende-mbay laa kə singa kə̂ ngəng nya.

Apokalisi 13:7

Darɛ̂ ddəw karə n̂-dda ddɔ kə dəwje lə Lubba ngaâ ta tətəde kə ddɔ. Darɛ̂ singa dɔ dəwje tə̂ kə̂ gəl-kujude dang dang tɔyn, dɔ dəwje tə̂ kə̂ bbeje tə̂ tɔyn kə dɔ dəwje tə̂ kə̂ ndɔn-tarje ləde toje dang dang tɔyn kə dɔ dəwje tə̂ kə̂ gəlde dang dang tɔyn.

Apokalisi 17:14

Dâ dda ddɔ kə Ngonn batə le, a Ngonn batə le a tətəde kə ddɔ, mba n̂-to Əbbə-əbbə-dəwjeje ddəm n̂-to Mbay-dɔ-mbayje ddəm. Njê kə̂ Lubba bbarde kə njê kə̂ n̂-mbərəde kə dəwje laa kə̂ eeje saa a tətəjede kə ddɔ tɔ.»

Apokalisi 2:13

M-gərə lo kə̂ ə-dda bbe tə̂ kə majɛ̂: Ngende-mbay lə Satan to tə̂ənn. A dɔ ndɔ tə̂ kə̂ n̂-tɔl nɛ̂n Antipas kə̂ to nje-tar-naji ləm kə̂ gatə gatə bbeê ləse kə̂ Satan dda bbe tə̂ le njaa kara ə-nayn gom tə̂ nyɔm bbo ə-tusu məi kə̂ unn arəm le inya ang.

Apokalisi 2:9

M-gərə nɛ̂n-singaje kə̂ aw ingai kə ndoo kə̂ ə-ndoo. A kə̂ tɔkɔrɔ tə̂, ə-to nje-nɛ̂n-kinga. M-gərə tarje kə̂ maji ang kə̂ dəwje kə̂ toje to Jiipije ang, a aw ddaje rɔde to Jiipije aw paje dɔi tə̂. N̂-toje to dəwje kə̂ mə mbɔn-naan tə̂ lə Satan.