Apokalisi 18:6 - Dɔnɔn kə̂ Siki: Tar kə̂ aw arə təbbə

⁶ Maji karə ə-ddaje saa nɛ̂n tokə ye kə̂ n̂-dda kə njê-marɛ̂je. Nɛ̂n kə̂ n̂-dda kə dəw gɔl kâra a, ə-ddaje saa gɔl joo. Əngo kə̂ nungu koto bɛn mə tə̂ a, unguje tə̂ gɔl joo arɛ̂je.

Maketuru le Lubba ke tar kabba

⁶ E-ddaje saa ne ddew kara baa toke ye ke n̂-dda ke nje-mareje. Ne ke n̂-dda ke dew gɔl kara a, e-ddaje saa gɔl joo. Engo ke nungu ben me te a, unguje te gɔl joo areje.

Apokalisi 18:6 ပူးပေါင်းရင်းမြစ်များ

2 Timɔte 4:14

Alɛkəjandərə kə̂ to nje-dda-kɔru ddam maji ang nya. Əbbə-dəwje a təl nɛ̂n karɛ̂ asə kula-ddɛɛ̂.

Apokalisi 13:10

Bbo dəw kə̂ to ta karə duwɛ̂ bbərə tə̂ a, dâ kuwɛ̂ bbərə tə̂. Bbo dəw kə̂ to karə n̂-tɔlɛ̂ kə tɔkə kiya a, dâ tɔlɛ̂ kə tɔkə kiya. Kar nəənn to kar kə̂ ta karə dəwje lə Lubba tɔje wurde ngaâ uwaje mə-kunn ləde arə ngəng.

Apokalisi 14:10

ne kara nâ kay bɛn tɔkə wungu lə Lubba, bɛn kə̂ n̂-pole kə maann ang a dungu mə əngo wungu tə̂ laa. Ngaâ nâ koo ndoo kəm puru tə̂ kə kəm supərə tə̂, kəm anjəje tə̂ kə̂ majije tɔyn ddəm kəm Ngonn batə tə̂ ddəm.

Apokalisi 16:19

Babilɔnn kə̂ to bbe-bo le kayn loe mota ngaâ tɔkə bbeje lə gəl-dəwje osoje. Yeenn ngaâ Lubba ole məɛ̂ dɔ Babilɔnn bbe-bo tə̂ le ngaâ arə bɛn kə̂ to wungu laa kə̂ aw ɔn to puru mə əngo tə̂ dəwje kə̂ mə bbe tə̂ le ayje.

Apokalisi 17:2

Ne â tɔkə mbayje kə̂ dɔ nangə tə̂ ddaje nɛ̂n-kaya dɔɛ̂ tə̂ ngaâ dəwje kə̂ dɔ nangə tə̂ ayje bɛn kaya laa arə ddade.»

Apokalisi 17:4

Dɛnɛ̂n le ula kubbu kə̂ kasɛ kə̂ kura ngaâ ndɔnrɛn. Nula nɛ̂n-mandəje kə̂ n̂-dda kə andə-narɛ kə kɔr ərje kə̂ gatɛ̂ ngəng kə mərəje. Nuwa əngo andə-narɛ jia tə̂. Nɛ̂n-yərəwje kə nɛ̂n-kayaje laa kə̂ asə koo kə kəm ang ddusuje mə əngo le.

Apokalisi 18:20

Dəwje kə̂ darâ, ə-ddaje rɔ-nəəl mba koso lə Babilɔnn le. See dəwje lə Lubba, see njê-kaw-kulaje kə njê-kilaje mbər tar lə Lubba, ə-ddaje rɔ-nəəl tɔ, mba Lubba gangə sariya dɔɛ̂ tə̂ mba nɛ̂n kə̂ n̂-dda kə se le.