Apokalisi 18:23 - Dɔnɔn kə̂ Siki: Tar kə̂ aw arə təbbə

²³ Puru lambe a ndoko mə bbe tə̂ ləi ang ngaa ddəm dəw a koo ndu basan de kə ngonn mandə kə̂ n̂-taaje naan tokə siki bbeê ləi ang ngaa ddəm mba njê-nɛ̂n-labbəje kə̂ bbeê ləi toje to dəwje kə̂ ngəng kə̂ dɔ nangə tə̂ ngaâ ərə gəl-dəwje tɔyn kə nɛ̂n-kumanje ləi kə̂ aw dda arə n̂-ndəəmje ddəw.

Maketuru le Lubba ke tar kabba

²³ Puru lambe a ndoko me bbe te lei ang ngaa ddem, dew a koo ndu basan de ke ngonn mande ke n̂-taaje naa toke siki bbe lei ang ngaa ddem, mba nje-ne-labbeje ke bbe lei toje to dewje ke ngeng ke dɔ nange te, ngaa ne-kumaje lei ke aw dda ereje gel-dewje tɔyn.

Apokalisi 18:23 ပူးပေါင်းရင်းမြစ်များ

Kulaje 8:11

Daw tukaje mbide daw dooje nɛ̂n tar laa, mba n̂-dda nɛ̂nje kə̂ dum dɔde bbal banya nya ddəw nɛ̂n-mɔrije tə̂ laa kə̂ naw dda.

Apokalisi 12:9

Dunn tɔkə da le, ne li kə̂ ləw baa kə̂ daw bbarɛ̂ nan Əsu, Satan, ne nje-kərə dəwje kə̂ dɔ nangə tə̂ tɔyn le, ne kə anjəje laa le n̂-tutade n̂-tilade dɔ nangə tə̂.

Apokalisi 17:2

Ne â tɔkə mbayje kə̂ dɔ nangə tə̂ ddaje nɛ̂n-kaya dɔɛ̂ tə̂ ngaâ dəwje kə̂ dɔ nangə tə̂ ayje bɛn kaya laa arə ddade.»

Apokalisi 17:5

N̂-dda marə ri əngo-nɔɛ̂n tə̂, to ri kə̂ dəw gərə kandɛ̂ ang. Ri le nan: «Babilɔnn bbe-bo, kɔn dɛnɛ̂n njê-kayaje, kɔn nɛ̂nje kə̂ dɔ nangə tə̂ kə̂ asə ta koo kə kəm ang.»

Apokalisi 18:22

Dəw a koo kɔru nɛ̂n-kəm lə njê-kondeje bbe ləi ang ngaa ddəm ndu njê-nɔn-paje ang ngaa ddəm kɔru njê-kɔlje mbula, kə njê-toje təbbə ang ddəm. Dəw a kinga nje-gusu kə̂ aw dda marə kula kâra bbe ləi ang ngaa ddəm dəw a koo kɔru nɛ̂n kə̂ daw duru birî bbeê ləi ang ngaa ddəm.

Apokalisi 18:3

Mba gəl-dəwje tɔyn ayje koto bɛn kaya laa kə̂ ɔn to puru le. Tɔkə mbayje kə̂ dɔ nangə tə̂ ddaje nɛ̂n-kaya dɔɛ̂ tə̂. Ngaâ njê-nɛ̂n-labbəje kə̂ dɔ nangə tə̂ ingaje nɛ̂n nya ɔju dɔ nɛ̂n-kingaje kə̂ gatɛ̂ ngəng kə̂ n̂-dda bboe nya le.»

Apokalisi 18:9

Yeenn ngaâ tɔkə mbayje tɔyn kə̂ dɔ nangə tə̂ kə̂ ddaje nɛ̂n-kaya dɔɛ̂ tə̂ ddəm ddaje saa bbo nɛ̂n-kingaje ddəm le a nɔnje ngaâ dâ ndingaje rɔde kar tə̂ kə̂ dâ kooje sa-puru kə̂ aw ɔɛ̂n le.

Apokalisi 21:8

A njê-bbəəlje, njê kə̂ tusuje mə-kunn inyaje, njê-nɛ̂n-ddaje kə̂ maji ang, njê-tɔlje dəwje, njê-ddaje lo-to-majang, njê-maalje, njê-poloje kɔr kə njê-ngəmje tɔyn, lo ləde to mə ndakə puru kə supərə tə̂. Yeenn to yo kə̂ gɔl joo laa.»

Apokalisi 22:15

See dəwje kə̂ ə-toje tokə lə bisije, njê-maalje kə njê-ddaje lo-to-majang, njê-tɔlje dəwje, njê-poloje kɔr, njê kə̂ ndikije ngəm ddəm aw ərəje ngəm ddəm ə-naynje ddaka nunn.

Apokalisi 22:5

Til a goto ngaâ. Dəw a duju puru lambe wase a nginan karə kar ɔsu bba ta koo nɛ̂n lo ang. Mba ndoko lə Əbbə-dəwje Lubba njaa a kuru dɔde tə̂ ngaâ dâ kɔnje mbay bbal kə bbal.

Apokalisi 6:15

Tɔkə mbayje kə̂ dɔ nangə tə̂, njê-kɔn-bbeje, njê-kɔnje dɔ mbambaje, njê-nɛ̂n-kingaje, njê-singa-mɔnguje, bbərəje kə bbərəje ang, diyaje rɔde bolo ddingirije tə̂ kə horo ərje tə̂.

Apokalisi 9:21

Dinyaje ddəw tɔl dəw ang ddəm ddəw əmbilije ləde ang ddəm ddəw kaya ang ddəm ddəw bbokoje ləde ang ddəm.