Apokalisi 19:6 - Dɔnɔn kə̂ Siki: Tar kə̂ aw arə təbbə

⁶ Moo marə ndu tokə ndu dəwje kə̂ banya ddəm tokə kɔru tɔkə maann ddəm tokə kɔru ndi kə̂ ndangə kə singa ddəm. Ndu le pa nan: «Aleluya! Mba Əbbə-dəwje Lubba, Nje-singa-mɔngu aw ɔn bbe ngaa.

Maketuru le Lubba ke tar kabba

⁶ Moo mare ndu toke ndu dewje ke banya ddem, toke kɔru tɔku maann ddem, toke kɔru ndi ke ndange ke singa ddem. Ndu le na: «Aleluya! Mba Ebbe-dewje Lubba, Nje-singa-mɔngu aw ɔn bbe ngaa.

Apokalisi 19:6 ပူးပေါင်းရင်းမြစ်များ

Matiye 6:13

Inya arə marə nɛ̂n nanje ang. A ɔruje ji Nje-mə-majang tə̂. [Mba əi njaa kɔn-mbay, singa-mɔngu kə piti toje to ləi kə ndɔ kə ndɔ! Amɛnn.]

Apokalisi 1:15

Gɔlɛ̂ tokə lə njamnji kə̂ dula purô darə ndɔnrɛn ngaâ ndue bbar tokə lə kɔru tɔkə ba kə̂ aw ula.

Apokalisi 1:8

Əbbə-dəwje Lubba pa nan: «M-to Alpa ddəm Omega ddəm. M-to ne kə̂ n̂-to bbokənɛn, ne kə̂ n̂-to ləw kə ne kə̂ naw ddee. M-to nje-singa-mɔngu.»

Apokalisi 12:10

Moo marə ndu bbar kə singa mə dara tə̂ nan: «Bbasinɛn Lubba ajije ngaa, n̂-tɔju singa-mɔngu kə kɔn-mbay laa ngaa. Mesi laa tɔju singa laa ngaa. Mba duta ne nje-kunda tar dɔ ngakɔnje tə̂ le dilɛ̂ nangə̂ mban, ne kə̂ naw nunda tar dɔde tə̂ nɔn Lubba tə̂ til kə kar le.

Apokalisi 14:2

Moo marə ndu bbar mə dara tə̂ tokə kɔru tɔkə ba kə̂ aw ula ddəm tokə ndi kə̂ aw ndangə kə singa ddəm. Ndu kə̂ moo le bbar tokə kɔru konde kə̂ dəwje aw əmje.

Apokalisi 19:1

Goe tə̂ a, moo marə ndu bbar bo tokə ndu dəwje kə̂ banya mə dara tə̂ nan: «Aleluya! Kaji, piti kə singa-mɔngu toje to lə Lubba ləje.

Apokalisi 19:4

Tɔkəje kə̂ dɔjoo gire sɔ le kə nɛ̂nje kə̂ toje kəm baa kə̂ sɔ le ɔsuje məkəjə-gɔlde nangə̂ ngaâ poloje Lubba kə̂ isi ngende-mbay tə̂ laa. N̂-paje nan: «Amɛnn! Aleluya!»

Apokalisi 21:22

A moo kəy-polo Lubba mə tɔkə bbe tə̂ le ang. Mba Əbbə-dəwje Lubba kə̂ Nje-singa-mɔngu njaa, de kə Ngonn batə â n̂-toje to kəy-polo Lubba kə̂ mə tɔkə bbe tə̂ le.

Apokalisi 4:5

Təəl lə ndi, kɔru nɛ̂nje kə ndangə lə ndi inje ngende-mbay tə̂ kə̂ to dannâ le aw teeje. Puru-ngeelje siri kə̂ aw ɔnje kə singa toje nɔn ngende-mbay tə̂ le. Puru ngeeljeenn le toje to ndilje lə Lubba kə̂ siri le.

Apokalisi 6:1

Goe tə̂ a, moo Ngonn batə le ɔru nɛ̂n kə̂ to dɔngɔrɛ̂ kə̂ n̂-lətə nɛ̂n ta makəturu loe siri le. A nɛ̂nje kə̂ toje kəm baa le, moo əkii lə marɛ̂ kâra bbar tokə ndi kə̂ ndangə nan: «Ə-ddee!»

Apokalisi 8:5

Anjə le unn ngonn jo ro dukann le ungu puru kə̂ dɔ bann tə̂ le məɛ tə̂ ddusu ngaâ bi ila dɔ nangə tə̂. Njangə baa a, ndi ndangə, kɔru ndu nɛ̂nje bbar, ndi təəl ngaâ nangə yəkə.