Apokalisi 19:12 - Dɔnɔn kə̂ Siki: Tar kə̂ aw arə təbbə

¹² Kəmɛ̂ to tokə puru kə̂ aw ɔn. Əjɔkudɔ tokə banya toje dɔɛ̂ tə̂. N̂-dda marə ri rɔɛ̂ tə̂, a ne kə̂ karɛ̂ baa njaa n̂-gərə ri le.

Maketuru le Lubba ke tar kabba

¹² Keme to toke puru ke aw ɔn. Ejɔkudɔ banya banya toje dɔe te. N̂-dda mare ri rɔe te, a ne ke kare baa njaa n̂-gere ri le.

Apokalisi 19:12 ပူးပေါင်းရင်းမြစ်များ

Matiye 11:27

«Bɔy inya nɛ̂nje tɔyn jim tə̂. Dəw kâra gərə Ngonn le ang. Bɔ kâra baa â gəre. Dəw gərə Bɔ le ang. Ngonn le kâra baa â gəre, a dəw kə̂ Ngonn le ndiki ta tɔjɛ̂ Bɔ le bba a gərə Bɔ le tɔ.»

Matiye 21:5

«Ə-paje arə dəwje kə̂ Sinyɔ: Ooje, mbay ləse aw ddee kə rɔse tə̂, n̂-to dəw kə̂ wul pee, nisi dɔ kɔn kororo tə̂, kə dɔ ngonn kororo tə̂ kə̂ to da kə̂ daw dda nɛ̂n kula.»

Matiye 28:18

Jeju ddee ngɔsi kə de, pa arəde nan: «Lubba arəm singa tɔyn darâ ddəm nangə̂ ddəm.

Luku 10:22

Bɔy inya nɛ̂nje tɔyn mə jim tə̂. Dəw kâra gərə Ngonn le ang. Bɔ kâra baa â gəre. Dəw gərə Bɔ le ang. Ngonn le kâra baa â gəre, a dəw kə̂ Ngonn le ndiki ta tɔjɛ̂ Bɔ le bba a gərə Bɔ le tɔ.»

Tar kə̂ Maji kə̂ Jan dda makəturu tə̂ 17:11

Mee duninya tə̂ ang ngaa, a dede deeje duninya tə̂ nəənn. Əman maw kə rɔi tə̂. Bɔ kə̂ maji tɔyn, maji karə ə-ngəmde ddəw singa tə̂ ləi, singa kə̂ arəm le karə n̂-toje kâra baa tokə əman je səi n-to kâra baa.

Tar kə̂ Maji kə̂ Jan dda makəturu tə̂ 17:12

Kar kə̂ m-nayn kə de bbay le, maw ngəmde ddəw singa tə̂ ləi kə̂ arəm. M-ngəmde marə dəw kâra horode tə̂ nayn kɔrɔ̂ ang. Bbayɛ̂ â to ne kə̂ nâ nayn kə kɔrɔ̂ le, yeenn bba karə tar kə̂ Makəturu tə̂ ləi ddee to tar kə̂ tɔkɔrɔ.

Epɛjinyɛje 1:21

dɔ ndilje tə̂ tɔyn kə̂ aw ɔnje mbay, dɔ singa-mɔnguje tə̂ tɔyn kə dɔ rije tə̂ tɔyn kə̂ dəwje aw bbar nangə̂ nəənn, ndɔ tə̂ kə̂ bbokənɛn ddəm kə̂ bara ddəm.

Ebərəje 2:9

A nɛ̂n kə̂ joo â nəənn: Jeju le Lubba dda arə n̂-ddee to dəw kə̂ ta-gɔl anjəje tə̂ mba gɔju kar bba karə ddəw mə-maji tə̂ lə Lubba noy mba dəwje tɔyn. Yeenn ngaâ bbasinɛn ninga piti kə kɔsu gaji mba koy kə̂ noy le.

Apokalisi 1:14

Biin-dɔɛ̂ nda bal bal tokə lə bin, ang a, tokə lə əəl kə̂ ria nan əkəəw. Kandə kəmɛ̂ to tokə lə puru kə̂ aw ɔn.

Apokalisi 12:3

Marə nɛ̂n dang təl ubba mə dara tə̂ bbay. Marə tɔkə da kə̂ unn da-rɔ mar, rɔɛ̂ kasɛ̂ tokə lə puru, dɔɛ̂ siri a gajɛ̂ dɔku. Əjɔkudɔje siri toje dɔɛ̂je tə̂ kə̂ siri le.

Apokalisi 13:1

Goe tə̂ a, moo marə da in mə ba-katə tə̂ tee. Gajɛ̂ ee dɔku, a dɔɛ̂ ee siri. Əjɔkudɔ dɔku toje dɔ gajɛ̂je tə̂ le kâra kâra ngaâ n̂-dda rije kə̂ toje to ri taji Lubba dɔɛ̂je tə̂ le kâra kâra tɔyn.

Apokalisi 19:16

N̂-dda marə ri kubbu tə̂ laa kə̂ ngal le ddəm binge tə̂ ddəm nan: «Mbay-dɔ-mbayje kə Əbbə-əbbə-dəwjeje.»

Apokalisi 3:12

Dəw kə̂ tətə ddɔ a, mâ ddɛɛ̂ to kakə gaji mə kəy-polo Lubba tə̂ ləm ngaâ nâ tee ddaka ndɔ kâra ang ngaa. Mâ dda ri Lubba ləm kə ri bbe lə Lubba ləm dɔɛ̂ tə̂. Ri bbe lə Lubba ləm le nan «Jerujalɛm kə̂ siki» kə̂ in rɔ Lubba tə̂ ləm darâ ddisi kə nangə̂. Mâ kunda rim kə̂ siki dɔɛ̂ tə̂ tɔ.

Apokalisi 6:2

Maa lo a, moo sunda kə̂ nda. Dəw kə̂ aal sunda le uwa giri-kɔndɔrɔ jia tə̂. Darɛ̂ əjɔkudɔ ngaâ naw to nje-tətə-ddɔ njaa ta tətə ddɔ.