Apokalisi 18:3 - Dɔnɔn kə̂ Siki: Tar kə̂ aw arə təbbə

³ Mba gəl-dəwje tɔyn ayje koto bɛn kaya laa kə̂ ɔn to puru le. Tɔkə mbayje kə̂ dɔ nangə tə̂ ddaje nɛ̂n-kaya dɔɛ̂ tə̂. Ngaâ njê-nɛ̂n-labbəje kə̂ dɔ nangə tə̂ ingaje nɛ̂n nya ɔju dɔ nɛ̂n-kingaje kə̂ gatɛ̂ ngəng kə̂ n̂-dda bboe nya le.»

Maketuru le Lubba ke tar kabba

³ Mba gel-dewje tɔyn ayje ben kaya laa ke wɔn to puru le. Tɔku mbayje ke dɔ nange te ddaje ne-kaya dɔe te. Ngaa nje-ne-labbeje ke dɔ nange te ingaje ne nya wɔju dɔ ne-kingaje ke gate ngeng ke n̂-dda bboe nya le.»

Apokalisi 18:3 ပူးပေါင်းရင်းမြစ်များ

Luku 7:25

A ddi njaa â awje aw ooje wa? Aw ooje dəw kə̂ ula kubbu kə̂ kura wa? Njê kə̂ ulaje kubbu kə̂ kura ngaâ toje to njê-nɛ̂n-kingaje isije kəy mbayje tə̂.

1 Timɔte 5:11

Maji karə ə-dda ri dɛnɛ̂n-ndubbaje kə̂ naynje kə singade bbay horo marɛ̂je tə̂ ang. Mba ndɔ kə̂ bbo kə̂ da-rɔ tə̂ ddade a, dâ kinyaje go Jeju-Kristə ta taa ngaw.

Apokalisi 14:8

Marə anjə kə̂ to joo laa ddee go ne tə̂ kə̂ dɔngɔr le ngaâ pa nan: «Babilɔnn kə̂ to bbe-bo le oso mban, oso mban. Ne a narə dəwje kə̂ gəlde dang dang tɔyn ayje bɛn kaya laa kə̂ ɔn to puru le.»

Apokalisi 17:2

Ne â tɔkə mbayje kə̂ dɔ nangə tə̂ ddaje nɛ̂n-kaya dɔɛ̂ tə̂ ngaâ dəwje kə̂ dɔ nangə tə̂ ayje bɛn kaya laa arə ddade.»

Apokalisi 18:19

Daw jinje əbaburu nangə dunguje dɔde tə̂, n̂-nɔnje, n̂-ndingaje ndoo n̂-paje nan: «Nɛ̂n kəm-to-ndoo bbo! Nɛ̂n kəm-to-ndoo bbo! Bbe-bo, bbe kə̂ ddəw nɛ̂n-kinga tə̂ laa kə̂ banya, njê tɔkə toje tɔyn ingaje nɛ̂n nɛ̂n le, mə gɔl kar tə̂ kâra baa njaa n̂-təl to dɔ-ndubba bbo!»

Apokalisi 18:23

Puru lambe a ndoko mə bbe tə̂ ləi ang ngaa ddəm dəw a koo ndu basan de kə ngonn mandə kə̂ n̂-taaje naan tokə siki bbeê ləi ang ngaa ddəm mba njê-nɛ̂n-labbəje kə̂ bbeê ləi toje to dəwje kə̂ ngəng kə̂ dɔ nangə tə̂ ngaâ ərə gəl-dəwje tɔyn kə nɛ̂n-kumanje ləi kə̂ aw dda arə n̂-ndəəmje ddəw.

Apokalisi 18:7

N̂-ndiki kɔsu gaji rɔɛ̂ nya ddəm n̂-ndiki nɛ̂n-kinga nya ddəm. Yeenn bba, ulaje kəmɛ̂ ndoo, arəje nuwa ndoo tokə baann tɔ. Mba n̂-pa məɛ̂ tə̂ nan: ‹Misi to dɛnɛ̂n-mbay, m-to dɛnɛ̂n-ndubba ang ngaâ mâ kuwa-ndoo ndɔ kâra ang.›

Apokalisi 18:9

Yeenn ngaâ tɔkə mbayje tɔyn kə̂ dɔ nangə tə̂ kə̂ ddaje nɛ̂n-kaya dɔɛ̂ tə̂ ddəm ddaje saa bbo nɛ̂n-kingaje ddəm le a nɔnje ngaâ dâ ndingaje rɔde kar tə̂ kə̂ dâ kooje sa-puru kə̂ aw ɔɛ̂n le.