Apokalisi 19:14 - Dɔnɔn kə̂ Siki: Tar kə̂ aw arə təbbə

¹⁴ Njê-ddɔje kə̂ darâ isije dɔ sundaje tə̂ kə̂ nda ngaâ aw ɔruje goe. Dulaje kubbu lɛɛn kə̂ kura, kə̂ nda kə̂ nɛ̂n-yərəw ɔru ang.

Maketuru le Lubba ke tar kabba

¹⁴ Nje-ddɔje ke darâ isije dɔ sundaje te ke nda, ngaa aw ɔruje goe. Dulaje kubbu len ke kura, ke nda, ngaa ne-yerew ɔru ang.

Apokalisi 19:14 ပူးပေါင်းရင်းမြစ်များ

Matiye 21:5

«Ə-paje arə dəwje kə̂ Sinyɔ: Ooje, mbay ləse aw ddee kə rɔse tə̂, n̂-to dəw kə̂ wul pee, nisi dɔ kɔn kororo tə̂, kə dɔ ngonn kororo tə̂ kə̂ to da kə̂ daw dda nɛ̂n kula.»

Matiye 26:53

Ə-gərə ang wa? Masə ta bbar Bɔy karə nula kə anjəje kə̂ toje to njê-ddɔje tokə banya narəm.

Matiye 28:3

N̂-ndɔnrɛn tokə ndi kə̂ təəl ngaâ kubbu laa nda tokə lə nɛyn.

2 Tesalonisinyɛje 1:7

Ngaâ karə n̂-dda narə sese kə̂ aw ooje ndoo le kara, uwaje rɔse kə je, kar tə̂ kə̂ Əbbə-dəwje Jeju a kunda lo tee ngaâ a kin darâ ddee kə anjəje laa kə̂ toje to njê-singa-mɔnguje le.

Judə 1:14

Enɔkə kə̂ to kajeje kə̂ to siri laa go kajeje Adam tə̂, ila mbər tar dɔde tə̂ nan: «Ooje, Əbbə-dəwje kə anjəje laa doro doro dâ ddeeje,

Apokalisi 14:1

Maa lo bbay a, moo Ngonn batə le ar dɔ ddingiri tə̂ kə̂ Sinyɔ. Dəwje doro kɔr kâra kə dɔsɔ gire sɔ (144 000) eeje mbɔrɛ̂ tə̂. Ri Ngonn batə le kə ri bɔɛ̂je toje əngo-nɔnde tə̂.

Apokalisi 14:20

Dore binyə mə nɛ̂n-kore-maann binyə tə̂ le giri bbe tə̂ ddaka. Məsə in mə nɛ̂n-kore-maann binyə tə̂ le tee ngaâ siri kə taar ndərəng taa lo asə kilometere kɔr mota (300). Bbo sunda uru mə məsə tə̂ le a, məsə le a kuwɛ̂ tɛɛ̂ tə̂, lo kilɛ̂ jam tə̂.

Apokalisi 17:14

Dâ dda ddɔ kə Ngonn batə le, a Ngonn batə le a tətəde kə ddɔ, mba n̂-to Əbbə-əbbə-dəwjeje ddəm n̂-to Mbay-dɔ-mbayje ddəm. Njê kə̂ Lubba bbarde kə njê kə̂ n̂-mbərəde kə dəwje laa kə̂ eeje saa a tətəjede kə ddɔ tɔ.»

Apokalisi 19:11

Goe tə̂ a, moo dara təəyn, a moo sunda kə̂ nda. Dəw kə̂ aal sunda le ria nan: «Dəw kə̂ aw dda nɛ̂n kə dɔgɔlɛ̂, Dəw kə̂ tɔkɔrɔ.» Naw gangə sariya ngaâ naw dda ddɔ ddəw nɛ̂n tə̂ kə̂ gatə gatə.

Apokalisi 19:8

Darə nula kubbu lɛɛn kə̂ ndɔnrɛn kə̂ nɛ̂n-yərəw ɔru ang.» Mba kubbu lɛɛn le to kula-ddaje kə̂ gatə gatə kə̂ dəwje lə Lubba ddaje.

Apokalisi 3:4

A marə dəwje kə̂ eeje horose tə̂ Sardə le ngəmje rɔde arə nɛ̂n-yərəw ɔru kubbu ləde ang. Dâ kulaje kubbu kə̂ nda bba dâ njaje nɛ̂n səm, mba dasəje njaa.

Apokalisi 4:4

Marə ngende-mbayje dɔjoo gire sɔ gukuje dɔ ngende-mbay le ngaâ tɔkəje dɔjoo gire sɔ isije dɔɛ tə̂ kâra kâra tɔyn. Dulaje kubbu kə̂ nda ngaâ dundaje əjɔkudɔ kə̂ n̂-dda kə andə-narɛ dɔde tə̂.

Apokalisi 7:9

Goe tə̂, maa lo bbay a, moo dəwje tokə banya. Dəw asə turade ang. Dinje horo dəwje tə̂ kə̂ gəlde dang dang tɔyn, horo njê kə̂ bbeje tə̂ dang dang, horo njê kə̂ nangəje tə̂ dang dang kə horo njê kə̂ ndɔn-tarje ləde to dang dang. Darje nɔn ngende-mbay tə̂, nɔn Ngonn batə tə̂ le. Dulaje tɔkə kubbu kə̂ nda ngaâ duwaje kam mburu jide tə̂.